2 Jan 1:2 - DAWAN BÎLA AISKA

² Diara kasak pali wan kupia ra bri ba mita, yang bui man nani ra latwan mai kaikisni, bara baha dukia kasak pali ba sin, ban wan kupia ra kabia.

2 Jan 1:2 ပူးပေါင်းရင်းမြစ်များ

Jan 14:16

Yang Aisa ra makabamna, witin bui man nani hilpkam bara maisam nihkaia dukiara wala kumi maikbia, baha sika kasak tânka Spiritka ba, witin ba man nani wal kabia ban kaia ra.

Jan 15:7

“Man nani ba yang wal asla ban sma kaka, bara dîa mai smalkri ba sin âmya tikras sma kaka, dîa dîa want sma ba makas, bara maikan kabia.

1 Korint 9:23

Naha sât swaki sakan sturka daukisna, baha yamnika nani wina yang sin duki briaia dukiara.

2 Korint 4:5

Yang nani aisi smalkisna ba, wîni tânka lika smalkras, sakuna aisi smalkisna Jisas Kraist ba Dawan sa; yang nani lika man nani dukiam dadaukra nani sna, Jisas latwanka lâka ra.

Kolosi 3:16

Kraist smalkanka ba, man nani kupiam nani ra aiska pali banhwan kabia. Sins lâka sut ni pana pana smalki kupiam krauki banhwi bas. Pura Sunra Lawana nani, mayunra lawana nani bara lawana holikira nani ba sin, kupiam aiska Gâd ra tingki wih aiwani bas.

2 Timoti 1:5

Bamna kasak lukankam lâka kunin âpu brisma ba, yang kupi krawisa. Kukikam Loida bara yaptikam Eunice pas baha kasak lukan lâka ba brin, bara yang pain pali kaikisna man sin baha ba brisma.

2 Pita 1:12

Bahamna, yang baha diara nani ba dukiara man nani kupiam krauki ban kamna, naha sut na pat tânka brisma bara nanara sin man nani kasak bapi buisma lan mai daukan bamna.

1 Jan 1:8

Yawan ba saurka kumi sin âpu sa wibia kaka, wan lukanka ra kunin munisa, bara diara kasak ba kumi sin yawan ra âpu sa.

1 Jan 2:14

Luhpi lupia nani, man nani ra ulbri sa, Aisa ba kakaira pali takram ba dukiara. Aisa nani, man nani ra ulbri ba lika, witinka diara nani sut kau paskras kan bara pat bâra kan ba kakaira takram dukiara. Wahma nani, man nani ra ulbri ba lika, karna sma ba dukiara; Gâd bîla sin kupiam ra brisma bara baha sut purkara, man nani mita dibil pura luram sa.

1 Jan 2:17

Bara tasba na ai brinka saura nani sut wal mahka lui auya; sakuna ya Gâd kupia lâka kat dauki ba, ban kaia ra raya ban iwisa.