2 Korint 1:12 - DAWAN BÎLA AISKA

¹² Diara kum bâra sa wan kupia âuyapah daukisa, bara baha sika: wan kupia lukanka ba mita wan wisa, yang nani lika naha tasba ra holikira lâka ra bara kunin tânka âpu kira watauki banhri sa; bara kau pali lika man nani tilamra. Baku kaia tânka ba lika, yang nani sinski ba mita lika apia, sakuna Gâd ai kupia latwanka lâka tara ba mita sika.

2 Korint 1:12 ပူးပေါင်းရင်းမြစ်များ

2 Samuil 22:22

yang Dawan yabalka ba nina blikri; ¡yu kumi sin Gâd ba watawi kulkras kapri!

Job 13:15

Ban kra witin bui ai ikbia sin, ban sakuna wapni kaia sna, witin mawan kat bûi raitki brisna ba aisaia sna.

Aiseya 38:3

“Dawanki, yang mamkabisna, man ba yang dukira kupiam krauks, kan yang sika man mamwanra kasak ba kat daukri kupi aiska kira wal; bara diara nani daukri ba sin, man kupiam brinka kat daukri.” Bara Ezequías ba karna inan.

Apastil Nani Sturka 23:1

Pal ba Ju lâka dadaukra wihtka nani ba kaiki, naku win: —Muihki nani, piua bani ban naiwa kat sin, Gâd mapara lukanki na pain brisna.

Apastil Nani Sturka 24:16

Baha mita sika yang kupi lukanka tânka ba klin brisna, Gâd mawanra bara upla nani mawanra sin.

Roman 9:1

Yang Kraist ra kasak lukisna ba mita, kunin aisaras, diara kasak ba aisisna. Baha purkara, yang kupi lukanki ra Spirit Holikira tâi brisa, bara mairikisa aisisna na kasak sa:

1 Korint 1:17

Kraist upla tahbi daukaia ai blikras. Witin ai blikan ba lika, sturi yamni ba aisi smalkamna dukiara, sakuna sinskira nani bîla nani aisi ba baku lika apia, kan baku daukamna kaka, Kraist dus prihni ra pruan karnika ba tânka âpu baku kabia.

1 Korint 12:8

Spirit ba bâk, witin bui upla tila nani ra sins tara brih aisaia sinska yabisa, bara wala nani ra lika, baha sim Spiritka bâk diara tihu tânka kaiki aisaia sinska yabisa.

1 Korint 15:10

Sakuna yang dîa sna ba lika, Gâd bui yang wal ai kupia pihni brin ba mita; bara yang wal ai kupia yamni lâka brin ba bahki ra tawras sa. Sakuna, yang sika apastil nani sut purkara kau wark takri ba; baha ba yang pali lika apia, sakuna Gâd sika ai kupia yamni lâka ni yang wal ba.

1 Korint 2:13

Baku bamna, Gâd Spiritka yang nani ra ai smalkan bîla nani ni naha dukia nani aisisna, sinski lâka wina lan takri bîla nani wal lika apia. Bara baku, spirit dukia nani ba, witinka nani Spirit bri banhwi ba ra, tânka pain wi banhwisna.

1 Korint 4:4

Kupi dara walra na klin brisna, sakuna baku ba ra wisi yang na pâtkira apia sna lika wiras sna. Dawan sika lâika aisi dauki ba.

1 Korint 5:8

Baku bamna, wan lilia yua tara ba daukpi, brit îs almuk bri ba wal lika apia, saurka lâka bara tâski lâka îska ba, sakuna îs âpu britka ba wal mika, sunu lâka bara kasak tânka britka ba wal.

2 Korint 1:17

¿Baku daukaia lukri ba, pulan lâka ra lukatna ki? ¿Man nani lukisma, yang dîa daukaia luki kaikisna bara namhpa namhpa sna, “daukamna” bara “daukamna apia”?

2 Korint 11:3

Kuna si brisna piuta ai kuninka ba ni Iv ra kunin munan ba baku, swirka man nani ra sin kunin mai munbia, bara kupiam lukanka kumi ba bara sunu kaia lâka Kraist tani brisma ba sin swima.

2 Korint 2:17

Yang nani lika Gâd smalkanka bani bisnis daukras, upla manis mita aihka laki dauki ba baku; sakuna, yang nani lika baha smalkanka ba aitani kat kunin âpu smalkisna, Gâd mita wan blikan baku, bara Gâd mawanra aisisna sim Kraist uplika nani baku.

2 Korint 4:2

Wan swira daukaia dukia baman yukuwi dauki ba, yang nani swiri; bara kunin lâka wal taukras, Gâd bîla smalkanka ba kunin lâka praki smalkras. Sakuna baha watlika ra diara kasak ba baman aisisna, bara baku yang nani tâinka ba upla wala nani sut kupia lukra ra mangki swiri Gâd mawanra.

2 Korint 8:8

Yang naha na adar baku pali lika man nani ra mai wiras; sakuna want sna upla wala nani diara karna dauki ba man nani kaikaia, bara praki kaikma man nani latwanka lâka ba aitani kat brisma sapa.

Galesha 6:4

Upla bani ai tânka ba nahki sapa pliki kaikaia sa; bara tânka pain sa lukisa kaka, witin ai dukiara aimayunaia sip sa, sakuna upla wala dîa dauki ba dukiara lika lukaia apia sa.

Epesus 6:14

Bahamna ban bapi bûi banhwi bas, kasakka lâka kwalka ba ni dims, bara wapni lâka ni kainam suni bas.

Pilipai 1:10

baku bamna diara yamni ba pliki sâkma diara sut ra. Rayakam sunu bri kama, bara Kraist balbia ba ra, man nani mampara kaia dukia kumi sin âpu kabia.

1 Tesalonaika 2:10

Naha witniska nani sma, bara Gâd sin: man nani lalukra nani sma ba tilara, yang nani ba sunu katni, kasak lâka ra sin iwi banhwi katna, bara upla kumi mita sin pât kum dukiara kra sip daihra sakras kan.

1 Timoti 1:5

Baha smalkanka ba sika, pana pana latwan kaikaia wan walka ra, kupia tâski âpu ba wina aula, kupia dara lukra yamni ba wina, bara kasak lukan lâka kunin âpu ba wina sin taki aula.

Taitus 2:7

Man pali mita, diara sut mapa ra tânkam wal witin nani ra lâ mariki bas. Baha nani ra smalkma, kunin âpu, sunu lâka ra bara pulan ra lika apia.

Hibru Nani 13:18

Yang nani dukira puram suni bas. Kasak luki banhwisni yang nani kupi dahra walra na wapni pali brisni, yang nani diara sut mapara yang nani pain tauki kaia want sna bamna.

Jems 4:6

Sakuna Gâd ai yamnika mita kau latwan wan kaikisa, kan Ulbanka ra naku wan wisa: “Gâd bui prautkira nani ba mapara buisa, sakuna bawikira nani ra lika ai yamnika ba ni hilp munisa.”

Jasua 24:14

—Naha sut ba mita, man nani bui Dawan ra pain kulks, bara ban kasak ai dukia dauks kupiam wina, bara ai lâka aiska kulks. Damikam nani gâd bahki nani ra Éufrates awalka un ra bara Idsip ra mayuni kata ba wina dakwi taks, bara Dawan dukia dauki banhs.

1 Pita 3:16

Kupiam dara walra nani ba klir bri bas, bara baku mika ya ya mita man nani Kraist nina blablikra, yamni wataukisma ba mampara saura aisabia ba, ai bîla nani aisuya ba dukiara ai swira lukbia.

1 Pita 3:21

Baha laya ba lika tahbi wan dauki laya ba lilka kan, naha mita sika nanara swaki wan saki ba. Tahbi daukaia lâka ba lika wan wîna ra tâski bri ba sikbi sakaia tânka apia sa, sakuna Gâd ra wan kupia dahra walra klin wankbia makabaia ba tânka sika. Bara swaki wan sakisa Jisas Kraist pruan wina kli buanka bâk.