1 Timoti 5:20 - DAWAN BÎLA AISKA

²⁰ Sakuna saura dauki nani ba lika, upla sut mawanra lawi daukaia sma, uplika wala nani ba sibrin dauki banhbia dukiara.

1 Timoti 5:20 ပူးပေါင်းရင်းမြစ်များ

Libait Lâka 19:17

“Muihkam mapara kupiam ra saura luki kapara. “Lawi dauks uplikam ra, lawi daukaia aitani sa kaka. Sakuna witin saura dauki ba tilara kapara.

Apastil Nani Sturka 19:17

Baha sut Epesus ra iwi nani kan ba walan, Ju nani, Ju apia nani sin, bara witin nani sibrin pali takan, bara Dawan Jisas nina ba tara pali mayunan.

Apastil Nani Sturka 5:11

Serts uplika nani bara ya ya sin baha sturka walan ba, sut sibrin pali takan.

Apastil Nani Sturka 5:5

Ananías naha walan ba ra, tasba ra kauhi pruan; bara upla sut baha sturka walan ba sibrin pali takan.

2 Korint 7:11

Sarka lâka man nani wauhram ba lika, Gâd pain kaikan ba tânka kat sa; ¡bara nanara dîa baha wina takan ba kaiks! Diara briaia dukiara kupiam wilin sakan, bara dîa dauki banhram ba dukiara sin tânka aisaia; baha mita kupiam sauhki banhwan bara sibrin sin mai dingkan. Kuna ningkara man nani ai kaikan mai daukan, bara ridi pali kapram ya saura daukan ba klala yaia. Naha diara sut na tilara, man nani latan marikram pâtkira mai kulkaia tânka âpu sa.

Epesus 5:11

Diara bahki nani tihmia uplika nani dauki ba wal sin prawpara; sakuna kau pain sa baha diara nani ba ingni ra sal sâkma.

Kli Smalkanka 13:11

Naku natka ra kli saura daukaia dukiara, Israel aiska ai tânka brih sibrin bri bribia.

Kli Smalkanka 17:13

bara tawan ba ai tânka bribia taim, ai kupia baiki diara daukaia ba swibia.

Kli Smalkanka 19:20

Bara wala nani baha tânka bribia ba ra, witin nani sibrin daukbia, bara daukanka saura nani ba daukaia trai kaikbia apia.

Kli Smalkanka 21:21

Baku sa kaka, tawan waitnika sut mita walpa ni sabi ikbia. Baku lika man nani tawankam ra saurka lâka bâra ba âpu kabia, bara Israel uplika baha wali bara si bribia.

1 Timoti 1:20

Himeneo bara Alejandro ra sin baku takan, witinka nani yang mita Sitan mihta ra mangkri, bara baku mika ai bîla ni Gâd mapara saura aisi nani ba, aisabia apia dukiara.

2 Timoti 4:2

sturi yamni ba smalki kama, bara ban uya smalki bas, piua yamni brisma, bara âpu kama sin. Upla nani kupia alki bas, lawi dauki bas, bara tâ baiki bas, bara wihka bîla kaikaia lâka aiska ni upla nani ra smalks.

Taitus 1:13

Bara witin diara kasak ba kat aisan. Ba mita sika man mita baha nani ra karna pali lawi dauks, bara baku lika witin nani ba kasak lukan lâka mapa ra yamni nani kabia;

Taitus 2:15

Naha dukia nani na man smalks, bara karnikam aiska ni upla nani tâ baiks bara lawi sin dauki bas. Upla kumi mita sin yarka bahki mai kulkbiara.