1 Timoti 6:11 - DAWAN BÎLA AISKA

¹¹ Sakuna man, Gâd uplika sma ba, naha dukia nani sut wina sîa bri plaps. Kasakka lâka ba nina blîks, Gâd ra luki kaia lâka ba, kasak lukan lâka, latwan lâka, ban bapi buaia lâka, bara wan kupia swapni bri kaia lâka ba sin.

1 Timoti 6:11 ပူးပေါင်းရင်းမြစ်များ

1 King Nani 13:1

Jeroboam ba Betel ra kîa yamni dauki dukia nani altar purara angki kan, bara Dawan mita prapit kum blikan Juda wina Betel ra;

1 King Nani 13:26

Prapit almuk ba wali win: “Baha ba Dawan prapit Juda wina kata ba sa. Kan witin Dawan bîla lulkan, baku bamna Dawan bui layan mihta ra mangkan pîs ra baman daukan, Dawan witin bui dîa win ba kat takan.”

1 King Nani 17:18

Bamna piarka ba Ilayas ra win: —¿Man wal yang dîa daukaia sna, Gâd waitnika sma ba? ¿Balram sa saurki nani dukiara kupi kraukaia, bara luhpi ba sin yarka pruaia?

1 King Nani 17:24

Bamna mairin ba mita Ilayas ra win: —Nanara kaikisna man ba Gâd waitnika kumi sma, bara man dîa aisisma sut ba kasak sa.

1 King Nani 20:28

Bara naha piua ra prapit kum Israel kingka ra balan, bara win: —Dawan ba naku wisa: ‘Siria uplika nani aisin, yang ba il nani gâdka kum sna, sakuna il bîla nani gâdka apia sni; bamna yang naha ailalka tara na sut mihtam ra mangkamna, bara man kaikma yang sika Dawan sna ba.’

2 King Nani 1:13

Kli aima yumhpa ra kiaptin wala ba blikan, ai aiklaklabrika nani 50 ba aikuki, bara naha kiaptinka na lika Ilayas bâra kata kat bal, ai lula kriki makaban: —Pliskam pali, prapit, rayaki na kulks bara naha nani 50 waitna na sin.

2 King Nani 1:9

Baha ningkara, witin war kiaptinka kum bara aiklaklabra 50 wal blikan. Witin nani wan ba ra, Ilayas ba il bahna ra iwi kan, bara kiaptin ba bui win: —¡Prapit, king bila man baha wina bal iwma!

2 King Nani 23:17

Baha ningkara makabi walan: —¿Dîa lilka sa ki bukra kaikisna ba? Bara tawanka uplika nani ba mita pana win: —Naha sika Gâd prapitka raitika, Juda wina balan ba, baku sin witin sika king bui naha diara nani Betel ra sakripais nani angki daukaia pliska ba dîa takan tânka dukiara param aisan ba.

2 King Nani 5:20

prapit Ilaidsa albika Guehazí, witin ai kupia wal aisan bara win: “Kaiks, yang wihtki Naamán bui Siria waitnika ba wina diara kumi sin briras witin brih balan dukia ba wina. Swer takisna Dawan nina ra, yang istikira nina blikamna, bara witin wina diara kumi pan brimna sapa.”

1 Kronikas 23:14

Dawan uplika Moses ba, ai kiamka nani sut aikuki, Libai kiamka nani wal asla prakan kata.

2 Kronikas 8:14

Prîs nani ai awarka daukan, ai warkka daukaia dîa ai aisika Debit daukata baku, bara Libait nani ai warkka kat Dawan ra mayuni kan, bara prîs nani ra tâ baiki kan, dîa dauki ba sut ai piua kat. Baku sin dur main kakaira nani dur bani ra ai adarka kat aihwaki kan, baku sika daukan Gâd waitnika ba.

Nihimaya 12:24

Libait nani wihtka nani ban naha nani kata: Hasabías, Serebías, Jasua, Binuy bara Cadmiel, bara ai pânika nani ba lika aikuki witin nani ai warkka kan ba Dawan ra mayuni tingki wiaia, Debit, Gâd waitnika dîa win kan ba kat daukan, witin nani kumi bani ai piua ba kat ai warkka daukaia.

Nihimaya 12:36

baku sin ai muihni nani Semaías, Azarel, Milalai, Guilalai, Maai, Natanael, Juda bara Hananí, witin nani lika Gâd waitnika Debit mayunra daukaia dukia nani bri kan ba brih wan. Bara Esdras smasmalkra ba lika witin nani tâura wapi kan.

Lawana Nani 34:14

Watawi lâka ba wina irbi taks, bara yamni ba dauks, kupia kumi lâka ba pliki nina bliki bas.

Lawana Nani 38:20

Yamni daukri mana, pana saura ni aibapuya; yamni daukaia plikisna ba ra, witin nani ba yang maipara buisa.

Sins Lâka 15:9

Upla watawikira daukanka ba, Dawan mita saura pali kaikisa, sakuna witin kasak lâka ra iwi uplika ra, witin latwan kaikisa.

Aiseya 51:1

“Yang ra wals, man nani kasakka lâka ra iwaia nina bliki nani sma ba, bara yang ra ai plikisma ba —Dawan aisisa—. Man nani baha walpaya ra kaiks, baha wina man nani mai klaki sakan ba, bara kaiks baha walpaya sakaika ba, baha wina man nani mai daiki sakan ba;

Jirimaya 35:4

bara witin nani ba tempel ra brih wari, Hanán Igdalías luhpia waitna nani kutbanka ra, witin ba Gâd waitnika kum kan. Baha kutbanka ba, tempel wihtka wala nani dimi ba lamara kan, Maaseías, Salum luhpia waitna takaski kan ba kutbanka ba purara, witin ba tempel ra dimaia durka ba aihwaki kan.

Roman 14:19

Baku bamna, kupia kumi lâka dauki dukia nani ba nina blîkpi, baha diara nani wal sip ba, wan walka wal pana pana hilp munaia spirit lâka mapara pâwaia dukiara.

1 Korint 10:14

Baku bamna, muihki laitwankira nani, aidul nani ra puram suni mayunaia ba wina man nani plaps.

1 Korint 14:1

Bamna man nani trai kaiki bas latwan lâka ba bri kaia, bara Gâd mita spirit sinska lâka nani maikbia dukiara sin karna pali pliki banhwi bas, kau pali witin wina sturi nani brih aisaia ba.

1 Korint 6:18

Baku bamna, tâski lâka wina man nani plaps. Saurka wala nani upla tila dauki ba, ai wîna tara lata tani ra daukisa; sakuna ai maya briras tâski lâka dauki uplika ba, ai wîna tara mapara saura daukisa.

Kli Smalkanka 16:20

Kasak kat kasakka nina bliki bas, bara man nani, Dawan Gâdkam mita kuntrika maikaia ba ra dukiam brih raya kama dukiara.

Kli Smalkanka 33:1

Moses Gâd waitnika ba pruaia lamara, Israel luhpia nani ra yamni munan,

1 Timoti 1:14

Baha mita, wan Dawan ai kupia yamnika lâka uya bri ba ni yang ra ai banhkan, bara kasak lukan lâka, latwan lâka yawan Kraist Jisas wal asla ba, baha sin Dawan mita yang ra aikan.

1 Timoti 4:12

Wahma sma ba ra wisi, upla nani mita yarka mai kulkras kabiara; sakuna tânkam ba ni lalukra nani ra lâ yabi bas, bîlam aisisma ba wal, taukisma ba wal, latwan lâka, kasak lukan lâka bara sunu lâka ni sin.

1 Timoti 5:10

Witin nani diara yamni nani daukan ba mita, upla nani bui kakaira kaia sa: ai luhpia nani pain pakan kaka, ai watla ra upla nani wan ba aikuki pain kan kaka, kristian nani mina nani sikban kaka, trabil bri nani ra hilp munan sa, apia kaka wark yamni wala nani daukan sa kaka sin.

1 Timoti 6:20

Timoti, dîa mihtam ra mangkan ba pain main kaiks. Tasba lâka bîla nani, bahki baman ba, tanis bara sins lâka wi ba, sakuna kunin aisi ba, man bîla walpara.

2 Timoti 2:21

Bâk sakan ra yus munaia dukia ba, Dawan mapa ra diara pain bara sunu kaia sa, yawan nani kumi bani ba klin kaia sa, saurka sut wina; baku lika diara pain baku ridi kabia wark yamni sut ra.

2 Timoti 2:22

Baku bamna, wahma nani brinka karna ba wina tnaya ra taws, bara kasakka lâka nina blîks, kasak lukan lâka, latwan lâka bara kupia kumi lâka ba sin, baha nani ai kupia klin brih, Dawan ra hilp makabi wini nani ba sut aikuki.

2 Timoti 3:10

Sakuna man lika yang smalkanki nani ba pain nina blikram sa, nahki yang iwi kapri ba, yang dîa daukaia want kapri ba sin; man ba yang kasak lukanki lâka ba pain alki briram, wihka bîla kaikisna lâka ba, latwanki lâka ba, bara ban bapi bûi kaia lâka ba sin,

2 Timoti 3:17

Gâd uplika ba pain lan kabia bara ridi sin pain daukan kabia, wark yamni sâtka nani sut daukaia dukiara.

Hibru Nani 12:14

Man nani upla sut wal kupia kumi lâka bri kaia trai kaiki bas, bara rayakam ba sin holikira bri kaia trai muns; kan holi lâka âpu kaka, upla kumi sin Dawan ba kaikbia apia.

1 Pita 3:11

Saurka ba wina tnaya ra taki diara yamni daukaia sa; witin kupia kumi lâka pliki, baha nina kat waia sa.

1 Samuil 2:27

Baha piua prapit kumi Elí kaikaia wan, bara Elí ra win: “Dawan param aisisa: ‘Man damikam nani Idsip ra king fero dukia dauki kan bara yang lika witin nani ra param takri.

1 Samuil 9:6

Albika pana win: —Naha tawanka ra prapit kum nâra sa, upla sut mita witin ba tara kulkisa, kan diara sut witin aisi ba ai bîla win ba kat takisa. Kaisa bâra waia, ban kra witin wan wibia bara wan yabalka ba wan marikbia.