1 Timoti 4:7 - DAWAN BÎLA AISKA

⁷ Sakuna tasba uplika sturka tânkas nani ba bîla walpara. Man wînam ba wark yabi bas, Gâd ra luki kaia ba dukiara.

1 Timoti 4:7 ပူးပေါင်းရင်းမြစ်များ

Apastil Nani Sturka 24:16

Baha mita sika yang kupi lukanka tânka ba klin brisna, Gâd mawanra bara upla nani mawanra sin.

1 Timoti 1:4

Witin nani ra wis, kisi sturka nani bara kanra wan almukka nani sturka nani ba, walbiara. Naha dukia nani na blahwanka bahki nani baman bukisa, bara Gâd mita yawan kasak lukan lâka wal diara kasak daukaia wankan ba, baha kat daukaia sip hilp wan munras.

1 Timoti 1:9

Wan kupia kraukaia sa, lâ ba upla yamni nani dukia wisi daukras sa; lâ ba lika mangkan sa, kiamapara nani ra klala yaia, bîla wali daukras nani ra, watawi dadaukra nani ra, saura dadaukra nani, Gâd ra kulkras nani ra, kristian lâka sin kulkras nani ba, ai aisa ra, apia kaka ai yaptika ra iki uplika nani ra, upla âikra nani sut,

1 Timoti 2:10

sakuna wark yamni nani wal, bara baku sika Gâd ra pliki mairka nani daukaia ba.

1 Timoti 3:16

Upla kumi mita sin Gâd ra luki kaia, dahra prakan tânka tara ba sip apia wiras: Gâd ba upla baku latan takan; witin ba Spirit mita kasak kulkan kata, bara insal nani mita sin witin ba kaikan. Ai tânka ba nisan nani tilara aisi smalkan kata, upla sut mita witin ra kasak lukan, bara kasbrika purara sin witin ba bri banhwan kata.

1 Timoti 4:8

Wan wîna tara wark taki ba pain sa, sakuna Gâd ra luki kaia ba lika diara sut mapa ra kau pain sa; kan baha diara wankaia pramis wan munisa, tasba ra raya iwi kaia ba, bara naika rayaka briaia ba sin.

1 Timoti 6:11

Sakuna man, Gâd uplika sma ba, naha dukia nani sut wina sîa bri plaps. Kasakka lâka ba nina blîks, Gâd ra luki kaia lâka ba, kasak lukan lâka, latwan lâka, ban bapi buaia lâka, bara wan kupia swapni bri kaia lâka ba sin.

1 Timoti 6:20

Timoti, dîa mihtam ra mangkan ba pain main kaiks. Tasba lâka bîla nani, bahki baman ba, tanis bara sins lâka wi ba, sakuna kunin aisi ba, man bîla walpara.

1 Timoti 6:3

Upla kumi kunin lâka smalkbia kaka, bara witin ba wan Dawan Jisas Kraist smalkanka yamni ba kat, bara Gâd ra luki kaia lâka wan smalki ba kat sin kasak kulkras kaka,

1 Timoti 6:5

upla nani sinska aihka takan ba tilara sin blahwan bahki nani baman takisa, bara witin nani ba kasak tânka ba kakaira apia sa. Witin nani lukisa, Gâd ra luki kaia lâka ba bâk yuyakira nani takaia sip sa.

2 Timoti 2:16

Tasba lâka, bîla bahki nani bara tânkas nani ba wina tnaya ra taws, kan bahmuna dukia aisi uplika nani ba, Gâd wina kau kau laihura takisa.

2 Timoti 2:23

Blahwanka tânkas nani bara sinskas nani bîla walpara; man pain kaikisma baha dukia nani wina unsaban nani takisa.

2 Timoti 3:12

Bamna kasak pali sa, ani uplika nani Kraist Jisas wal asla holikira iwaia want lukisa kaka, witin nani ba nina bliki rausauhkan kabia;

2 Timoti 3:5

Gâd ra lukaia lâka ba pain talia kulki nani kabia, sakuna ai daukanka ba ni lika apia, kristian lâka kasak karnika ba daukbia apia. Bahmuna uplika wal man lika diara âpu bas.

2 Timoti 4:4

Kasak tânka ba wina tnaya ra tawbia, bara sturi bahki sât sât nani bîla wali nani kabia.

Taitus 1:14

bara Ju nani kisi sturka nani aisi nani ba, bîla walbiara, kasak lâka ra bahki kulki uplika nani lâ nani yabi ba sin alki bribiara.

Taitus 2:12

Baha Gâd kupia yamni tânka ba wan smalkisa, saurka lâka ba bara tasba brinka karna nani ba yawan swibia, bara naha tasba ra wan sinska ba pain, wapni bara Gâd ra sin luki brih iwi kabia.

Taitus 3:9

Sakuna blahwanka tanis nani, wan almukka nani sturka yari nani ba, Moses lâka tânka, unsaban nani bara aiklabanka nani ba, man lamara wapara. Baha diara nani ba bahki bara tânkas nani sa.

Hibru Nani 5:14

Sakuna plun karna ba lika upla aitani pâwan nani dukia sa, kan witinka nani ba ai dara walaia lan, bara pat kaikisa wiaia: naha na pain bara naha na saura sa.