1 Timoti 1:15 - DAWAN BÎLA AISKA

¹⁵ Naha aisanka na lika kasak pali sa, bara upla sut kasak lukaia sa: Kraist Jisas ba naha tasba ra balan upla saurakira nani swaki sakaia, bara yang sika baha nani sut tila wina kau saura kapri ba.

1 Timoti 1:15 ပူးပေါင်းရင်းမြစ်များ

Job 42:6

Baha mita dîa sna ba wina kupi lakisna, tasba yuya bara yamhpus ra iwisna ba wina.

Isikiel 16:63

Man kupiam kraukma, bara swiram lâka tara pali damra walma; bara bawan lâka sin baku man kli bîlam kwâkma apia; yang saurkam swih tikamna, diara nani daukram ba sut wina. Yang, Dawan, kasak aisisna.’ ”

Matiu 1:21

Witin luhpa waitna kum bribia, bara ai nina ba Jisas mâkma., Baku ai nina mâkbia, kan witin bui ai uplika nani ai saurka nani wina swaki sâkbia bamna.”

Matiu 18:10

“Aman kaiks; man nani naha sirpika nani kumi ra sin bahki kulkpara. Kan yang bui man nani ra mai wisna, ai insalka nani Aisiki kasbrika purara ba ra piu bani ra lamara sa.

Matiu 18:11

[Kan Upla Luhpia Waitna ba lika tiwan kan ba swaki sakaia balan.]

Matiu 20:28

Bahamna, baku natka ra, Upla Luhpia Waitna ba balras kan upla mita witin ai dukia daukaia dukiara, sakuna witin mita upla dukia daukaia, bara ai rayaka ba upla ailal pri sakaia mana baku yabaia.

Matiu 9:13

Man nani was, bara Ulbanka ra naha tânka na lan taks: ‘Yang want sna man nani uplikam ra umpira kaikma, daiwan nani sakripais daukanka ba lika apia.’ Kan yang lika upla kasakkira nani ba paiwaia balras, sakuna saura dadaukra nani lika.

Mark 2:17

Jisas naha wali, witin nani ra win: —Upla wîna dutki nani ba lika, daktar briaia apia sa, sikniskira nani ba lika. Yang lika upla kasakkira nani paiwaia balras, upla saurakira nani ra lika.

Luk 15:2

Bara naha dukiara, parisi nani bara Lâ Smasmalkra nani sut Jisas mapara brukwi, aisi kan: —Naha waitnika upla saurakira nani ba ai lamara brih, aikuki sin plun pîsa.

Luk 19:10

Upla Luhpia Waitna na balri sa, diara tiwan ba pliki swaki sakaia.

Luk 5:32

Bamna yang balras upla kasakkira nani ba paiwaia, sakuna upla saurakira nani lika, witin nani ai saurka nani wina ai kupia lakbia dukiara.

Jan 1:12

Sakuna ya nani witin ra brin bara kasak sin lukan nani ra, witin mita naha uplika nani ra Gâd luhpia takaia karnika ba yan.

Jan 1:29

Yaprika wala, Jan kaikan Jisas witin ra aula kan, bamna upla nani ra naku win: “Kaiks man nani, naha waitnika aula na sika Gâd Sîpka Luhpia, naha tasba saurka bri saki ba.

Jan 12:47

Upla kumi bîla wali, sakuna baha kat daukras ba, yang mita lika pât ra lulkamna apia, kan upla pât ra lulkaia wisi yang na tasba ra balras, kuna swaki sakaia.

Jan 3:36

Ya Gâd Luhpia ra kasak luki ba, raya ban kaia lâka ba brisa; sakuna ya Gâd Luhpia ra kasak lukaia apia wi ba, sip baha rayaka ba bribia apia, sakuna Gâd klalka saura pali ba bribia.

Apastil Nani Sturka 11:1

Apastil nani bara wan muihni nani Judia ra nani kan ba sturi walan, nahki Ju apia nani sin Dawan sturka yamni ba brin.

Apastil Nani Sturka 11:18

Bara wan muihni nani Jerusalem ra nani ba naha sturka walan ba ra, mapara aisi kata ba sâp takan, Gâd ra ni mayuni, naku win: —Baku sa kaka, Gâd mita Ju apia nani ra sin sans yaban ai kupia lakaia, bara raya ban kaia lâka briaia.

Apastil Nani Sturka 3:26

Bamna Gâd ai Luhpia Jisas pruan wina kli bukan ba ra, witin ba man nani ra pas blikan man nani ra yamni mai munaia, man nani kumi bani saurkam nani ba swiaia bara kupiam lakaia.”

Roman 11:14

Brin ai daukisa yang nisanki pali wina, tila ba man nani daukisma ba baku daukbia, bara baku witin nani sin swaki sakan kabia.

Roman 5:6

Kan yawan sip swak takras kan ba ra, Gâd mita piua mangkan ba kat, Kraist lika saurakira nani ba tâwan pruan.

1 Korint 15:9

Kan yang na apastil sut tilara kau mâyara sna, bara apastil ai mâkaia sin aitani apia sni, yang pali sika Gâd sertska rausauhkri ba.

Epesus 3:8

Gâd uplika sirpi nani sut tilara, yang na kau sirpi pali sna; sakuna Gâd mita ban adar aikan, Kraist yuyaka sip kulki sakras ba, Ju apia uplika nani ra smalkaia.

1 Timoti 1:13

Pas piua, witin mapara saura aisari, rausauhki kapri, bara saura sin muni kapri sakuna, witin mita ban yang ra naha sut ai daukan. Gâd mita umpira ai kaikan, kan baha piua yang na kau lalukra apia katna; bara dîa dauki kapri ba sin kaikras kapri.

1 Timoti 3:1

Naha na lika kasak pali sa: Upla kum serts ra tâ uplika takan daukisa kaka, witin ba wark pain kum daukaia want sa.

1 Timoti 4:9

Naha na lika diara kasak pali sa, bara upla sut naha kat kasak lukaia sa.

1 Timoti 6:13

Nanara, Gâd mawanra, witinka diara nani sut ra rayaka yabi ba, bara Jisas Kraist mawanra, witinka sin ai lukanka tânka aisi witnis sin takan ba Pontius Pailat mawanra, yang bui mai smalki mai wisni,

2 Timoti 2:11

Naha aisanka na lika kasak pali sa: Yawan lika witin wal pruan sa kaka, witin wal sin yawan raya iwbia;

Taitus 3:8

Naha na lika kasak pali sa, bamna yang want sna man ba naha dukia nani na ban ba kat aisi kama, bara baku mika Gâd ra kasak luki nani ba wark yamni nani baman dauki kabia. Naha diara nani na lika pain atia, bara upla nani ra hilp sa.

Hibru Nani 7:25

Baha mita, nanara bara ban kaia ra, witin bâk Gâd lamara wi nani ba ra witin mita swaki sakaia sip sa, kan witin ba ban kaia ra raya iwisa, witin nani tâwan Gâd ra makabaia dukiara.

1 Jan 3:5

Man nani pain kaikisma, Jisas Kraist naha tasba ra balan wan saurka nani ba pri sakaia, bara witin ra lika saurka âpu pali sa.

1 Jan 3:8

Sakuna ya saurka lâka baman dauki taukisa kaka, witin lika dibil wina ba mita, kan dibil lika tâ pali yua wina saura dadaukra sa. Bamna Gâd Luhpia balan ba lika, dibil warkka ba sut âpu daukaia dukiara.

1 Jan 5:11

Bara baha witniska ba lika Gâd mita raya ban kaia lâka wankan sa, bara naha raya ban kaia lâka na lika ai Luhpia ra sa.

Param Marikanka 21:5

Bara king iwaika ra iwi kan ba naku aisin: “Kaiks, nanara yang diara nani ba sut raya daukisni.” Naku sin win: “Naha na uls, kan bîla nani na kasak sa bara baha nani kat kasak kulkaia aitani sa.”

Param Marikanka 22:6

Insal ba ai win: “Naha bîla nani na kasakkira sa, bara baha kat kasak lukaia aitani sa. Bara Dawan Gâd, witinka ai prapitka nani ra ai Spiritka yabi ba, ai insalka blikan sa, ai dukia dadaukra nani ra diara pat takaia man ba marikaia.”

Param Marikanka 5:9

Witin nani naha lawana raya na aiwani kan: “Man lika wauhkataya ba briaia bara sîl nani ba krikaia sin aitani sip sma. Kan man lika mai ikan kata, bara tâliam ni yang nani na Gâd luhpia nani wisi wan atkram, taya sâtka bani wina, bîla sât aisi ba wina, nisan sâtka bani wina sin.