2 King Nani 7:4 - DAWAN BÎLA AISKA

⁴ Ban kra yawan tawan ra dimi waia munbia sin, plun bla prubia; nâra iwi kabia sin pruaia ban sa. Baku bamna, kaisa nanara, Siria uplika nani kiampka ra waia. Bara witin nani wan pâtka swih tikbia kaka, yawan raya kabia, baku sin wan ikbia kaka sin prubia sika.

2 King Nani 7:4 ပူးပေါင်းရင်းမြစ်များ

2 Samuil 14:14

Diara kum rait sa yawan sut na pruaia; yawan na lî tasba ra laiwi ba baku sa, baha sut sip alki briras. Ban sakuna, Dawan bui upla rayaka ba bri sakras, sakuna natka nani mangkisa, plapi ba kau laihura waia apia.

2 King Nani 6:24

Naha diara nani ningkara, Ben-hadad, Siria kingka ai aiklaklabrika nani sut ba asla daukan, bara Sameria ra balan aiklabaia, baku bamna kir kutban.

2 King Nani 7:5

Baku bamna, yu dimuya kan witin nani Siria uplika nani kiampka ra wan. Bara pat Siria uplika nani kiampka ra auya kan ba ra, ai dahra walan bahara upla kumi sin âpu kan.

1 Kronikas 12:19

Baku sin Manasés kiamka wina kum kum ba Debit ra wih asla takan, Debit ba filisteo nani tilara wih takaski Saúl mapara aiklabaia ridi takan ba ra. Sakuna Debit bui filisteo nani ra tâ baikras kata, ai lalka nani ai kupia kraukanka kum brin, naku aisi: “¡Yawan klauna wan lal nani tâka mita, ai mâsika Saúl ra tawbia! Bamna mahka blikan wan.”

Ester 4:16

“Bamna man, nanara was, bara Susa ra Ju nani bani wal prawma ba ra witin nani ba sut asla dauki yang dukira puram suns, plun piras bara lî sin diras kira lapta yumhpa dauks, kakna bara tihmia ra, bara yang sin baku daukamna warkki dadaukra nani ba aikuki. Baha ningkara, yang lika king mawanra wamna, lâ krikamna bara ai ikaia kaka ai ikbia si.”

Jirimaya 14:18

Yabal ra taki auna ba ra, war ra upla pruan ba kaikisna; tawan ra bal dimuna ba ra, upla nani sanglang mita pruan nani ba kaikisna. Prapit nani bara prîs nani ba sin kaikisna witin nani kakaira apia ba kuntrika ra auya.’ ”

Jirimaya 8:14

Bara upla nani ba aisabia: “¿Dîa dukiara yawan nâra kau takaskisa? ¡Kaisa yawan sut tawan tara nani karna paskan ba ra waia bara bahara sut wan ikbia! Dawan, wan Gâdka mita pruaia ra wan lakan sa bamna; puisin liura diaia wankbia, kan yawan bui witin ai mapara saura daukan ba tâka mita.

Jona 3:9

yawan baku daukbia kaka, ban kra Gâd wan lawbia apia, bara yawan raya kabia.”

Hibru Nani 9:27

Upla bani ba aima kumi baman pruaia sa, bara baha ningkara Gâd mita lâka daukbia.