1 Timoti 4:2 - DAWAN BÎLA AISKA

² Upla mawan wâl bara kuninkira nani ra walbia, baha nani kupia lukra ba sim ayan angkan lapta ba baku sa.

1 Timoti 4:2 ပူးပေါင်းရင်းမြစ်များ

1 King Nani 13:18

Bara almuk ba kli kli aisi kan: —Yang na sin man wal baku prapit kum sna, bara insal kum Dawan blikan, yang ra ai win: ‘Man bui witin ba wamtla ra bri bal, baku mika plun pibia, lî sin dibia.’ Baku prapit ba kunin munan.

1 King Nani 22:22

bara spiritka ba mita win spirit kuninkira kum king prapitka nani ra yarka aisabia. Bamna Dawan win, baha pain sa bara witin wabia kunin munaia, bara baku wih daukbia.

Aiseya 9:15

(Lal ba sika, almuk bara wihta nani ba, prapit nani kunin smalki ba, baha nani sika wâika ba.)

Jirimaya 23:14

Yang kaikri prapit nani Jerusalem ra bâra ba, diara saura pali daukisa: upla maya lâka krikisa bara upla ra taibisa, baha dauki ba mita watawikira nani ba kau tâ baikisa, upla kumi watawika lâka ba swi si tnaya ra tawras. Witin nani ba bara tawan uplika nani ba Sodoma bara Gomora uplika nani baku sa.

Jirimaya 23:26

¿Ahkia kat baha prapitka kuninkira nani witin nani luki ba wina yaka ai lukanka kat aisi ba ban aisi kabia?

Jirimaya 23:32

Yang param aisisna baha prapitka nani kunin yaprisauhkanka nani aisi ba mapara; sturi bahki man kunin aisi, upliki nani ba mawahkisa. Yang baha nani ba blikras, aisaia adarka sin yaras, baha mita witin nani karnika âpu sa upla nani hilpka daukaia. Yang, Dawan, kasak aisisna.

Jirimaya 5:21

‘Tanis lamla karna takan uplika, man nani naha wals, namkra brisma sakuna kaikras, kiamam brisma sakuna walras sma ba.

Matiu 24:24

Kan misaya kuninkira nani bara prapit kuninkira balbia; witin nani sain tara nani bara diara aihka nani daukbia upla ra kunin munaia dukiara, bara sip kaka, Gâd mita bâk sakan nani ba ra sin kunin munaia.

Matiu 7:15

“Aman kaiks, witinka nani Gâd prapitka wisi kuninkira nani ba. Witin nani sîp baku man nani ra aula, sakuna ai kupia bîla lika yul wail nani baku sa.

Apastil Nani Sturka 20:30

Bara man nani pali tilam wina sin upla tila nani bubia, bara diara kasak ba swi si kunin ni smalkbia, kristian nani ai nina blîkbia wisi.

Roman 1:28

Witin nani Gâd kakaira takaia want apia sa bamna, Gâd mita witin nani ba ai lukanka saura nani ba kat lulki swin, swika baha nani dîa daukaia apia kan ba kat daukbia dukiara.

Roman 16:18

kan bahmuna sât uplika nani ba wan Dawan Jisas Kraist dukia daukras sa, sakuna ai biara warkka daukisa, bara witin nani ai bîla damnika bara ai bîla ni pain aisi ba mita upla sins aitani briras nani ra kunin munisa.

Epesus 4:14

Bara yawan na tuktan ban kaia apia sa, witin nani ai natka isi sât wala takisa, ya ya smalkanka raya smalki nani ba payaska ba mita raski brih auya, âuya mâira nani aimawahkan yabalka ra tauki nani ba mita sin kunin munisa.

Epesus 4:19

Witin nani ai swira lâka ba tiki brinka saura ra ni diman, bara diara tâski nani ba witin nani want pali ni dauki banhwisa.

2 Timoti 3:5

Gâd ra lukaia lâka ba pain talia kulki nani kabia, sakuna ai daukanka ba ni lika apia, kristian lâka kasak karnika ba daukbia apia. Bahmuna uplika wal man lika diara âpu bas.

Param Marikanka 16:14

Naha nani sika dibil nani piritka sain tara nani dauki kan ba. Piritka yumhpa ba mita tasba aiska kingka nani asla daukaia taki auya kan, Gâd witinka karnika sut bri ba yua tara warkka ba dukiara.