2 King Nani 2:9 - DAWAN BÎLA AISKA

⁹ Witin nani awala ba luan ningkara, Ilayas bila Ilaidsa ra win: —Man dîa brin mai daukisa kaka yang bui dauki maikamna, ai wis, yang kau man wina dakwi takras sna ba ra. Ilaidsa win: —Man spiritkam ba aima wâl praiska yang ra aikma want sna.

2 King Nani 2:9 ပူးပေါင်းရင်းမြစ်များ

1 King Nani 19:16

bara Nimsí mulika Jehú ba sin batana laikma, Israel kingka kaia; bara Safat luhpia Ilaidsa ba, Abel-meholá wina ba, batana yûkma man wamtlika ra prapit kaia.

1 King Nani 3:9

Baku bamna, aik kupi ra sins lâka, bara baku lika sip kamna tâ briaia uplikam lâka wapni kat aisi dauki kaia, saura yamni ba tânka pain bri kaia. ¿Bamna uplikam nani ailal pali na ya sip kabia ki tâ briaia?”

Lawana Nani 72:1

Man, Gâd, king ra kasakka lâka bara diara wapni daukaia ba yas,

Lawana Nani 72:20

Naha kat Debit, Jesé luhpia pura sunra ba prakisa.

Sakaraya 12:8

Yang, Dawan, Jerusalem ra iwi uplika nani ba kan kahbamna. Upla kau swapni pali nani ba, Debit wal kau karna kabia, Debit kiamka nani ba Dawanka kabia, Dawan insalka baku, witin nani tâura aimaki ba.

Sakaraya 9:12

¡Man nani tasbayam wina kangbi mai sakan, sakuna kli balaia bîla kaikisma ba, kan kahbaika pliskam ra kli tawi bal!

Kulki Kaikanka 11:17

Yang bal iwamna bara bahara man wal aisamna, bara man spirit brisma ba wina wirâ brimna, baha witin nani ra sin yabamna bara witin nani sin hilp mai munbia upla nani karbanka ba twilkaia; baku lika man yakan kama apia.

Kulki Kaikanka 11:25

Bara Dawan kasbrika ra bal iwan, bara Moses wal aisin; bara Moses ra spiritka ba wina wiria saki brih, spiritka ba almuk nani 70 ba ra sin yan. Spirit ba nan witin nani ra diman ba ra, witin nani sin prapit nani aisi baku aisin; sakuna baha takan ba baku kli takras.

Jan 16:7

Sakuna kasak pali mai wisni: yang waia sna ba lika, man nani mampa ra kau pain sa. Kan yang waras kamna kaka, Spirit Holikira ba man nani wal kaia balbia apia, hilp mai munaia bara maisam nihkaia; sakuna wamna kaka lika, yang mita witin ba blikamna.

Apastil Nani Sturka 1:8

Sakuna man nani puramra Spirit Holikira balbia ba ra karnika brima, bara yang dukira witnis nani kama Jerusalem ra, Judia tawanka aiska ra, Sameria ra, ban wan tasba wala ra kau laihura ba kat sin.

Apastil Nani Sturka 8:17

Bamna Pita bara Jan wal mita baha nani purara ai mihta nani kahban, bara Spirit Holikira brin.

1 Korint 12:31

Baku bamna, trai kaiki bas kau sins pain nani ba Gâd wina briaia. Sakuna yang mita kau yabal pain kum mamrikamni.

Kli Smalkanka 21:17

Ai luhpia ba ra ai luhpia almukka baku kulki, aima wâl prais witin ra ai prapatika ba yabia, kan witin ba sika pas karnika wina balan, bara diara sut ra ai raitka brisa luhpia almukka baku.

Kli Smalkanka 34:9

Bara Jasua Nun luhpia ba, Moses wina sins lâka ba brin, bamna Moses ai mihta nani witin purara kahban; bamna Dawan bui Moses ra aisin ba baku, Israel luhpia nani witin bîla wali daukan.

1 Timoti 5:17

Almuk nani serts tâ pain bri nani ba, witin nani ba aima wâl prais kulkan kabia, bara kau pali baha nani upla nani ra aisaia bara smalkaia warkka karna dauki nani ba.