2 King Nani 1:3 - DAWAN BÎLA AISKA

³ Sakuna Dawan insalka ba, Ilayas Tisbé wina ba ra win: “Bus, bara Sameria kingka bîla twatwilkra aula ba wal prawaia was, bara makabi wals: ‘¿Israel ra Gâd âpu kan ki, Ecrón gâdka Baal-zebub ra kaina kaikaia auma ba?’

2 King Nani 1:3 ပူးပေါင်းရင်းမြစ်များ

1 King Nani 11:33

Witin bui yang ba ai swin bara Sidón nani gâdka Astarté ra ai pura suni mayunan, Moab uplika nani gâdka Quemós ra, bara Amón uplika nani gâdka Moloc ra sin. Bara yabalki nani ra wapras, diara wapni daukras naikra nani ra, bara lâika bîla nani sin kulkras, ai aisa Debit daukan ba baku.

1 King Nani 17:1

Prapit Ilayas Tisbé tawanka wina, Galaad tasbaya pîska ba wina kan ba, Ahab ra win: “¡Israel Dawan Gâdka raya iwi ba nina ra swer takisna, witinka dukia daukisna ba, lî auhbia apia, diwas laya sin âpu kabia naha manka nani ra, yang bui wimna ba kat!”

1 King Nani 18:1

Piua ba luan muni yumhpa luan ba ningkara, Dawan Ilayas ra balan bara witin ra win: “Man Ahab ra was, kan yang tasba purara lî blikaisna.”

1 King Nani 18:36

Mahka wîna aiska angkaia piua aimakan ba ra, prapit Ilayas bui altar ba lamara balan bara win: “Ebraham, Aisak bara Jekob Dawan Gâdka, naiwa yua latan mariks man ba Israel Gâdka sma ba, bara yang na man dukiam dadaukra sna ba sin, man ai wiram ba mita yang naha diara nani sut na daukisna.

1 King Nani 19:5

Bara dus ba munhtara aitniki si, mahka yapan, bara tisku kan insal kum mita kangbi, bara win: “Bûi plun pis.”

1 King Nani 19:7

Bara kli aima wala Dawan insalka balan, bara kangbi naku win: “Bûi plun pis, kan kau yabal wihka wapaia brisma.”

1 King Nani 21:17

Bara Dawan bîla baikra Ilayas Tisbé wina ba ra balan, bara naku win:

2 King Nani 1:2

Bara Ocozías ba king watla kum Sameria ra kan ba windarka pura pali ba wina kauhan, bara latwan pali brin. Bara sturi twatwilkra nani bliki win, Ecrón gâdka Baal-zebub ra tânka pliki kaikbia, naha sikniska na wina witin rawbia sapa.

2 King Nani 1:6

Witin nani bui pana win: —Kan yabal ra yang nani auna kan waitna kum takan bara wan win, yang nani kli tawi wamna king wan blikan ba ra, baku bamna wimna: ‘¿Israel ra Gâd âpu kan ki, man Ecrón gâdka Baal-zebub ra mangki kaikaia blikisma? Baha daukram bamna, krikrikam ba wina buma apia, sakuna pruaia kama.’

2 King Nani 1:8

—Waitna kum prâk tamayira dimi kan, bara ai maisa ra daiwan taya kum wilki kan —witin nani baku win. —¡Alai, baha ba Ilayas Tisbé wina sa! —king ba win.

2 King Nani 5:15

Bara Gâd prapitka ra tawi balan, witin bara ai uplika nani aikuki. Bara witin ai mawanra bal takaski win: —¡Nanara yang kaikisna tasba aiska ra Gâd wala âpu sa, sakuna Israel ra baman lika! Baku bamna, mamkabisna man diara kum prisantka brima man albikam na wina.

2 King Nani 5:8

Prapit Ilaidsa ba sturi walan Israel kingka ba ai prâka kalkan ba dukiara, bara king ra ai bîla bliki win: “¿Dîa muni man prâmka ba kalkram? Wis waitnika ba yang ra balbia, bara ai tânka bribia Israel ra prapit kum bâra ba.”

Lawana Nani 76:1

Dawan ba Juda ra kakaira sa witin ai nina ba kulkanka tara brisa, Israel luhpia nani ra.

Aiseya 8:19

Âu, upla nani bui man nani ra mai wibia sika: “Sukia nani ra wals, yapi kakaira nani ra sin makabi wals, pusbi aisi nani ra bâra aisi ba. ¿Upla nani ba ai gâdka nani ra makabi walaia apia sa ki, pruan nani bara walaia raya nani ba dukiara dîa aisabia ba,

Jona 2:8

Gâd bahki nani nina bliki banhwi ba, man ra kasak lukaia lâka ba mahka swisa;

Mark 3:22

Lâ Smasmalkra nani Jerusalem wina balan ba sin aisin: “Naha waitnika Bilsibub brisa, pirit saura nani wihtka ba, bara witin karnika mita sika pirit saura nani kangbi saki ba.”

Apastil Nani Sturka 8:26

Naha ningkara, Dawan insalka kumi Pilip ra win: “Man bus bara waupasa tani ra was, baha yabalka Jerusalem wina Gaza ra iwi auya bâk.” Naha yabalka na lika upla iwras tasbaya ra sa.

1 Samuil 17:46

Nanara Dawan bui mihti ra mai mangkbia, naiwa yang mai ikamna, lamla sin klaki dakbamna, filisteo aiklaklabra nani wîna ba sin tnawira nani ra bara daiwan nani ra sin yarka pibia. Baku tasba aiska kaikbia Israel ra Gâd kum bâra ba;