2 Korint 1:4 - DAWAN BÎLA AISKA

⁴ Pât nani sut yawan wahwi ba tilara witin yawan wan maisa nihkisa, bara baku yawan sin sip kabia wala nani pât wahwi ba sin maisa nihkaia, witin wina baha maisa nihkra yawan ra wanki ba, baha nani ra yabaia.

2 Korint 1:4 ပူးပေါင်းရင်းမြစ်များ

Lawana Nani 32:5

Saurki daukri dahra, yang bui man ra param mai wîri; watawi daukri ba, man ra yukukras kupi wal lâ daukri ba, lâ krikanka daukri daihra ba sut man ra sakri, bara Dawan, man, pâtki nani ba sut ban swih tikram.

Lawana Nani 32:7

Man sika yang yukuwaiki watla: pât ai alki ba wina man kaini kahbisma, pri sakan lawana nani ni kaini kir aiwanisa.

Lawana Nani 66:16

¡Man nani sut nâra bali banhs, man nani sut Gâd ra sibrin lukisma ba! ¡Man nani ai wals, mai wiaisna Gâd maita dîa daukan ba!

Lawana Nani 86:17

Lukankam pain ba mairiks yang kaikamni, bara baha nani misbara ai kaiki, ba kaiki ai swira takbia. ¡Kan man, Dawan, hilp ai muni bara maisi nihkra aikisma ba!

Aiseya 12:1

Baha yua ra man wima: “Dawan, man ra tingki mai wisni, maipara man kupiam baikram sakuna, kupiam baiwanka ba tnaya ra lakram, bara man maisi nihkram.

Aiseya 40:1

Man nani Gâdkam ba aisisa: “Upliki nani ba maisa nihks, man nani maisa nihks;

Aiseya 49:10

“Witin nani kli plun daukbia apia, diran sin daukbia apia, yu laptika mita sin bara lapta bitnika mita sin munbia apia, kan yang bui witin nani ra latwan sna tâ brisna bamna, bara lî kârma nani ra brih wamna.

Aiseya 51:12

“Yang, yang sika, man nani maisam nihkra sna. ¿Man nani ya sîa mai daukisa? ¿Upla nani ra? ¿Upla praprura nani ba baha nani twi baku ba?

Aiseya 51:3

Saion ra yamniki marikamna, baha tawanka tara sauhkan bâra kata ba. Tasba lâwan upla iwras tasbaya ba wina giadin daukamna, Dawan mita Eden giadinka ra mangkan ba baku. Bahara lilia bâra kabia, kikaia sin, mayuni aiwananka nani miusik binka dauki.

Aiseya 52:9

¡Jerusalem, liliam mita mayunra tara ba aiwans, Jerusalem slingwanka nani Dawan lika ai uplika nani ba umpira kaiki bamna, Jerusalem ba atki sakan bamna!

Jan 14:16

Yang Aisa ra makabamna, witin bui man nani hilpkam bara maisam nihkaia dukiara wala kumi maikbia, baha sika kasak tânka Spiritka ba, witin ba man nani wal kabia ban kaia ra.

Jan 14:18

“Yang bui man nani ba, ban lulki mai swimna apia; kli balamni man nani wal kaia dukiara.

Jan 14:26

Sakuna Spirit Holikira Aisa mita yang nini ra luki blîkbia ba lika, man nani ra hilp mai munaia bara maisam nihkaia dukiara, bara witinka mita diara sut mai smalkbia, bara dîa dîa mai wîri ba sut kupiam kraukbia.

2 Korint 7:13

Baha mita, yang nani maisa nihkra briri. Bara maisa nihkra briri nani ba purkara, yang nani uya lilia takri, Taitus ai âuyapah pali kan ba dukiara; bamna man nani sut mita hilp munram witin ba ai kupia kumi kaia.

2 Korint 7:4

Man nani dukiamra uya pali lukisna bara sin âiyapah sna. Pât nani yang nani wahwisna ba tilara, tâi baikisna bara sin lilia pali sna.

Pilipai 1:14

Bara silak ra sna ai kaiki, wan muihni nani ailal Dawan ra kau kasak luki ai tâ baiki, Gâd sturka yamni ba sibrin âpu smalki banhwisa.

1 Tesalonaika 4:18

Baku bamna, pana pana walkam nani aikuki naha bîla nani wal maisa nihki tâm baiki bas.

1 Tesalonaika 5:11

Baha mita, pana pana tâm baiki bas, bara pana pana sin walkam ra hilp muni bas, nanara daukisma ba baku.

Hibru Nani 12:12

Baku bamna, mihtam nani swapan ba bara lulam nani swapan ba sin karnika raya yabia,