1 Timoti 5:19 - DAWAN BÎLA AISKA

¹⁹ Serts almukka kum dahra kwahki nani kaka, man baha walpara; witnis wâl, apia kaka yumhpa takbia kaka lika, man wals.

1 Timoti 5:19 ပူးပေါင်းရင်းမြစ်များ

Matiu 18:16

Sakuna bîlam walras kaka, kau upla kumi, apia kaka wâl paiws, bara dahra saki aisabia ba, witnis wâl, apia kaka yumhpa kaia sa.

Jan 18:29

Baha mita Pailat mita baha nani ra taki wih naku aisi, win: —¿Dîa tâwan man nani naha waitnika na dahra kwahkisma ki?

Jan 8:17

Man nani lâmka ra ulban sa, upla wâl witnis aisabia kaka, baha lika kasak kulkaia sa.

Apastil Nani Sturka 11:30

Baku bamna, witin nani mita Bernabé bara Saulo wal mihta ra lalah ba mangki, Judia serts tâ uplika nani ra blikan.

Apastil Nani Sturka 25:16

Yang pana witin nani ra wîri, Rom wihtka nani ba lâ briras sa, upla kumi tânka pain pliki kaikras kira ban ikaia, uplika ba dahra kwahki uplika nani wal ai mawan prakras kaka, bara baku lâ dingki ba dukiara, sip sa ai tânka sin klir aisaia.

2 Korint 13:1

Bamna naha kat lika pat aima yumhpa yang na man nani ra aulna. Witnis wâl, apia kaka yumhpa bîla aisabia bara upla sut aitani lukaia sa.

Kli Smalkanka 17:6

“Upla kum ikaia sa kaka, witnis wâl, apia kaka witnis yumhpa ai witnis kaia, sakuna witnis kumi baman aisabia kaka, sip ikras kabia.

Kli Smalkanka 19:15

“Upla kum saura daukan, apia kaka swakwanka dukiara, witnis dahra kwakwahkra kumi baman lika aitani kabia apia. Dahra kwakwahkra ba wâl, apia kaka yumhpa kaka lika, ai witniska ba aitani kulkbia.

1 Timoti 4:14

Serts almukka nani, Gâd mita witin nani ra ingnika yaban bâk, man puramra ai mihta nani kahbi sins maikan ba, ban alki bri bas.

1 Timoti 5:17

Almuk nani serts tâ pain bri nani ba, witin nani ba aima wâl prais kulkan kabia, bara kau pali baha nani upla nani ra aisaia bara smalkaia warkka karna dauki nani ba.

Taitus 1:6

Serts almukka kum ba, pât kumi sin âpu kaia sa; witin ai maya mairin kumi baman bri kaia sa, bara ai luhpia nani ba lalukra nani kaia sa; baha nani nina ra, saura yan sturka bara upla bîla sip wali daukras sturka sin âpu kaia sa.

Hibru Nani 10:28

Upla kum Moses lâka ba bîla lulkuya, bara witnis wâl, apia kaka yumhpa witin mapara sa kaka, umpira kaikras pali uplika ba prura pâtka ra mangkisa.