1 Timoti 6:19 - DAWAN BÎLA AISKA

¹⁹ Baku lika witin nani ai kaina dukiara yuya nani suni bri kabia, sim walpa bapan kum baku. Bara witin nani sip kabia raya ban kaia bara kasakkira ba win takaia.

1 Timoti 6:19 ပူးပေါင်းရင်းမြစ်များ

Lawana Nani 17:14

man karnikam ni, Dawan, witin nani mihta wina swaki ai sâks, ¡baha nani ba naha tasba wina saki lulks, man dukiam kukanka naha rayaka ra bâra ba! Swis witin nani ba yuyakira takbia, luhpia nani ba baiwaia praiska kat plun pibia, bara diara kau swibia ai mula nani lahma.

Sins Lâka 10:25

Prari ba lui auya ba ra watawikira ba lap tiwisa, sakuna kasakkira nani lika, ban kaia ra ban bâra sa.

Sins Lâka 31:25

Aitani kulkan lâka wihki karnika wal ba witin ai kwalka baku dimisa, bara yauhka yua diara briaia ba dukiara ai kupia wal aisaras.

Smasmalkra 11:2

Dîa brisma ba sip sma ba kat yui bas, kan man kaikras dîa saura kuntrikam ra aula ba.

Matiu 19:21

Jisas pana witin ra win: —Man kasak pali takan mai daukisa kaka, was bara dîa dîa brisma ba atki upla umpira nani ra yas, bara baku lika kasbrika purara yuya nani bri kama; baha ningkara bal, bara nini blîks.

Luk 12:33

Dîa brisma ba sut wauhi atks, bara umpira nani ra diara yas. Lalahkam watla nani dauki bris sip almuk takras ba, bara kasbrika purara yuyakam sip luras ban kaia ra ba suni bris, bahara sika âimplikra sip dimras, bara yula nani sin sip sauhkras ba.

Luk 16:25

Sakuna Ebraham bila: ‘Luhpi, luki kaiks raya katma piua nani ra diara sut ba man pain baman briram, sakuna Lasarus lika diara sut ra saura baman kan. Nanara lika witin ba maisa nihkan sa, sakuna man lika pât wahwisma.

Luk 16:9

“Yang mai wisna, upla wal uplikam kaia dukiara man nani naha tasba yuya saura nani ba yus muns, baku mika yuyakam nani ba sut âpu takbia, upla kra sip kabia ban kaia ra ai watla ra mai bri kaia.

Luk 18:2

Witin bila: “tawan kum ra wihta kum bâra kan, witin lika Gâd ra sibrin lukras, bara upla kum ra sin kulkras kata.

Luk 18:22

Jisas naha walan ba ra, witin bila: —Kau diara kumi man daukaia sma: diara brisma ba sut wauhi atks, bara upla umpira nani ra yas; baku lika man kasbrika purara yuyakam ba bri kama; bara ningkara bal, nini blîks.

Galesha 5:6

Bara yawan Kraist Jisas wal asla sa kaka, Aisa sainka bribia, apia kaka briras kabia sin, sut ba bahki sa. Kasak lukan lâka briaia ba lika kau pain sa, bara kasak lukanka lâka mita sika upla sut aikuki latwan iwaia tânka wanki ba.

Epesus 3:17

kasak lukisma ba mita, Kraist man nani kupiam ra iwi kabia, bara baku mika man nani latwan lâka wakia nani purara karna taki tihu pali bapram kabia,

Pilipai 3:12

Yang pat naha diara ba sut briri lika wiras, bara yang na pat kasak aihwa sna sin wiras; sakuna yang ban tâiura auni baha ba briaia trai kaiki, baha ba Kraist Jisas yang ra pas ai alkan ba.

Pilipai 3:14

Baku bamna, yang mark ba alkaia plapisni prisant ba briaia dukiara, baha briaia Gâd kasbrika purara ba mita wan paiwi ba, yawan Kraist Jisas wal asla ba mita.

1 Timoti 6:12

Kasak lukan lâka aiklabanka yamni ba aiklabi bas, bara raya ban kaia lâka ba man dukiam brima; kan baha dukiara sika Gâd mai paiwan ba, man ba kasak lukan lâka tânka yamni ba witnis ailal mawanra latan aisaram.

2 Timoti 1:1

Yang Pal, Jisas Kraist apastilka sna, Gâd kupia lâka ai blikan uplika, Dawan Kraist Jisas wal asla lâka ra, rayaka bri kaia pramiska wankan ba, yang aisi smalkamna dukiara.

2 Timoti 2:19

Sakuna Gâd mita playa kum karna bapan ba lika ban buisa, bara naha bîla nani na bahara ulban sa: “Dawan mita ai uplika nani ba kakaira sa”, bara: “Ani uplika nani Dawan nina bri ba, witin nani ba saurka wina tnaya ra takaia sa.”

1 Pita 1:4

bara baku diara manira nani kasbrika purara man nani dukiam wisi Gâd suni bri ba, witin mita maikbia. Baha dukia nani ba lika sip aisawras sa, sip sin tâski takras, bara sin sip sriwras.