2 King Nani 3:3 - DAWAN BÎLA AISKA

³ Ban sakuna, dîa Jeroboam Nabat luhpia saura nani daukan kan ba, witin sin baha saurka ra kauhan, baha saurka wal sika Israel ra yaban saurka daukan.

2 King Nani 3:3 ပူးပေါင်းရင်းမြစ်များ

1 King Nani 13:33

Baha sut purkara, Jeroboam ai yabalka saura ba sip swiras kata, kau ban prîs nani mangki gâd bahki ra pura sunaia dukiara, witin yaura mangkaia lukan uplika ra, witin mita yaura yamni luki ba prîs nani mangki kan.

1 King Nani 14:16

Bara Dawan bui Israel ba mihta ra mangkan kabia, Jeroboam saurka tâwan, witinka saura pali daukan bara Israel ra sin yan saura daukaia.

1 King Nani 14:9

Ban sakuna, man kainamra kan nani ba wal kau saura daukram; bara man kupi sauhkram, gâd bahki nani lilka paski daukram, bara yang na man ninamra ai lakram.

1 King Nani 15:26

Bara ai daukanka ba Dawan mawanra saura kan, ai aisika dîa dauki kan baku daukan. Israel luhpia nani ra yaban saurka nani ba daukaia.

1 King Nani 15:34

Sakuna Asá daukanka ba Dawan mawanra saura kata, kan Jeroboam dîa daukan yabalka nani ra wapan, baha wal sika Israel luhpia nani ra yaban saurka daukan ba.

1 King Nani 16:31

Ban ai kupia lakras kan, Jeroboam Nabat luhpia saurka ba nina blikan, witin Sidón kingka Et-baal luhpia mairin, Jezabel ba ai maya brin, bara witin Baal mayuni dukia daukan.

2 King Nani 13:11

Sakuna Dawan mawanra saura pali daukata, kan Jeroboam, Nabat luhpia saurka kata ba wina tnaya ra tawras kan, witin sika Israel ra yaban saura daukan ba, baha saurka ra witin nani ban tauki kan.

2 King Nani 13:2

Bara witin sin Dawan mawanra diara nani saura daukan, bara Jeroboam, Nabat luhpia saurka kata ba nina bliki daukan, witinka sika Israel ra yaban saurka daukata ba, bara baha wina wiria sin tnaya ra tawras kan.

2 King Nani 13:6

Naha diara nani sut purkara, witin nani Jeroboam saurka ba wina sip tnaya ra tawras kan, baha waitnika Israel ra yaban saurka ra kauhan ba, baha saurka kat witin nani ban tauki kan, baku sin Aserá ba Sameria ra swin ban bâra kan.

2 King Nani 14:24

Ban sakuna, ai daukanka nani ba Dawan nakra ra saura kata, kan Jeroboam, Nabat luhpia saurka nani daukan ba wina tnaya ra tawras kan, witin sika Israel ra yaban saurka daukan ba.

2 King Nani 15:18

Bara Dawan kaikan witin diara saura uya daukan ai yua nani aiska ra, Jeroboam, Nabot luhpia saurka kata ba wina tnaya ra tawras kan, witin ba sika Israel ra saurka yaban daukata ba ai yua nani ra.

2 King Nani 15:9

Bara Dawan kaikan witin ba saura pali daukan, dîa ai damika nani daukan ba baku, Jeroboam, Nabat luhpia saurka nani ba wina tnaya ra tawras kan, witinka sika Israel luhpia nani ra saura yaban daukan ba.

2 King Nani 17:21

Bara Israel luhpia nani ba Debit king aimaki aula ba wina dakbi sakan kata, witin nani mita Nabat luhpia, Jeroboam ba king mangkan. Bara Jeroboam mita sika Israel luhpia nani ba Dawan lama wina tnaya ra lakan bara saurka tara pali yaban daukan.

2 King Nani 17:22

Bara Israel luhpia nani ba Jeroboam saurka daukan kan ba wina, kumi sin tnaya ra tawras ban dauki tauki kan, witin dîa dauki kan ba kat.

2 King Nani 17:23

Lâs kat Israel luhpia nani ba Dawan mita ai mawan ba wina sakan, sip pain takras kan bamna, dîa witin prapit nani bâk aisan ba kat, bara Israel luhpia nani ba Asiria ra alki brih wan, naiwa yua ba kat ban bâra sa.

2 King Nani 21:16

Baha purkara Manasés Juda ra saura daukan, baha daukan ba Dawan yamni kaikras kan, upla uya tâlia laikan Jerusalem ra, bara banhki takan tâ kum wina tâ wala kat.

2 King Nani 23:15

Baku sin sakripais daukaia pliska ba ra, Dawan wal aisaia watla Betel ra mâkan kata ba, Jeroboam, Nabat luhpia Israel ra yaban saura daukan ba, Josías mita kaiki âpu daukan ba ra angki sut tikan, Aserá lilka nani bâra kan ba sin.