2 Korint 1:9 - DAWAN BÎLA AISKA

⁹ Daira sin wali banhri, prura mihta ra yang nani na ai mangkan sa. Sakuna naha diara nani hilp wan munan, kau Gâd ra lukaia lâka briaia, baha mita yang nani wîni kat lukaia apia, kuna Gâd ra mika, witinka mita pruan nani kli buki ba.

2 Korint 1:9 ပူးပေါင်းရင်းမြစ်များ

Job 40:14

Bamna yang pali mita kaiki âu wimna, man karnikam ba mita pura luatma ba.

Lawana Nani 22:29

Man nani, witin ra bawi bas, witin ra baman mayuni bas man nani sut diara ailal bri iwisma ba, baha nani sut tasba yuya ra tawaia kan ba, witin nani yakan ai wîna ra rayaka âpu ba.

Sins Lâka 14:32

Upla watawikira ba, witin ai saurka pali ba mita sauhki tikisa, upla lukanka wapni ba, ai wapnika lâka mita kan kahbisa.

Sins Lâka 28:26

Tanis uplika ba lika witin ai kupia lukan pali kat luki tniwisa, sakuna sins lâka ra dauki watauki uplika lika swaki sakan kabia.

Aiseya 38:10

Yang lukri: rayaki yua nani ba, kau wahma pali pruan nani tasbaya getka ra auna; manki nani kau briaia katna ba wina ai takaskan.

Isikiel 33:13

Yang raya kaia pramiska yabuna upla yamni kum ra, bara witin bahara ai kupia yamnika tniwi, saura daukbia, diara yamni daukan kum sin kulkamna apia, kuna saurka daukan ba mita prubia.

Luk 18:9

Jisas maprika lilka wala aisin, upla tila nani dukiara witin nani lukan kau painkira sa wala nani ba wal. Witin bila:

Roman 8:36

Ulbanka ra naku aisisa: “Man nani tâmwan yu aiska pali prura mihta ra ai mangkan sa; sîp nani ra ikaia watla ra brih auya ba baku.”

2 Korint 1:10

Gâd bui yang nani ra swaki ai sakan bara kau ban sin swaki ai sakisa, prura pâtka tara ba wina. Yang nani kainira lukaia lâka ba witin kat mangki swiri sa, piua bani ban swaki ai saki kabia,

2 Korint 1:8

Muihki nani, brinki sa man nani kaiki kama, nahki pât nani Asia ra yang wauhri ba. Baha lika trabil tara pali kan, wan karnika âpu praiska wan daukan kan, bara ban sin yang nani lukri, yang nani ba raya kamna apia.

2 Korint 3:5

Yang nani karniki ni diara daukaia sip sna ba mita lika apia sika; sakuna, Gâd ba mita sika yang nani diara sut daukaia sip sna ba.

2 Korint 4:7

Sakuna baha diara manakira ba, yang nani wîni na sumi dakawa baku ba ra mangki brisna, bara baku mika upla kaikbia naha karnika na yang nani wina apia, sakuna Gâd wina sa.

Hibru Nani 11:19

Ebraham kasak lukan, Gâd ba pruan nani pali sin kli bukaia karnika brisa; bara maprika tânka baku sip sa wiaia, Ebraham ba ai luhpia pruan nani tila wina kli brin.