2 Korint 1:6 - DAWAN BÎLA AISKA

⁶ Baha mita, yang nani pât wahwisna kaka, baha lika man nani maisa nihkra lâka bara swaki sakan lâka brima ba dukiara sa; bamna Gâd mita yang nani maisi nihkisa kaka, baha lika man nani sin maisa nihkra bara swaki sakan lâka brima ba dukiara sa, bara baku lika man nani sip kama ban bapi bûi kaia, bara yang nani wahwisna pâtka nani ba wahwaia.

2 Korint 1:6 ပူးပေါင်းရင်းမြစ်များ

Apastil Nani Sturka 21:5

Sakuna wik kum ba luan ningkara, yang nani mahka taki impakri. Lalukra nani sut ai maya mairin nani, ai luhpia nani aikuki yang nani yuli kahbi tawan ba wina takan, bara auhya ra luli kriki, puri suni banhri.

Roman 8:28

Bamna yawan kaikisa, diara sut Gâd mita mangki ba lika witin ra latwan kaiki nani ba hilpka pali sa, baha nani Gâd ai kupia lâka kat luki si paiwan ba.

2 Korint 1:4

Pât nani sut yawan wahwi ba tilara witin yawan wan maisa nihkisa, bara baku yawan sin sip kabia wala nani pât wahwi ba sin maisa nihkaia, witin wina baha maisa nihkra yawan ra wanki ba, baha nani ra yabaia.

2 Korint 12:15

Bamna yang maipa ra wilin pali tikamna dîa brisna ba man nani sulkam dukiara, bara yang pali wîni tara na sin ban tikamna; kaiks, man nani ra kau latwan mai kaikisna ba ra, man nani ba lika kau latwan ai kaikras taki banhwisma.

2 Korint 5:5

Bamna Gâd mita naha pali dukiara sika ridi wan daukan ba, bara baha mita witin Spirit Holikira ba wankan, diara naika briaia ba tukinka wisi.

Epesus 3:1

Naha tâwan, yang Pal, Kraist Jisas tâwan silak ra sna, man nani Ju apia nani mampa ra pain kaia ba dukiara.

Epesus 3:13

Baha mita, mamkabisna man nani swapni nani kama apia, yang na man nani dukiamra pât wahwisna ba tâwan, kan naha na man nani mampa ra prana kum sa.

Pilipai 1:19

kan yang pain kaikisna naha sut tila wina pain takamna, man nani puram sunra ba mita, bara Jisas Kraist Spiritka hilp aiki ba mita sin.

2 Timoti 2:10

Baha mita sika, yang diara sut mapara ban bapi buisni, Gâd mita bâk saki brin uplika nani painka dukiara, bara baku mika ban kaia ra swaki sakan lâka pranakira yawan Kraist Jisas wal asla mita bri ba, witin nani sin alki banhbia dukiara.