1 Timoti 4:12 - DAWAN BÎLA AISKA

¹² Wahma sma ba ra wisi, upla nani mita yarka mai kulkras kabiara; sakuna tânkam ba ni lalukra nani ra lâ yabi bas, bîlam aisisma ba wal, taukisma ba wal, latwan lâka, kasak lukan lâka bara sunu lâka ni sin.

1 Timoti 4:12 ပူးပေါင်းရင်းမြစ်များ

Sakaraya 2:4

bara witin ra naku aisin: “Plaps, kulki kaikaia kiwka brih auya wahmika ra wis: ‘Jerusalem ra upla nani kli wih iwaia sa, bara upla ailal, daiwan sin ailal pali bahara kabia bamna, tawan ba walpa kutbanka nani bilara kabia apia.

Matiu 18:10

“Aman kaiks; man nani naha sirpika nani kumi ra sin bahki kulkpara. Kan yang bui man nani ra mai wisna, ai insalka nani Aisiki kasbrika purara ba ra piu bani ra lamara sa.

1 Korint 11:1

Baku bamna, yang daukisna ba baku dauki bas, yang mita Kraist dîa daukan ba kat daukisna ba baku.

Pilipai 4:8

Bara tnata kat, muihki nani, diara pain bara mayunra briaia aitani ba lukankam ra mangki bris. Diara kasak nani ba, dîa dîa kulki briaia aitani ba, diara wapni nani ba, diara sunu nani ba, dîa dîa upla mita lihki ba bara dîa dîa upla mita pain kulki ba.

1 Tesalonaika 1:6

Bamna man nani ba yang nani daukri baku, bara Dawan daukan ba baku sin daukram; bara pât kasak wahwi kapram, ban sakuna sturi yamni ba Spirit Holikira mita lilia maiki kan ba wal bri katma.

1 Tesalonaika 2:10

Naha witniska nani sma, bara Gâd sin: man nani lalukra nani sma ba tilara, yang nani ba sunu katni, kasak lâka ra sin iwi banhwi katna, bara upla kumi mita sin pât kum dukiara kra sip daihra sakras kan.

1 Timoti 1:14

Baha mita, wan Dawan ai kupia yamnika lâka uya bri ba ni yang ra ai banhkan, bara kasak lukan lâka, latwan lâka yawan Kraist Jisas wal asla ba, baha sin Dawan mita yang ra aikan.

2 Timoti 2:15

Man ba nahki sip kama ba kat bas, wark uplika aitani kulkan kum baku Gâd mawanra bus, wark tatakra kum ai warkka ba tâwan ai swira lukras baku, Gâd kasakkira tânka bîla ba wapni kat smalki uplika baku.

2 Timoti 2:22

Baku bamna, wahma nani brinka karna ba wina tnaya ra taws, bara kasakka lâka nina blîks, kasak lukan lâka, latwan lâka bara kupia kumi lâka ba sin, baha nani ai kupia klin brih, Dawan ra hilp makabi wini nani ba sut aikuki.

2 Timoti 2:7

Dîa mai wisna na man luki bas, bara Dawan mita maikka diara nani sut tânka brima.

Taitus 2:15

Naha dukia nani na man smalks, bara karnikam aiska ni upla nani tâ baiks bara lawi sin dauki bas. Upla kumi mita sin yarka bahki mai kulkbiara.

Taitus 2:7

Man pali mita, diara sut mapa ra tânkam wal witin nani ra lâ mariki bas. Baha nani ra smalkma, kunin âpu, sunu lâka ra bara pulan ra lika apia.

Jems 3:13

Man nani tilamra upla sinskira bara diara tânka kakaira kum bâra sa kaka, latan marikbia witin wapni tauki ba lâka ni, ai sinska mita bawikira lâka yabi ba ni.

Jems 3:17

Sakuna Gâd wina sinska lâka bri uplika nani ba, tâura ai rayaka ba sunu brisa; baha ningkara, kupia kumi lâka brisa, upla ra pain munisa, bara diara tânka kat dauki uplika nani sa. Umpira lâka brisa bara ai uplika ra yamni munisa; witin nani kasak kat daukisa kunin lâka âpu.

1 Pita 5:3

Baha nani mihtam ra mangkan ba purara dawanka baku kaia lika apia, sakuna tânka nani mariki bas daukankam ba ni sin.