1 Timoti 1:9 - DAWAN BÎLA AISKA

⁹ Wan kupia kraukaia sa, lâ ba upla yamni nani dukia wisi daukras sa; lâ ba lika mangkan sa, kiamapara nani ra klala yaia, bîla wali daukras nani ra, watawi dadaukra nani ra, saura dadaukra nani, Gâd ra kulkras nani ra, kristian lâka sin kulkras nani ba, ai aisa ra, apia kaka ai yaptika ra iki uplika nani ra, upla âikra nani sut,

1 Timoti 1:9 ပူးပေါင်းရင်းမြစ်များ

2 Samuil 16:11

Ba ningkara, witin Abisai ra bara wihta tara nani ra sin tawi, aisi, win: —Yang luhpi pali rayaki ba tikaia plikisa, bara Benjamín taika kum ba, ¡kau nahki prais saura lukisa lukisma! Swis witin nani saura ai wibia, Dawan bui witin ra adar yan kaia sa baku daukaia.

2 King Nani 19:37

Bara witin yu kum ai gâdka Nisroc priaska watla ra dimi mayuni kan, bara ai luhpia nani Adramélec bara Sarézer wal bui sord wal klaki ikan, bara Ararat tasbaya ra plapi wan. Ningkara witin ai watlika ra ai luhpia waitna Esarhadón ba king aimakan.

2 Kronikas 32:21

Bara Dawan ba ai insalka blikan bara baha nani sut iki tikan, suldiar nani, kiaptin nani, kamandantika nani, Asiria kingka kiampka ra, bara witin kli ai tawanka ra wan, ai swira tara ba wal. Bara ai gâdka tempelka ra diman ba ra, silp ai luhpia nani mita ikan.

Impakan Sturka 20:13

“Man lâ luha upla ikpara.

Impakan Sturka 21:14

Kuna ani uplika ai uplika kum ra ai kupia baiwanka mita pâtkas pali rayaka aiska ikbia kaka, witin lika plapi yang altarki kat wih yukuwi kabia, baha wina pliki saki lâka dauki pât ra laki ikma.

Sins Lâka 20:20

Ya ai papika ra bara ai yapti ra lahtubi aisi ba, ai lampka ba daskan bara tihmia tara ra prubia.

Sins Lâka 28:17

Ya upla kum upla wala iki si plapi ba, plapi takaskbia apia witin sin raiti bilara aimakbia ba kat: ¡upla kumi sin baha takaskbiara!

Sins Lâka 28:24

Upla âikra nani ai uplika bri ba sika ai papika ra impliki, ai yaptika ra sin impliki bara wisa, witin saura daukras.

Sins Lâka 30:11

Tila upla bâra sa, ai papika ra ai bîla sawi ba, bara ai yaptika ra sin yamni pali wiras ba.

Sins Lâka 30:17

Ya ai aisika bahki kaiki ba bara ai yaptika almuk takan ba lawaska kiki ba, aitani sa kuskuspiram mita nakra nani ba daiki sakaia, bara yakal nani mita pibia.

Jirimaya 23:11

Dawan kasak aisisa: “Prapit nani bara prîs nani ba sin saura baman banhwisa; tempelki bilara saura dauki kan alkri.

Isikiel 21:25

Bara man, Israel kingka, upla âikra saura pali, klalka briaia piua baila pali sa.

Libait Lâka 20:9

“Ya ya ai papika ra bara ai yaptika ra bîla saura wibia ba, ikaia lâka ra lakan kabia. Witin yakan ai pâtka ba twilkbia.

Matiu 10:21

“Upla nani ai muihnika nani ra kunin muni prura pâtka ra dingkbia, aisa nani mita sin ai luhpia nani ra baku munbia; luhpia nani ba ai aisika nani mapara bubia, bara prura mihta ra mangkbia.

Roman 1:30

Witin nani lika upla wala nani dukiara saura aisisa, Gâd waihla nani, saura aisasara nani, diara lalihkra nani bara kakalra nani, saurka lâka sâtka nani daukaia pliki saki ba, ai aisika nani bîla walras,

Roman 4:13

Bamna Gâd mita Ebraham bara ai kiamka nani ra sin pramis munan naha tasbaya na ai dukia pali kabia; naha pramiska na Gâd mita daukras kata, Ebraham lâ bîla wali daukan ba tâka mita, sakuna kasak lukan ba mita, Gâd mita kasakkira kulkan ba tâka mita sika.

Roman 5:20

Bamna Moses lâka balan saurka ba kau manis takaia dukiara, sakuna saurka ba kau manis takan ba ra, Gâd kupia yamnika ba kau tara pali takan.

Roman 6:14

Kan saurka ba kli man nani puramra karnika bri kabia apia, kan man nani ba lâ mununhtara apia sma, sakuna Gâd kupia yamnika ba mununhtara banhwisma.

Galesha 3:19

Baku sa kaka, ¿Moses lâka ba dîa mapara hilp sa ki? Baha lâka lika ningkara yaban, lâ bîla wali daukras kan ba marikaia. Lâ ba lika yan kan baha “kiamka” aisubi takbia ba kat baman, witinka ra pramis daukan kan ba. Bamna lâ ba insal nani mita aisin, bara Moses lika baha lâka ba upla ra aisi kaia kan.

Galesha 5:18

Sakuna Spirit ba tâm brisa kaka, man nani lika lâ mununhtara apia sma.

Galesha 5:21

Tuman lâka briaia, bla tatakra nani kaia, bîla maihsira kaia, diara wala bahmuna sâtka nani manis sin daukaia lâka. Piua luan ra mai smalkatna ba baku, kli mai smalkisni, ani uplika naha sât dukia nani dauki ba, Gâd king aimaki tasbaya ai dukia bribia apia.

Galesha 5:23

bawaia lâka, bara wan wîna alki takaskaia lâka. Nahmuna dukia nani ba mapara lâ kumi sin sip buras.

Kli Smalkanka 27:16

‘Ya ai papika ra, apia kaka ai yapti ra kulkras kabia kaka, lahtuban kabia.’ Bara upla sut bui wibia: ‘Baku kabia.’

2 Tesalonaika 2:8

Bâra mika, baha saurakira ba bal takbia ba ra, Dawan Jisas mita ai bîla wingka puhbanka ni ikbia, bara witin aula ingnika ba wal sauhki tikbia.

1 Timoti 4:7

Sakuna tasba uplika sturka tânkas nani ba bîla walpara. Man wînam ba wark yabi bas, Gâd ra luki kaia ba dukiara.

1 Timoti 6:20

Timoti, dîa mihtam ra mangkan ba pain main kaiks. Tasba lâka bîla nani, bahki baman ba, tanis bara sins lâka wi ba, sakuna kunin aisi ba, man bîla walpara.

2 Timoti 2:16

Tasba lâka, bîla bahki nani bara tânkas nani ba wina tnaya ra taws, kan bahmuna dukia aisi uplika nani ba, Gâd wina kau kau laihura takisa.

2 Timoti 3:2

Upla nani ba klauna ai dukiara baman luki kabia, lalah ra latwan kaikbia, kakalra kabia bara sin diara lalihkra kabia, Gâd mapara aisi kabia, ai aisika bîla walras kabia, tingkikas kabia bara serts ra rispik âpu kabia.

Taitus 1:10

Kan sip ai kupia alki takaskras uplika ailal bâra sa, bara kau pali Ju nani, kristian takan nani ba tilara, bara witin nani diara bahki nani baman aisi, upla nani ra kunin muni taukisa.

Taitus 1:16

Witin nani bila Gâd ra kakaira nani wisa, sakuna ai daukanka nani ba ni lika apia wisa. Witin nani ba uya saura pali baman sa, sip bawras uplika nani bara wark yamni kumi sin daukaia aitani apia banhwisa.

Taitus 1:6

Serts almukka kum ba, pât kumi sin âpu kaia sa; witin ai maya mairin kumi baman bri kaia sa, bara ai luhpia nani ba lalukra nani kaia sa; baha nani nina ra, saura yan sturka bara upla bîla sip wali daukras sturka sin âpu kaia sa.

Taitus 3:3

Kan yawan pali na sin, pas piua sinskas nani kan bara Gâd bîla sin wali daukras. Yawan na aihka aimawahki tauki kan, bamna wan wîna brinka karna nani bara wan brinka dukia sât sât albika nani kata. Yawan na saurka lâka ra bara tuman lâka ra sin iwi kan upla wala nani mita misbara wan kaiki kan, bara pana yawan mita sin.

Hibru Nani 11:31

Kasak lukan lâka mita Rahab, witinka rug mairin ba, kiamapara nani ba aikuki pruras kata, kan witin mita biki kakaira uplika nani ba uplika lâka kat ai watla ra dingki bri kan.

Hibru Nani 12:16

Man nani wina kumi sin marit apia kaka, ai maya bribiara, bara diara holikira ba sin bahki baku kulkbiara; kan Isau sika baku daukan ba, plun plit kum mana witin tawahkia kan lâka ba atkan wan.

1 Pita 2:7

Man nani kasak lukisma ba mampa ra lika, baha walpaya ba mana tara pali brisa; sakuna kasak lukras nani ba mapa ra lika, Ulbanka ra naku aisi na tnata alkisa: “Utla mâmakra nani mita lulki swin walpaya ba, kau rayaka wihtka walpaya takan sa.”

1 Pita 3:20

Naha spiritka nani sika patitara piua ra bîla wali daukras kata ba, Noa ba arp watla paski kan ba ra, Gâd lika wihka takaski bîla kaiki kan. Baha bilara tila upla nani aimakan, sut ba ra upla 8 baman, lî mita swaki sakan ba.

1 Pita 4:18

Bara upla yamni nani ba ban baku pât pali wina swaki sakras kaka, ¿lukras nani bara saura dadaukra nani mapara nahki kabia ki?

Judas 1:15

upla nani sut lâka daukaia, saura daukan nani ba saurka mana pât ra lulkaia, ai saurka nani daukan ba tâka mita, baku sin bîla karna nani witin mapara aisin ba tâka mita.”

Param Marikanka 21:8

Sakuna sasibrira nani ba, kasak lukras nani ba, uya saura takan nani ba, upla âikra nani ba, tâski lâka baman dauki nani ba, sukia warkka dauki nani ba, aidul nani ra ai pura suni mayuni nani ba, bara kuninkira nani ba sut sin, witin nani lika pauta lakni sulpa ni klauhi ba ra waia kabia; baha sika prura wala ba.”

Param Marikanka 22:15

Sakuna tawanka latara takaskbia nani ba naha nani sika: kasak lukras nani ba, sukia warkka dauki nani ba, tâski lâka dauki nani ba, upla âikra nani ba, aidul nani ra ai pura suni mayuni bara baha ra latwan kaiki nani ba sut, kunin lâka dauki nani ba sin.