1 Timoti 2:9 - DAWAN BÎLA AISKA

⁹ Bara mairin nani ba, ai prâka nani dimra ra ai sinska yamni bri nani kaia sa, bara baha nani ba tânkira ai prâka dimi kabia, aiskahkan tara wal lika apia. Ai wîna tara ba aiskahki kabia, tâwa pitbanka aihkakira wal lika apia, gul ni, sita nakra manira nani, apia kaka prâk manira nani ni sin apia;

1 Timoti 2:9 ပူးပေါင်းရင်းမြစ်များ

Blasi Sturka 24:53

Baha ningkara alba ba gul, silbar dukia nani, prâk nani sin saki Rebeca ra yaban. Baku sin lakrika ra bara yaptika ra sin prisantka nani yaban.

2 King Nani 9:30

Baha ningkara Jehú ba Jezreel ra wan. Bara baha walan taim, Jezabel ba ai mawan ba pain aiskahkan, ai tâwa nani ba sin pain pitban, ningkara windar bâk taki kaikan.

Ester 5:1

Lapta yumhpa luan ba ningkara, Ester ba ai kwalka diman bara king watla latka ra diman king ai iwaika rumka ba mawan kat takaski bri kan, dur dimaia tani ba ra kan ba.

Lawana Nani 149:4

Dawan lika ai uplika nani dukiara ban yamni lukisa; witin bawikira nani ra pura luaia lâka ba yabisa.

Sins Lâka 31:22

Witin krikri ra palkaia kwalka twakni ai mihta ni paskisa, bara kwala kau painkira ba ni ai prâka brih dimisa.

Sins Lâka 31:25

Aitani kulkan lâka wihki karnika wal ba witin ai kwalka baku dimisa, bara yauhka yua diara briaia ba dukiara ai kupia wal aisaras.

Sins Lâka 7:10

Aihni mairin ba bal takan, wahma ba wal prawaia dîa sut ai nakra ra kaiki kan, kunin muni ba bara dîa rug mairin kum ai prana dauki ba kat;

Aiseya 3:16

Baku sin Dawan aisisa: “Saion mairka nani ra, witin nani baman sa luki ba, ai nana dusa nani ba wapni pura kat kaiki wapisa, upla wala nani ra kaiki ba kulkanka âpu, wapi tauki bara ai mina ba klutka lulki wapisa, bara ai mina nani ra sakahki dukia bin daukisa,

Aiseya 61:4

Tawan almuk slingwanka ba, witin nani kli paskbia, utla slingwan bîla man swin nani ba sin, kli paskbia, tawan kutbanka slingwan nani ba sin kli paskbia.

Jirimaya 2:32

¿Mairin kum ba ai prana dauki aiskahki dukia nani ba, marit takan prâka skahkan ba âuya tiwbia ki? Ban sakuna, yang upliki nani lika piua wihka pat ai âuya ai tikan sa.

Jirimaya 4:30

Bara man, tawan kau aisawan ra sma ba, ¿dîa muni kwala balianta ba dimisma? ¿Dîa muni gul dukia nani ba ni pramna daukisna? ¿Dîa muni namkra taya nani ba siksa daukisma? Bahki baman pramna daukisma, kan latwan kaiki kapram nani ba mai lulki swin ba, nanara mai ikaia mai plikisa.

Matiu 11:8

Apia kaka, ¿man nani dîa kaikaia waram? ¿Waitna kum kwala pain dimi kan kaikaia watma? Man nani pain kaikisma kwala pain dimi uplika nani ba lika king nani watla ra iwisa.

1 Timoti 2:10

sakuna wark yamni nani wal, bara baku sika Gâd ra pliki mairka nani daukaia ba.