1 Timoti 5:25 - DAWAN BÎLA AISKA

²⁵ Baku sin, wark yamni nani ba latan kaikaia sip sa; bara kaikras kabia sakuna, sip ban pali warkka yamni nani ba yukukan kabia apia.

1 Timoti 5:25 ပူးပေါင်းရင်းမြစ်များ

Sins Lâka 10:9

Ya tras âpu ba sibrin kumi sin âpu sa; ya saura tauki ba, saura danh takbia.

Matiu 5:16

Baku sin, man nani yarka ingnikam upla sut mawanra ingbia, bara diara yamni dauki banhwisma ba kaiki, witin nani mita kasbrika purara bâra ba mayunbia.

Luk 11:33

“Upla kumi sin âpu sa, lamp angki ba ra plis kum ra yukuki swi ba, apia kaka, baks tara kum munhtara mangki ba; sakuna witin lika purara sunuya, upla nani bal dimi ba ingni bri kaia dukiara.

Apastil Nani Sturka 10:22

Witin nani bila: —Kiaptin Cornelio mita ai blikan. Witin waitna kasakkira, Gâd ra sin sibrin lukisa, Ju nani sut mita sin witin ra latwan kaikisa. Bamna Dawan insalka kumi mita witin ra win, man mai paiwbia ai watla ra wama, bara dîa dîa aisama ba witin walbia.

Apastil Nani Sturka 22:12

“Bahara waitna kum bâra kan, nina ba Ananías, Moses lâka bîla wali dadaukra pali kan, bara Damaskus ra Ju nani iwi ba witin dukiara pain baman aisi kan.

Apastil Nani Sturka 9:36

Baha piua ra, Jope tawanka ra lalukra mairin kum kan ai nina ba Tabitá, Grik bîla ra lika Dorcas mâki kan. Naha mairka ai rayaka yua nani aiska ra diara yamni man dauki kan, upla umpira nani ra sin uya hilp muni kan.

Pilipai 1:11

Bara Jisas Kraist mita rayakam wina daukanka yamni baman sâkbia, Gâd ra mayuni prana daukaia dukiara.

1 Timoti 3:7

Bara witin ra sin lalukra apia nani ba mita kulkan kaia sa, bara baku witin ba saura pali kulkan kabia apia, bara dibil mita mina alkaia dukia dauki ba ra kauhbiara sîa.

Param Marikanka 14:13

Bara bîla baikra kum kasbrika pura ba wina yang ra ai aisi kan walri: “Naha na uls: ‘Nanara wina pruan nani ba yamni pali sa, witinka nani Dawan ra lalukra nani taki si prubia ba.’ ” “Âu —Spirit ba baku wisa—, kan witin nani ai warkka karna nani wina ris brin sa, bara ai warkka nani mita ai yula kahbi kabia.”