1 Timoti 6:17 - DAWAN BÎLA AISKA

¹⁷ Naha tasba ra yuya ailal bri nani ba ra smalki wis, witin nani kwalhwi kabiara, yuyaka nani kat kaiki ai kainara diara briaia sin luki banhbiara, baha nani ban lap tiwisa bamna. Sakuna, witin nani Gâd ra luki ai kainara diara briaia luki ban kan, witinka diara ailal wankisa, yawan lilia takbia dukiara.

1 Timoti 6:17 ပူးပေါင်းရင်းမြစ်များ

Blasi Sturka 13:2

Ebram yuyakira pali takan, daiwan ailal brin, silbar bara gul sin manis.

2 Kronikas 26:16

Sakuna ai karnika ba brin ba ra kli praut takan, baha tâka witin ra sauhki tikan. Witin Dawan ai Gâdka ra kulkras daukata, kan witin Dawan tempelka ra dimi mahka kîa yamni dukia nani ba angkan altar ra.

Lawana Nani 104:28

Man bui witin nani ra yabisma bara witin nani wahbi brisa; man mihtam ba ilingkisma, bara diara kau yamni ni mihta banhki yabisma.

Lawana Nani 52:7

“Man nani kaiks baha nani Dawan ra ai yukuwaika plikras nani ba; baha nani ai dukia kukan tara bri ba ra baman ai tâ baikisa, bara watawi lâka ra bawi banhwi ba.”

Lawana Nani 62:10

Praut lâka ra kasak lukpara; ¡implikaia ba yabrika man dawankam takbiara! Man nani yuyakira takma kaka bara man lalahkam ra kasakkam lukan ba mangkpara.

Lawana Nani 62:8

¡Upliki nani, witin ra kasak luki ban bas! ¡Witin ra aisas puram sunra ni kupiam aiska luki kira! ¡Dawan sika wan yukuwaika ba!

Sins Lâka 11:28

Ai yuyaka ailal ra luki tniwi ba lika kauhbia, sakuna kasakkira nani lika, dus wahia kura baku pain pâwi kabia.

Sins Lâka 23:5

Pain laki kaikma kaka, man kaikma yuya tara ba âpu sa, bara aihni pali auya, yakal baku ai tnawa pat takan baku.

Sins Lâka 27:24

kan wan dukia ailal ba bara kraunka sin, ban kaia ra bâra kabia apia bamna.

Sins Lâka 30:9

Kan yang brinki ba pura lui brimna kaka, bara mai kulkras naku mai wimna: “¿Dawan ba ya sa ki?” Apia kra diara luha kamna kaka, upla dukia alkamna bara alkamna ra; Dawanki, ninam sin lahtubi aisamnara sîa.

Smasmalkra 2:24

Upla ba diara kau yamni daukaia ba sika piaia bara diaia, bara ai rayaka ba lilia daukbia ai warkka mâ nani ba wal, baku sin kaikri, naha ba Gâd mihta wina sa.

Jirimaya 2:31

(Man nani sin, naiwa uplika nani, Dawan aisin bîla na wals.) Israel, ¿yang na man nani ra upla iwras tasbaya kum takri sa ki?, ¿tasba kum ingni âpu? Upliki nani, ¿dîa muni naku aisisma: ‘Yang nani pri sna; yang nani sip kli man ra tawi wamna apia’?

Jirimaya 49:4

¿Dîa muni mamyunisma karnikam brisma wisi? Mapara babura nani, karnikam pat âpu takisma, diara nani kuki briram ba ra kasak lukisma bara aisisma: ‘¿Ya yang wal aiklabaia?’

Isikiel 16:56

Muihkam Sodoma ra klala yabri bara lawaska kikatma, man ba tara damra wali katma piua ra,

Daniel 4:30

naku win: “¡Kaiks nahki Babilon ba tara sa! Yang karniki tara ba wal paskri Babilon tasbaya lalka baku bâra ba lika, yang tara sna ba tânka naika piua ra kaikbia ninira aula nani ba.”

Oseas 13:6

“Sakuna man nani plun puram lui briram ba ra, kupiam lukra ba aibanhwan uba tara takan bara âmya ai tikram.

Matiu 12:32

Bara ya ya Upla Luhpia Waitna mapara diara kum aisabia ba, Gâd baha uplika pâtka ban swih tikan kabia; sakuna ya Spirit Holikira mapara bîla saurakira nani aisabia ba, naha tasba ra bara tasba wala aula ba ra sin swih tikan kabia apia.

Matiu 19:23

Bara Jisas bui ai disaipilka nani ra win: —Kasak pali man nani ra mai wisna, lalahkira kum mapa ra karna sa kasbrika purara ba kingka lâka ra dimaia.

Matiu 25:16

Alba lalah 5,000 brin ba, baha lalahka ba wal bisnis dauki kau lalah 5,000 sakan.

Matiu 27:57

Pat tihmia iwuya kan ba ra, waitna lalahkira kum balan, nina ba Josep; witinka ba Arimatea tawanka wina kan, bara witin sin Jisas disaipilka takan kan.

Matiu 6:32

Gâd kakaira apia nani ba baha diara nani ba dukiara trabil taki lukisa, sakuna man nani kum kasbrika purara brisma, bara witin kaikisa man nani naha dukia nani sut âpu sma ba.

Mark 10:24

Disaipil nani baha wali tâ iwan, sakuna Jisas kli win: —Luhpi nani, ¡karna pali sa Gâd King aimaki lâka tasbaya ra dimaia!

Luk 19:2

Bahara waitna yuyakira kum bâra kan, ai nina ba Sakius; witin ba lika lal mana sasakra Rom ra yaia nani wihtka kata.

Luk 3:11

Jan pana win: —Ya prâk wâl bri ba, prâk âpu uplika ra kum yaia sa; ya sin plun bri ba, plun âpu uplika wal yui briaia sa.

Apastil Nani Sturka 14:17

piua bani witin ba ya sapa tânka marikan, diara yamni dauki ba bâk: lî kasbrika purara ba wina wankisa, insla ra plun yan pâwisa, witin plun aitani wankisa yawan pih lilia kabia dukiara.

Apastil Nani Sturka 14:27

Witin nani Antíoco ra balan ba ra, serts uplika nani sut asla paiwan, bara baha nani ra win, dîa dîa Dawan bui witin nani ra daukan ba, bara nahki Gâd mita Ju apia nani ra sin yabalka ba sakan kasak lukaia dukiara.

Apastil Nani Sturka 17:25

bara sin nit apia sa upla kum bui witin dukiara diara kum daukbia, kan witin bui sika yawan sut ra rayaka ba wankisa, baku sin pâsa bara diara wala nani ba.

Roman 11:20

Aitani, sakuna baha nani kasak lukras kan ba tâwan klaki sakan, bara man lika ban bâra sma kasak lukram ba mita. Baku bamna, man mamyunpara, sakuna sibrinka lâka ni bri bas.

Epesus 5:5

Man nani pat kaikisma, sunu uplika marit takras kira ban ai maya brisa, diara tâski pali daukisa, gridikira pali sa kaka (baha lika aidul ra mayunaia tânka wal baku sa), baha ba sip sa Kraist bara Gâd wal king aimaki ba tasbaya ra dimaia.

Kli Smalkanka 33:15

Il nani blasi ra kau pain kata ba, kau pain purara ban kaia ra ba,

Kli Smalkanka 8:17

“Kupiam ra lukpara: ‘Naha kukanka sut na, yawan wan karnika ni sakan.’

Kolosi 3:16

Kraist smalkanka ba, man nani kupiam nani ra aiska pali banhwan kabia. Sins lâka sut ni pana pana smalki kupiam krauki banhwi bas. Pura Sunra Lawana nani, mayunra lawana nani bara lawana holikira nani ba sin, kupiam aiska Gâd ra tingki wih aiwani bas.

1 Tesalonaika 1:9

Witin nani pali aisisa yang nani mita wih mai kaikri bara nahki pain pali ai briram ba, bara nahki sin aidul nani ba swi si Gâd nina blikram ba, Gâd rayakira bara kasakkira ba dukia daukaia dukiara.

1 Timoti 1:3

Mahka Macedonia tasbaya ra waia tauki kapri ba ra, pat mamkabatna ba baku, yang want sna man Epesus tawanka ra takaskma. Bahara upla tila nani smalkanka kunin baman aisi smalkisa, bara man baha nani ra adar yas baha ba mahka swibia.

1 Timoti 3:15

yang na kau takaskamna kaka, kaiki kama yawan na Gâd uplika nani tilara nahki daukaia ba, baha sika Gâd rayakira sertska ba, bara baha sertska mita sika kasak tânka ba tâ baikisa bara kaina kahbisa.

1 Timoti 4:10

Naha dukia tâwan sika yawan wark karna takisa, bara upla mita sin saura wan wisa, kan yawan na wan kainara diara briaia ba, Gâd rayakira kat brisa, bara witin sika upla sut Sasakrika ba, bara kau pali lika kasak luki nani ba.

1 Timoti 5:21

Gâd mawanra, Dawan Jisas Kraist bara ai insalka holikira nani mawanra sin, man ra mai taibi mai wisna naha smalkanka nani na bîla wali dauki kama, dîa dîa daukisma ba ra upla kumi ra kau saura luki, apia kaka upla wala ra kau pain luki baku lika daukma apia.

1 Timoti 6:13

Nanara, Gâd mawanra, witinka diara nani sut ra rayaka yabi ba, bara Jisas Kraist mawanra, witinka sin ai lukanka tânka aisi witnis sin takan ba Pontius Pailat mawanra, yang bui mai smalki mai wisni,

1 Timoti 6:9

Sakuna yuyakira takan dauki nani ba, traika kaikan ra kauhisa, bara brinka karna taniskira ailal alki priski brisa; baha nani sika upla nani ra saura muni ba, bara sauhki tikaia lâka ra bara tanis tiwaia lâka ra sin rungkisa.

2 Timoti 4:10

kan Dimas ai lulki ai swih Tesalonaika ra wan, witin naha tasba dukia nani ba kau want kan bamna. Crescente lika Galesha tasbaya ra wan, bara Taitus ba Dalmacia ra.

Taitus 2:12

Baha Gâd kupia yamni tânka ba wan smalkisa, saurka lâka ba bara tasba brinka karna nani ba yawan swibia, bara naha tasba ra wan sinska ba pain, wapni bara Gâd ra sin luki brih iwi kabia.

Taitus 3:6

Wan Sasakra Jisas Kraist bâk, Gâd Spirit Holikira aihwa pali ba wankan sa,

2 Pita 1:11

Baku lika, wan Dawan Sasakra, Jisas Kraist ban kaia ra king aimaki ba pliska ra dimaia nani sut ba, man nani ra param sakan kabia.