2 King Nani 7:3 - DAWAN BÎLA AISKA

³ Kau baha aisi kan ba ra, liparkira waitna walhwal bâra kan tawan dimaika ra bara aisi banhwi kan: —¿Yawan nâra dîa daukisa pruaia baman bîla kaiki?

2 King Nani 7:3 ပူးပေါင်းရင်းမြစ်များ

2 King Nani 5:1

Waitna kumi kan nina Naamán, Siria kingka suldiarka wihtka tara, kingka ba mita witin ra tara kulki kan bara yamni sin kaiki kata, kan witin mita sika Dawan bâk Siria ra yan ai waihla pura luan. Sakuna baha waitnika ba lipar sikniska bri kan.

2 King Nani 7:4

Ban kra yawan tawan ra dimi waia munbia sin, plun bla prubia; nâra iwi kabia sin pruaia ban sa. Baku bamna, kaisa nanara, Siria uplika nani kiampka ra waia. Bara witin nani wan pâtka swih tikbia kaka, yawan raya kabia, baku sin wan ikbia kaka sin prubia sika.

2 King Nani 8:4

King ba Guehazí wal aisi kan, prapit Ilaidsa albika ba, kan makabi wali kan Ilaidsa diara aihkakira daukan ba sut wibia.

Jirimaya 27:13

¿Dîa brinka mita man uplikam nani aikuki war aula ba tâka, sanglang ra bara siknis ra sin pruaia sma? Kan Dawan pat aisin baha nisanka nani sut ra Babilon kingka ra bawras ba baku takbia.

Jirimaya 8:14

Bara upla nani ba aisabia: “¿Dîa dukiara yawan nâra kau takaskisa? ¡Kaisa yawan sut tawan tara nani karna paskan ba ra waia bara bahara sut wan ikbia! Dawan, wan Gâdka mita pruaia ra wan lakan sa bamna; puisin liura diaia wankbia, kan yawan bui witin ai mapara saura daukan ba tâka mita.

Kulki Kaikanka 12:10

Kasbrika ba tint watla ba wina uli wan ba ra, Meri ba lipar sikniska alkan, ai taya aiska pihni pali takan. Eran bui Meri tawi kaikan ba ra, lipar sikniska alkan kan,

Kulki Kaikanka 12:14

Dawan bui Moses ra pana aisin: “Âu, ai aisika mita ai mawanra yabalaya tuhban kata kaka, ¿yu matlalkahbi pura kumi baha dukiara ai swira luki kaia kan apia? Baha natka ra witin ba yu matlalkahbi pura kumi utla wina saki swin kabia, bara baha ningkara kli dakni ba tilara balbia.”