1 Timoti 6:10 - DAWAN BÎLA AISKA

¹⁰ Kan lalah ra latwan kaikaia ba sika saurka sât sât plamaika ba. Upla tila nani ba baha brin pali dauki tâka mita, kasak lukan lâka wina tnaya ra tawi banhwan sa, bara witin ai rayaka nani ba, pât nani taki banhwan sa.

1 Timoti 6:10 ပူးပေါင်းရင်းမြစ်များ

Blasi Sturka 29:14

Bara Labán pana witin ra win: “Kasak pali man na yang tâilia wina luhpia nani kumika sma.” Bara Jekob ba Labán lamara kati kum takaskan.

Blasi Sturka 29:26

Bara Labán pana witin ra win: —Yang nani tasbayi ra baku lâ daukras, tawahkia ningka ba pas maya baikaia.

Blasi Sturka 34:27

Jekob luhpia waitna wala nani ba sin ninara wan, pruan nani ba purak taibi lui. Ai lakra mana, witin nani dukia nani bri kan ba sut implikan.

Blasi Sturka 38:16

Bara Juda yabal ba wina tnaya ra tawi, mairin ba lamara wan. Mairka ba witin ai piarkika ba tânka briras kan, bara witin ra win: —¿Man sip sma yawan wal yapaia? Mairin ba pana witin ra makabi walan: —¿Man wal yapamna bara mana yang ra dîa aikma?

1 King Nani 2:40

Baku ba ra Simí mahka bûi ai birikuka ridi dauki Aquís ra wan Gat ra ai albika nani plikaia. Bamna Simí Gat ra wih ai albika nani ba brih balan.

2 King Nani 5:27

Baha tâwan, Naamán liparka ba man ra mai alkbia, ba purkara sin man kiamkam nani sut ra ban kaia ra. Bara Guehazí ba Ilaidsa mawan wina taki wan ba ra, liparkira taki wan, pihni pali wahmuk pinhka baku.

Lawana Nani 32:10

Watawikira nani pât ailal wahwi kabia; sakuna Dawan kat luki tniwi uplika nani ba, Dawan ai latwanka lâka ba ni uplika ba kir kutbi bribia.

Lawana Nani 62:10

Praut lâka ra kasak lukpara; ¡implikaia ba yabrika man dawankam takbiara! Man nani yuyakira takma kaka bara man lalahkam ra kasakkam lukan ba mangkpara.

Sins Lâka 1:19

Baku danh takisa, gridikira nani ba, ai gridika lâka mita tawi ikisa.

Sins Lâka 1:31

¡Ai daukanka tâka mita, pât wauhbia! ¡Saura daukaia lâka bri ba ni aibanhbia!

Sins Lâka 15:27

Upla gridikira lika, witin ai watla bilara trabil bukisa, sakuna taiban lâka mana briaia waihla ba lika, raya kabia.

Smasmalkra 2:19

Bara diara kum kasak ba lika: witin ba sinskira, apia taniskira kabia kra, yang naha tasba ra diara nani briri ba, sins lâka nani wal baku sin wark karna taki ni, baha sut ba dawanka takbia. ¡Bara naha sin bahki baman sa!

Aiseya 1:23

Wihta nani brisma ba, mapara babura nani sa, bara âimplikra nani pânika banhwisa. Witin nani sut ba lalah mana ai wîna atkisa, witin nani prisant pliki taukisa. Rau nani lâka kasak ba sin yaras. piarka mairin nani lâka sin daukras.

Aiseya 56:11

Yul plun sanglang tauki nani ba, plun pi kabia sin, sip biara banhras sa, sepad nani diara tânka briras; kumi bani ba ai yabalka kat wapisa, kumi bani yakan ai yamnika briaia plikisa.

Isikiel 13:19

Man nani, barli mâ mihtam banhki bri bara brit pîs ba wal, upliki nani mawanra swiri paskisma; upla nani pruaia apia kata ba ikisma, bara raya kaia apia pruaia kata ba baha lika swiram raya sa. Baku upliki nani ra kunin munisma, kunin lâka ra kasak luki nani ba.

Isikiel 16:33

Ur mairin nani ra mana kum aibapisa; sakuna man lika latwan kaikisma ba sut ra prisantka yabi mana sin aibapisma, bara baku ani ani wina sut balbia ba ra man wal saura daukaia.

Isikiel 22:12

Uplikam nani kum kum ai wîna atkisa ai walka ra ikaia dukiara. Upla ra lalah yabisa implikbia dukiara, taiban lâka bara saura munaia lâka daukisa ai uplika ra, bara ai âuya ai tikisa. Yang, Dawan, kasak aisisna.

Miqueas 3:11

Lâ wihtka nani ra, lalah aibapi ai lâka pliki ba baman ra raitka yabisa, tawan wihtka nani ba, prîs nani ba sin, ai mana briaia dukiara baman smalkisa, bara prapit nani ba lalah mana baman dahra aisisa, ai raitka briaia dukiara blahwi aisisa, Dawan bui witin ra ai tâ baikisa, bara naku wisa: “Diara saura yawan ra balbia apia, kan Dawan yawan wal sa.”

Malaquía 1:10

“¡Brin ai daukisa man nani tilam wina upla kum bal taki tempelka durka nani ba prakaia; bara pauta nani bahara kli bahki ra mukaia apia! Kan man nani wal lilia apia sna, bara sakripais aikisma ba sin ban bri kamna apia.

Matiu 13:22

Kiaya nani tilara saumuk mangkan ba lika, sturi yamni ba walan, sakuna naha tasbaya dukia nani ra lukan man, bara yuyaka nani mita kunin munisa. Naha sut mita sturi yamni ba blaki ikisa, bara naha uplika nani ra sip yan mâ sakras.

Matiu 23:13

“¡Lâ Smasmalkra nani bara parisi nani, kuninkira nani, man nani mampara saura pali kabia! Kan man nani kasbrika purara ba Kingka aimaki lâka durka ba prakisma, upla wala nani dimbia apia dukiara. Man nani pali sin dimras, upla wala nani diman dauki ba sin yabram dimras.

Matiu 6:19

“Man nani naha tasba ra yuya nani suni bripara, kan yula nani mita sauhkisa, diara nani ba sut aisawisa, bara âimplikra nani implikaia dimisa.

Mark 4:19

sakuna naha tasba dukia nani ra lukan man, tasba yuyaka bahki mita kunin sin munisa, bara diara sât sât nani ba brin dauki, nina blikisa. Naha sut ai kupia ra dimi, sturi yamni ba blaki ikisa, bara naha nani sip yan mâ briras.

Kli Smalkanka 16:19

Upla nani mawanka luki kulkpara; upla kum kum wihki wala nani wal sât aihka kulkpara, bara yarka sturi bahki ni kupiam alkbiara, kan sturi bahki aisi ba sinskira nani nakra prakisa bara sturi kasak aisi uplika nani aisinka ra sin sauhkisa.

Kli Smalkanka 23:18

Rug lâka wina lalah sakan ba man nani mita swirka Dawan Gâdkam tempelka ra mangkbiara, baku sâtka ba Dawan pain kaikras sa.

Kolosi 3:5

Baku bamna, naha tasba tânka nani man nani wînam ra bâra ba, yas prubia: upla kumi sin marit takras ni, ai maya briaia apia sa; diara tâski nani sin daukaia apia, kli sin ai brinka saura nani, bara rug lâka nani nina bliki taukaia apia sa, gridikira kaia sin apia sa. Kan baha diara nani daukaia ba lika, aidul nani ra wan pura sunaia tânka wal kumi sa.

1 Timoti 3:3

bla tatakra kaia apia sa, unsasabra wal ai uplika kaia apia, sakuna kupia yamnikira bara kupia kumi lâka bri uplika kabia; witin ba lalah wantkira kaia sin apia sa.

1 Timoti 6:21

Kan upla tila nani, nahmuna sinska lâka nina blikan ba sut, ai kasak lukan lâka yabalka ba tiki banhwan. Dawan mita ai yamnika man nani puramra laikbia.

1 Timoti 6:9

Sakuna yuyakira takan dauki nani ba, traika kaikan ra kauhisa, bara brinka karna taniskira ailal alki priski brisa; baha nani sika upla nani ra saura muni ba, bara sauhki tikaia lâka ra bara tanis tiwaia lâka ra sin rungkisa.

2 Timoti 3:2

Upla nani ba klauna ai dukiara baman luki kabia, lalah ra latwan kaikbia, kakalra kabia bara sin diara lalihkra kabia, Gâd mapara aisi kabia, ai aisika bîla walras kabia, tingkikas kabia bara serts ra rispik âpu kabia.

2 Timoti 4:10

kan Dimas ai lulki ai swih Tesalonaika ra wan, witin naha tasba dukia nani ba kau want kan bamna. Crescente lika Galesha tasbaya ra wan, bara Taitus ba Dalmacia ra.

Taitus 1:11

Baha nani bîla ba prakaia sa, kan witin nani mita diara smalkaia apia ba smalki, watla bîla aiska nani kupia aihka lakisa; ai swira sin âpu lalah nahki briaia dukiara baman luki banhwisa.

Jems 5:19

Muihki nani, man nani tilam wina kum kra kasak tânka wina tnaya ra takbia ba ra, upla wala mita kli wapni ra mangkbia kaka,

Jasua 7:21

Jeriko ra diara nani yang nani dakbi briri ba tilara, kaikri Babilon ra daukan kwala tara maman painkira kum bâra kan silbar mâ 200, wala gul ni dus kum daukan paun kum pura bri kan. Baha dukia nani ba sika yang pain pali kaikri bara briri; dukia nani ba, tintki watla bilara tasba salhki, lalahka ba munhtara mangki bara diara wala nani ba baha purara biki swiri sa.

Judas 1:11

¡Baha nani alai sa!, Ken daukanka nina blikan ba mita. Lalah briaia dukiara, Balaam baku aimawahkan, Coré mapara buan tâka mita pruan ba baku, witin nani sut sin pruisa.

Param Marikanka 18:13

bara sinimint, sîka kîa yamni nani, dus mâka kîa yamni nani, bara isint, wain, batana, plawar kau pain ba, plawar sin; wark takaia daiwra nani sin brih balan, sîp nani, aras nani, karita nani, alba nani, upla rayaka nani sin.