2 Korint 1:17 - DAWAN BÎLA AISKA

¹⁷ ¿Baku daukaia lukri ba, pulan lâka ra lukatna ki? ¿Man nani lukisma, yang dîa daukaia luki kaikisna bara namhpa namhpa sna, “daukamna” bara “daukamna apia”?

2 Korint 1:17 ပူးပေါင်းရင်းမြစ်များ

Jirimaya 23:32

Yang param aisisna baha prapitka nani kunin yaprisauhkanka nani aisi ba mapara; sturi bahki man kunin aisi, upliki nani ba mawahkisa. Yang baha nani ba blikras, aisaia adarka sin yaras, baha mita witin nani karnika âpu sa upla nani hilpka daukaia. Yang, Dawan, kasak aisisna.

Sofonías 3:4

Ai dahra aisasarika nani ba, saura daukisa kunin lâka ra; ai prîska nani ba, Dawan lâka kriki bara Dawan wal prawaia watla holi ba bahki lâka ra daukisa.

Matiu 1:19

Ai maya Josep ba waitna kasakkira kan ba mita witin Meri nina sauhkaia want apia kan; bamna witin lukan yukuwan ra sâp swiaia.

Matiu 5:37

Witin nani wisa ‘âu’, aisin ba baku âu kabia; witin nani wisa ‘apia’, aisin ba baku apia kabia, baha wina kau wala aisabia, baha saura.

Jan 8:15

Man nani lika lâ aisi daukisma naha tasba lâka ba kat. Yang mita upla kumi sin lâka aisi daukras;

2 Korint 1:12

Diara kum bâra sa wan kupia âuyapah daukisa, bara baha sika: wan kupia lukanka ba mita wan wisa, yang nani lika naha tasba ra holikira lâka ra bara kunin tânka âpu kira watauki banhri sa; bara kau pali lika man nani tilamra. Baku kaia tânka ba lika, yang nani sinski ba mita lika apia, sakuna Gâd ai kupia latwanka lâka tara ba mita sika.

2 Korint 11:18

Bamna upla ailal bâra sa naha tasba tânka nani ba briaia luki aimayunisa, baku ba mita yang sin aimayunaia sna.

Galesha 1:16

ai Luhpia ba aikan kakaira takri, baha mita yang ra ai paiwan swaki sakan lâka smalkanka ba, Ju apia uplika nani ra smalkamna dukiara. Naha diara yang ra takan ba ra, upla kumi wal sin aisaia waras kapri,

Galesha 2:2

Yang bahara wari, kan Gâd mita param mairikan yang bahara waia sna ba. Bara Jerusalem ra plis kum wiria tnaya ra, tâ uplika nani aikuki asla aidrubi banhri ba ra, swaki sakan lâka Ju apia uplika nani ra smalkisna ba tânka baha nani mawanra yang mangkri. Naha daukri, kan yang brin ai daukras kan wark nani pat daukri ba, bara naha piua ra daukisna ba sut sin bahki ra tawbia.

1 Tesalonaika 2:18

Yang nani waia munri; yang Pal, aima manis waia want kapri, sakuna aima bani Sitan mita yang nani ra ai alki ai takaskan.

Jems 5:12

Sakuna, muihki nani, diara sut purkara swer takpara pali, kasbrika purara ba nina mâki, tasba nina mâki kra, swer sâtka wala sin daukpara. Man nani “âu” wima ba, yarka “âu” kabia, bara “apia” wima kaka, yarka “apia” kabia; baku mika Gâd lika pât ra mai dingkbia apia.

Wihta Nani 9:4

Baha purkara, witin nani Baal-berit tempelka wina silbar mâ 70 saki Abimélec ra yaban. Abimélec baha lalahka brin, bara waitna upla âikra saura nani ba mana aibapi brin witin ai nina blikaia.