1 Timoti 1:10 - DAWAN BÎLA AISKA

¹⁰ marit takras tâski lâka dauki nani ba, waitna ai tahkia wal tâski lâka dauki nani ba, upla ai tahkia ra impliki nani ba, kuninkira nani, swer taki kunin aisi nani ba sut, wibia sa kaka, ani uplika nani smalkanka kasak ba mapara bûi ba tani ra lâ ba bâra sa.

1 Timoti 1:10 ပူးပေါင်းရင်းမြစ်များ

Blasi Sturka 19:5

bara witin nani mahka Lot ra winan: —¿Waitna nani tihmia wamtla ra bal diman nani ba anira sa? ¡Lata ra sâks! ¡Witin nani wal yang nani yapan ai daukisa!

Blasi Sturka 37:27

Kaisa yawan bui witin ba Ismael kiamka nani ra atkaia. Sakuna ikaia lika apia, yawan sin luki kaikaia sa, witin ba wan muihni, wan wîna pali sa. Bara ai muihni nani sut witin aisin ba baku daukaia âu win.

Blasi Sturka 40:15

Yang na, Hibru nani tasbaya wina ai impliki nâra ai bri balan. Nanara yang nâra diara saura daukras kapri, kuna ban silak watla ra ai mangki ai swin nâra sna. Sakuna yang nâra ban kaia lika apia sna.

Impakan Sturka 20:7

“Dawan Gâdkam nina ba, diara bahki lâka daukaia dukiara brih mâkpara. Kan witin ai nina diara bahki daukaia dukiara brih mâki nani ba, klala yabras ban pâtka swih tikbia apia sa bamna.

Impakan Sturka 21:16

“Ani uplika bui upla kum ra alki priski lâka ra bri si, pâtkas atkan wan sa kaka, witin ba sin pât ra laki ikan kaia sa.

Oseas 10:4

Aisin, bara aisi baman sa, kunin baman pramis takisa bara wal lâ dauki nani ba, ulbi baman swisa; ai kasakka lâka ba inma puisinkira lainka ra mangkan wapni pâwi ba baku sa.”

Libait Lâka 18:22

“Waitna tamhkia ra yappara, man mairin kum wal yapisma baku. Baha sika nina sauhkaia lâka saurka kau tara ba.

Libait Lâka 20:13

“Waitna kum waitna wala ra yapbia kaka mairin kum ra yapi ba baku, wâlsut ikan kabia. Silp ai prurika ba twilkbia, diara saura daukan bamna.

Sakaraya 5:4

Dawan, witin karnika sut alki bri ba, kasak aisisa: ‘Naha lahtubanka yang blikisni, impliki kunin aisi yang nini bri swer taki nani ba watla ra dimaia, bara lahtubanka ba bahara ban takaskbia, watla playka nani ba sukwi âpu takbia ba kat.’ ”

Sakaraya 8:17

bara pana pana saura munpara, swer taki kunin aisapara. Kan baha sut yang misbara kaikisna. Yang, Dawan, kasak aisisna.”

Malaquía 3:5

Karnika sut bri Dawanka ba aisisa: “Yang balamni man nani mampara lâmka ba param aisi daukaia. Sukia baku upla ra kunin munisma, upla maya lâka sauhki banhwisma ba, swer taki kunin aisi nani ba, upla warkka taki nani ra tataibra nani ba, piarka nani ra, rau nani ra, nisankam apia nani ra saura munisma ba, bara yang ra sin ai kulkras sma ba.

Jan 8:44

Man nani aisikam ba lika dibil; man nani ba witin wina atia sma, bamna dîa witin brin dauki ba kat daukisma. Dibil ba tâ pali piua wina upla âikra sa. Aima kumi sin kasakka lâka ra aibapi buras sa. Witin kunin aisi ba ra, ai tânka ba kat aisisa, kan witin lika kuninkira pali sa bara sin kunin aisika sa.

Roman 1:26

Baha mita Gâd bui witin nani ba swira lâka tâski pali ra ban lulki swin; mairin nani waitna wal prawi daukaia lâka kata ba swi si, mairin ai tahkia wal daukan.

Kli Smalkanka 24:7

“Israel uplika kum mita ai tasbaya uplika ra impliki alba natka ra lakbia, apia kaka atkka wabia, baha ba pruaia pâtka ra lakbia. Baku lika man nani tilamra saurka lâka bâra âpu daukbia.

1 Timoti 4:6

Naha smalkanka nani na wan muihni nani ra smalkisma kaka, man ba lika Jisas Kraist napakanka pain kama, bara kasak lukan lâka bîla nani ba wal bara baha smalkanka pain nina blikram ba mita sin, man sulkam pata pima.

1 Timoti 6:3

Upla kumi kunin lâka smalkbia kaka, bara witin ba wan Dawan Jisas Kraist smalkanka yamni ba kat, bara Gâd ra luki kaia lâka wan smalki ba kat sin kasak kulkras kaka,

2 Timoti 1:13

Bîla kasakkira nani maikri ba kat man nina bliki bas, bara yawan Kraist Jisas wal asla ba mita, kasak lukan lâka bara latwan lâka bri ba kat man ban bas.

2 Timoti 4:3

Kan piu kum balbia ba ra upla nani ba smalkanka yamni ba kau lika walan daukbia apia, sakuna ai brinka karna nani nina blîkbia, bara smasmalkra ailal pliki bribia, witin nani dîa walaia want ba baman baha nani mita smalkbia dukiara.

Taitus 1:13

Bara witin diara kasak ba kat aisan. Ba mita sika man mita baha nani ra karna pali lawi dauks, bara baku lika witin nani ba kasak lukan lâka mapa ra yamni nani kabia;

Taitus 1:9

Sturi kasakkira witin ra smalkan ba kat, ban alki bri kaia sa, bara baku mika upla wala nani ra smalkanka pain yabi, witin sip kabia tâ baikaia, bara baha smalkanka mapara nani ba sin kupia alkaia.

Hibru Nani 13:4

Upla sut mita marit lâka ba pain pali kulki kabia, bara marit waitna nani ba ai maya mairin wal sunu kasak kaia sa. Marit takras si tâski lâka dauki nani ba bara marit lâka sasauhkra nani ba sin, Gâd mita lâka daukbia.

Judas 1:7

Baku sin Sodoma, Gomora bara baha lamara tawan nani kan ba, baha insalka nani kauhan ba baku witin wîna nani sîn tara brinka mita munan saurka ra diman; saurka uba dauki ba mita, paskanka ban bâra ba mapara takan. Baha mita pauta ami ban kaia pâtka ba wahwan bara upla sut ra kupia kraukanka kum baku takaskan sa.

Param Marikanka 18:13

bara sinimint, sîka kîa yamni nani, dus mâka kîa yamni nani, bara isint, wain, batana, plawar kau pain ba, plawar sin; wark takaia daiwra nani sin brih balan, sîp nani, aras nani, karita nani, alba nani, upla rayaka nani sin.

Param Marikanka 21:27

Sakuna tâski dukia kumi sin, upla diara saura pali bara kunin sin aisi ba, bahara sip dimbia apia. Baha nani ai nina ba raya kaia wauhkataya Sîp Luhpia bri ba ra ulbi mangkan ba baman, tawanka ba ra dimbia.

Param Marikanka 21:8

Sakuna sasibrira nani ba, kasak lukras nani ba, uya saura takan nani ba, upla âikra nani ba, tâski lâka baman dauki nani ba, sukia warkka dauki nani ba, aidul nani ra ai pura suni mayuni nani ba, bara kuninkira nani ba sut sin, witin nani lika pauta lakni sulpa ni klauhi ba ra waia kabia; baha sika prura wala ba.”

Param Marikanka 22:15

Sakuna tawanka latara takaskbia nani ba naha nani sika: kasak lukras nani ba, sukia warkka dauki nani ba, tâski lâka dauki nani ba, upla âikra nani ba, aidul nani ra ai pura suni mayuni bara baha ra latwan kaiki nani ba sut, kunin lâka dauki nani ba sin.