1 Timoti 3:7 - DAWAN BÎLA AISKA

⁷ Bara witin ra sin lalukra apia nani ba mita kulkan kaia sa, bara baku witin ba saura pali kulkan kabia apia, bara dibil mita mina alkaia dukia dauki ba ra kauhbiara sîa.

1 Timoti 3:7 ပူးပေါင်းရင်းမြစ်များ

Mark 4:11

Bara Jisas win: “Man nani ra lika Gâd king aimaki ba lâka dahra yukukan nani ba param mamrikan sa; sakuna latara uplika nani ra lika maprika lilka ni smalkan sa;

Apastil Nani Sturka 10:22

Witin nani bila: —Kiaptin Cornelio mita ai blikan. Witin waitna kasakkira, Gâd ra sin sibrin lukisa, Ju nani sut mita sin witin ra latwan kaikisa. Bamna Dawan insalka kumi mita witin ra win, man mai paiwbia ai watla ra wama, bara dîa dîa aisama ba witin walbia.

Apastil Nani Sturka 22:12

“Bahara waitna kum bâra kan, nina ba Ananías, Moses lâka bîla wali dadaukra pali kan, bara Damaskus ra Ju nani iwi ba witin dukiara pain baman aisi kan.

Apastil Nani Sturka 6:3

Bahamna, man nani tilam wina waitna pain 7 pliki sâks, sins lâka aitani bri nani ba, bara Spirit Holikira ni sin aibanhwan kaka; baha nani ra naha warkka na yas daukbia.

1 Korint 10:32

Upla kumi ra sin trabil munpara: Ju nani sapa, Ju apia nani sapa, Gâd sertska uplika nani sapa sin.

1 Korint 5:12

Kan yang bisniski apia sa kristian daknika apia banhwi ba lâka daukaia; Gâd mita witin nani lâka daukbia. Sakuna man nani mita bilara banhwi ba lâka pat daukisma. Baha mita, baha saurakira ba man nani tilam wina brih sâks.

2 Korint 6:3

Yang nani mita kupia turbanka lâka upla kumi ra sin munras, baku mika upla kumi mita yang nani warkki ba dukiara saura sip aisaras.

2 Korint 8:21

Bamna yang nani brin ai daukisa diara sut ba lâ kat pain daukaia, Dawan mawanra baman apia, sakuna upla nani mawanra sin.

Kolosi 4:5

Pain tauki bas, kristian apia nani ba wal, bara piua brisma bani ba pain man nani yus muni bas.

1 Tesalonaika 4:12

Naku dauki banhma kaka, lalukra apia nani ba kulkanka maikbia, bara diara kumi sin luha kama apia.

1 Tesalonaika 5:22

Man nani saurka sât sât wina tnaya ra taki banhs.

1 Timoti 3:6

Bamna, tâ bri uplika ba, bisi pali Dawan ra tawan uplika kaia apia sa, witin ai wîna ba tara puli dibil pât ra lulkan ba baku witin ra sin lulkbiara sîa.

1 Timoti 5:14

Baha mita, yang want sna piarka nani kau almuk takras ba, marit takbia bara luhpa baikbia, ai watla nani main kaiki kabia, bara baku mika witin nani mita wan waihla nani ra wan ninara saura aisaia sanska yabaia apia dukiara.

1 Timoti 6:9

Sakuna yuyakira takan dauki nani ba, traika kaikan ra kauhisa, bara brinka karna taniskira ailal alki priski brisa; baha nani sika upla nani ra saura muni ba, bara sauhki tikaia lâka ra bara tanis tiwaia lâka ra sin rungkisa.

2 Timoti 2:26

Bara baha ningkara, witin nani ai sinska ra kli tawbia, bara dibil mita priski bri ba wina pri takbia, witinka ra dîa want ba daukaia luki bamna.

Taitus 2:5

ai sinska yamni bri kaia, sunu kaia, ai watla warkka nani pain dauki kaia, yamnikira nani kaia, ai maya waitna nani bîla wali dauki kaia, bara baku lika upla kumi mita sin Gâd sturka yamni ba mapara saura aisabia apia.

Taitus 2:8

Bîla tânkira kat aisi bas, upla kumi sin baha mapara brukwaia apia bara baku mika waihlam nani ba ai swira takbia, kan witin nani ba yawan wan mapara, diara saura kumi sin aisaia âpu kabia.

3 Jan 1:12

Upla sut Demetrio dukiara pain baman aisisa, bara diara kasak ba sin, witin dukiara pain aisisa. Bamna yang nani sin baha witniska nani sna, bara man nani pain nu sma, yang nani lika diara kasak ba dukia nani sna ba.

1 Samuil 2:24

Apia pali, luhpi nani, tânka brisma Dawan uplika nani man nani dukiamra aisi tauki ba diara yamni apia sa.