1 Timoti 4:8 - DAWAN BÎLA AISKA

⁸ Wan wîna tara wark taki ba pain sa, sakuna Gâd ra luki kaia ba lika diara sut mapa ra kau pain sa; kan baha diara wankaia pramis wan munisa, tasba ra raya iwi kaia ba, bara naika rayaka briaia ba sin.

1 Timoti 4:8 ပူးပေါင်းရင်းမြစ်များ

Job 36:11

Bîla wali baha kat sin dauki banhbia kaka, lilia bara ai âuyapah kabia, ai yua nani kau tâka ba piua ra.

Lawana Nani 145:19

Witin ra luki banhwi ba brinka kat, witin daukbia: witin nani wini yaba sin walbia, bara swaki sâkbia.

Lawana Nani 37:11

Sakuna praut âpu nani ba lika tasba na ai dukia brih iwi kabia, diara ailal briaia bara ai âuyapah pali kabia.

Lawana Nani 37:29

Kasakkira nani ba lika tasbaya ba bri iwbia, ban kaia ra sin baha tasbaya ra iwi kabia.

Lawana Nani 37:9

Saura dadaukra nani ba klaki dakban kabia; sakuna Dawan bîla kaiki uplika nani ba, witin nani sika tasba na brih iwbia.

Lawana Nani 84:11

Kan Gâd sika Dawan, witin ingni wankisa bara aihwaki wan kaikisa; Dawan latwan wan kaikisa bara wan kulkisa baha nani ai raya klin brih iwi ba, bara yamni ba bahki kulkras.

Sins Lâka 19:23

Dawan sibrinka ba raya kaia ra wan tapahkisa; baha brih bara aitani man luki iwi kabia, pât tara witin ra balbia apia.

Sins Lâka 22:4

Dawan ra bawaia lâka bara pain kulkaia lâka ba wal baha wina lika prisantka dukia kukanka nani takisa, yamni kulkan lâka bara rayaka sin.

Smasmalkra 8:12

¡Baku takisa, ya saura dauki bara kau ban dauki auya ba sin, mani ailal raya sa! (Kan yang daira walisna ba lika, ya Gâd ra kulki ba, bara mayunra yabi ba yamni auya sa;

Aiseya 3:10

Kasakkira nani ba, witin nani lilia pali kabia, ai mihta warkka mâ nani pibia bamna.

Aiseya 33:16

baha ba kasak iwbia, walpa tara nani ra ai kan kahbaika pliska kum bribia, witin ra ai pata yabia, ai laya briaia ba lika kasak pali brin kabia.

Jirimaya 6:20

¿Dîa muni man nani Sabá wina kîa pain angkaia dukia nani ba bri sal aikisma, laih tasba wala wina dus wahia kîa pain nani bri balisma? Daiwan aiska angkisma ba yang yamni kaikras, sakripais wala nani daukisma ba sin.”

Matiu 12:32

Bara ya ya Upla Luhpia Waitna mapara diara kum aisabia ba, Gâd baha uplika pâtka ban swih tikan kabia; sakuna ya Spirit Holikira mapara bîla saurakira nani aisabia ba, naha tasba ra bara tasba wala aula ba ra sin swih tikan kabia apia.

Matiu 19:29

Bara ya ya ai watla nani, ai muihni nani, ai lakra nani, ai aisa, ai yapti, ai maya mairin, ai luhpia nani, ai tasbaya nani sut yang tâiwan swin nani ba, 100 prais kau bribia bara raya ban kaia ba sin witin nani dukia kabia.

Matiu 6:33

Bahamna man nani, lukankam aiska ba Gâd King aimaki ba lâka ra dîa daukaia mai aisi ba ra luks, bara baha diara nani ba sin sut brima.

Mark 10:30

naha tasba ra, naha piua ra 100 prais kau utla nani, muihni nani, lakra nani, yapti nani, luhpa nani, tasba sin bribia, rausauhkan nani tilara; bara naika balaia tasbaya ra, raya ban kaia ba bribia.

Luk 5:38

Baha mita, wain raya ba daiwan taya batilka raya ra mangkaia sa.

Roman 8:28

Bamna yawan kaikisa, diara sut Gâd mita mangki ba lika witin ra latwan kaiki nani ba hilpka pali sa, baha nani Gâd ai kupia lâka kat luki si paiwan ba.

1 Korint 3:22

Pal ba, Apolos ba, Pita ba, naha tasba na, raya kaia ba, prura ba, nanara piua na, naika piua ba sin; sut na man nani dukiam atia sa,

1 Korint 8:8

Ban sakuna, plun ba mita Gâd lama pali ra lika wan brih wabia apia; bamna yawan na plun pibia ba mita kau pain nani lika takbia apia, bara plun piras ba mita kau saura nani sin takbia apia.

1 Timoti 4:7

Sakuna tasba uplika sturka tânkas nani ba bîla walpara. Man wînam ba wark yabi bas, Gâd ra luki kaia ba dukiara.

1 Timoti 6:3

Upla kumi kunin lâka smalkbia kaka, bara witin ba wan Dawan Jisas Kraist smalkanka yamni ba kat, bara Gâd ra luki kaia lâka wan smalki ba kat sin kasak kulkras kaka,

1 Timoti 6:5

upla nani sinska aihka takan ba tilara sin blahwan bahki nani baman takisa, bara witin nani ba kasak tânka ba kakaira apia sa. Witin nani lukisa, Gâd ra luki kaia lâka ba bâk yuyakira nani takaia sip sa.

1 Timoti 6:6

Gâd ra luki kaia lâka ba mita upla ra yuyakira daukisa, sakuna uplika ba baha bri ba wal ai âuyapah sa kaka.

2 Timoti 3:5

Gâd ra lukaia lâka ba pain talia kulki nani kabia, sakuna ai daukanka ba ni lika apia, kristian lâka kasak karnika ba daukbia apia. Bahmuna uplika wal man lika diara âpu bas.

Taitus 3:8

Naha na lika kasak pali sa, bamna yang want sna man ba naha dukia nani na ban ba kat aisi kama, bara baku mika Gâd ra kasak luki nani ba wark yamni nani baman dauki kabia. Naha diara nani na lika pain atia, bara upla nani ra hilp sa.

Hibru Nani 13:9

Smalkanka sât aihka nani bara tringsar nani mita yarka yabal kasak ba wina mai brih wabiara. Wan sulka nani ba Gâd kupia yamnika lâka ba karnika bribia ba kau pain sa, plun lâka nani bîla wali daukaia ba wal; baha nani naha lâka nani bîla wali dauki banhwi na wina hilp kumi sin briras sa.

1 Jan 2:25

Bara Jisas Kraist mita pramis wan munan sa raya ban kaia lâka ba wankaia.

Param Marikanka 3:12

Ani uplika nani sip muni pura lubia ba, yang baha nani ra Gâdki tempelka ra walpa bapanka baku daukamna, bara baha wina kli taki wabia apia ban kaia ra. Witin nani ra Gâdki nina ba ulbamna, Gâdki tawanka nina ba sin, baha ba Jerusalem raya kasbrika purara ba wina bara Gâdki wina aula ba. Witin nani ra sin nini raya ba ulbamni.

Param Marikanka 3:21

Ya ya sip muni pura lubia ba, yang king iwaiki ra plis kum yabamna, yang wal iwaia, sim yang mita pura lui Aisiki wal ai king iwaika ra iwisna ba baku.

1 Samuil 15:22

Bara Samuil bila win: “Dawan kau kanra yamni kaiki ba sika, witin ai bîla wali daukaia ba, daiwan wîna aiska angki sakripais nani dauki yaia ba lika apia; kanra yamni, witin ai bîla wali daukaia bara witin ra aman walaia, sîp wîna batanka nani bara sakripaiska nani dauki, prisantka nani yaia ba wal.