1 Timoti 2:4 - DAWAN BÎLA AISKA

⁴ kan witin want sa, upla sut ba swaki sakan kabia, kasak tânka ba sin witin nani kakaira taki banhbia.

1 Timoti 2:4 ပူးပေါင်းရင်းမြစ်များ

Aiseya 45:22

Man nani, yang ra bal bara swaki mai sakamna, tawan tasba wala wina. Kan yang na Gâd sna, bara wala âpu sa.

Aiseya 49:6

Witin wisa: “Baha ba aitani apia sa, man ba yang duki dadaukra baman kaia Jekob kiamka ba bukaia baman bara sin Israel tâka kau bâra ba, kli bri balaia baman ba dukiara apia; yang mai daukamni man ba nisan nani ingnika kaia, yang bui upla swaki sakisna ba lâka, man tasba aiska ra brih waia sma.”

Aiseya 53:11

Ai sulka sari, pât ailal brin ba ningkara, ingni ba kaikbia, bara ai âuyapah takbia; Dawan napakan kasakkira ba, upla ailal ra kasakkira kulkbia bara sin pri sâkbia, bara ai watawanka nani ba twilki brih wabia.

Aiseya 55:1

‘‘Diran dauki nani sut, man nani bal lî nâra sa dis; lalah âpu nani, man nani sin bal, mana luha plawar pis; wain laya, tialka laya sin, mana luha bris.

Isikiel 18:23

Yang brinki apia sa saurakira ba prubia, kuna ai daukanka ba natka wala takbia bara raya kabia. Yang, Dawan, kasak aisisna.

Isikiel 18:32

yang lika upla kumi sin prubia brinki apia kaka? Saura ba wina dakwi taks bara raya kama. Yang, Dawan, kasak aisisna.

Isikiel 33:11

Kuna yang, Dawan, rayaki ba mata, swer takisni, watawikira nani pruanka ba brinki apia sa, witin ai rayaka natka ba lakbia bara raya kabia want sna, lâka saura brisma ba swis. ¿Dîa muni pruaisma?’

Abakuk 2:14

Bâra mika Dawan prana tânka kaikaia sinska lâka ba tasba aiska ra banhwan kabia, kabu ra lî aibanhwan ba baku.

Matiu 28:19

Bamna man nani nisan sut uplika nani ra was, bara yang disaipilki nani dauki banhs; tahbi dauki banhs, Aisa ba nina ra, Luhpia ba nina ra, bara Spirit Holikira ba nina ra sin.

Mark 16:15

Witin nani ra sin win: “Man nani tasba aiska ra was, bara sturka yamni ba upla sut ra aisi smalks.

Luk 1:77

bara yaka ai uplika nani swaki sakan lâka ba kaikbia, ai saurka nani swih tikaia lâka ba sin.

Luk 14:23

Bara dawanka ba ai albika ra win: ‘Taki was kuntri yabalka nani ra, yabal sirpi nani ra sin, bara baha nani ra taibi muns bal dimaia, yang waitla na banhki kaia dukiara.

Luk 24:47

bara ai nina ba nisan nani sut ra aisi smalkan kabia, Jerusalem ba wina tâ krikaia baha nani ra sin wiaia, ai saurka nani ba wina ai kupia lakbia, bara baku mika ai saurka nani ba sut swin tikan kabia.

Jan 14:6

Jisas bila: —Yang sika yabal ba, kasak tânka ba bara rayaka ba sin. Yang bâk baman sip sa Aisa ra waia.

Jan 17:17

Naha nani ba man kasakkam ba ni aihka saki holikira sâks; man smalkankam bîla ba sika diara kasak pali ba.

Jan 6:37

Diara sut Aisa aiki ba, yang ra aula; baha nani yang ra aula ba, yang sip kangbi sakamna apia pali.

Roman 11:14

Brin ai daukisa yang nisanki pali wina, tila ba man nani daukisma ba baku daukbia, bara baku witin nani sin swaki sakan kabia.

1 Timoti 4:10

Naha dukia tâwan sika yawan wark karna takisa, bara upla mita sin saura wan wisa, kan yawan na wan kainara diara briaia ba, Gâd rayakira kat brisa, bara witin sika upla sut Sasakrika ba, bara kau pali lika kasak luki nani ba.

2 Timoti 2:25

bara witin mapara nani ba ra, kupia swapni brih wapni daukbia. Baku ban kra Gâd mita baha nani ra yaka ai kupia lakbia, bara kasak tânka ba kakaira taki banhbia.

2 Timoti 3:7

bara witin nani piu sut lan takaia trai munisa, sakuna kasak lâka tânka ba sip briras sa.

Taitus 1:1

Yang Pal, Gâd dukia dadaukra, Jisas Kraist apastilka sna, ba mita naha bîla ulbisna. Yang na witin mita ai blikan sa, Gâd mita bâk saki brin uplika nani kasak lukanka lâka ba hilp munaia; bara witin nani ba sin, Gâd ra luki kaia tânka kasak ba kakaira taki banhbia dukiara,

Taitus 2:11

Kan Gâd ai kupia yamni tânka ba wan marikan sa, bara upla sut ra swaki sakan lâka brih balisa.

Hibru Nani 10:26

Kan yawan kasak lâka tânka ba kakaira si, wan kupia wina kaiki saura daukisa kaka, wan saurka nani dukiara kli sakripais wala âpu sa.

Jems 3:14

Sakuna man nani kupiam ra tuman lâka tahpla pali brisma ba ra, wînam dukiara sin diara nani daukisma kaka, sinskam ba dukiara wînam ra tara lukpara, kan baha ba kasak lâka mapara kunin aisisma, apia sin wisma.

2 Pita 3:9

Dawan ai pramiska ba, pat tnata alkaia brin daukras sa lika apia, upla tila nani luki ba baku; sakuna yawan wal witin ai kupia alki takaski brisa; kan witin brin daukras upla kumi kra tanis tiwbia, kuna upla sut ai daukanka saura wina ai kupia lakbia.

2 Jan 1:1

Yang, serts almukka sna ba, Gâd mita bâk ai sakan; bara wan kristian daknika bâk sakan uplika nani sut ra laikula blikisna. Witin nani ra kasak pali latwan kaikisni, bara yang baman apia, kuna diara kasak tânka ba kakaira takan nani sut mita sin.

Param Marikanka 14:6

Bara yang insal wala kum kasbrika pura ba lilapas kat pâli tauki kan kaikri. Naha lika ban kaia ra smalkanka kum bri kan, tasba ra iwi uplika nani ra smalkaia, nisan sât bani ra, taika bani ra, bîla sât bani ra, upla nani sut ra sin.