1 Tesalonaika 5:15 - DAWAN BÎLA AISKA

¹⁵ Aman kaiks, upla kum mita wala ra saura munbia kaka, pana saura munbiara. Sakuna, man nani piua sut pana pana walkam wal diara yamni ba daukaia trai muni bas, bara upla sut wal aikuki sin.

1 Tesalonaika 5:15 ပူးပေါင်းရင်းမြစ်များ

Blasi Sturka 45:24

Witin nani mahka impakan, bara Josep witin nani ra lakula dauki, win: —Man nani yabal ra unsabi lika wapara. Bara witin nani impakan.

Lawana Nani 38:20

Yamni daukri mana, pana saura ni aibapuya; yamni daukaia plikisna ba ra, witin nani ba yang maipara buisa.

Lawana Nani 7:4

¿Dîa yang pâinika kum ra, saura munri ki, yamni ba watlika ra? ¿Dîa yang waihli ba, pâtkas kan rausauhki taibri ki?

Sins Lâka 17:13

Yamni ba mana saura ni yabi uplika ba, saura ba witin ai watla wina takbia apia.

Sins Lâka 20:22

Wipara: “Saura ai munan ba pana mana yang bui aibapamni”; Dawan ra kasak luks, bara witinka mai swaki mai sâkbia.

Sins Lâka 24:17

Waihlam kumi kauhbia ba ra, lilia taki lilia tara daukpara; witin sin ai mina pruki ba ra man âmyapah takpara.

Sins Lâka 24:29

Pana munaia lâka ba ban pali lukankam ra bripara, wala ra munma kra sin dukia witin mita mai munata ba baku.

Sins Lâka 25:21

Man waihlam plun wahwi kaka, witin ra plun dakaks, bara diran dauki kaka, lî diaia yas;

Libait Lâka 19:18

“Uplikam mapara pana munaia kupiam saura lâka daukpara. Uplikam ba latwan kaiks man wînam baku. Yang sika Dawan.

Matiu 5:39

Sakuna yang mai wisna: Upla saura mapara bupara; sakuna, ya mita mamwan tani kum ra prukbia kaka, tani wala ba sin laki yas.

Luk 6:35

Sakuna man nani lika waihlam nani ra latwan kaikaia sma, yamni sin munaia, bara diara lin munisma kaka, kli briaia bîla kaikpara. Baku lika mamna tara brima, bara Gâd Laih Purara iwi ba luhpia nani kama, kan witin lika latwankira sa, tingki lukras nani bara saurakira nani mapa ra sin.

Apastil Nani Sturka 16:28

Sakuna Pal ai tâ baiki winan: —¡Man wînam ra watawi munpara, kan yang nani sut nâra sna!

Roman 12:9

Latwan kaiks kasak tânka ra wal pana pana. Saura lâka ba misbara kaiks, kuna diara pain ba nina blîks.

Roman 14:19

Baku bamna, kupia kumi lâka dauki dukia nani ba nina blîkpi, baha diara nani wal sip ba, wan walka wal pana pana hilp munaia spirit lâka mapara pâwaia dukiara.

1 Korint 14:1

Bamna man nani trai kaiki bas latwan lâka ba bri kaia, bara Gâd mita spirit sinska lâka nani maikbia dukiara sin karna pali pliki banhwi bas, kau pali witin wina sturi nani brih aisaia ba.

1 Korint 16:10

Timoti balbia kaka, man nani trai kaiki witin ba tilamra aikuki liliam bris, kan witin ba Dawan warkka daukisa, yang wal baku.

1 Korint 6:7

Kasak pali sa, man nani pana pana walkam nani aikuki unsaban brisma ba latan marikisa ba ra, aiska pali kauhram sa. ¿Kau pain kabia apia, yarka watawi mai munaia ba? ¿Kau pain kabia apia, yarka mai impliki banhbia ba?

Galesha 6:10

Bamna ani piua yawan sip ba ra, upla sut ra diara pain nani dauki kap, bara kau aiska pali lika, kasak lukan lâka ra wan muihni nani ba sut ra.

Epesus 5:15

Bamna, man nani nahki sma ba aman kaiki bas, sins aitani briras nani ba baku kapara, sakuna sinskira nani bas.

Epesus 5:33

Sakuna naha sin wiaia want sa, man nani kumi bani mayam mairin nani ra latwan kaikaia sma sim wînam pali ra baku, bara maya mairin ba ai maya waitna ra kulkaia sa.

Kli Smalkanka 16:20

Kasak kat kasakka nina bliki bas, bara man nani, Dawan Gâdkam mita kuntrika maikaia ba ra dukiam brih raya kama dukiara.

1 Tesalonaika 2:12

Mai smalkri, man nani lika Gâd uplika nani watauki ba baku kama; witinka mai paiwi ba, ai kingka lâka bara ai prana ba sin witin ai dukia sa.

1 Tesalonaika 5:21

Diara nani sut ba tânka trai kaiki bas, bara dîa pain ba alki bris.

1 Timoti 6:11

Sakuna man, Gâd uplika sma ba, naha dukia nani sut wina sîa bri plaps. Kasakka lâka ba nina blîks, Gâd ra luki kaia lâka ba, kasak lukan lâka, latwan lâka, ban bapi buaia lâka, bara wan kupia swapni bri kaia lâka ba sin.

2 Timoti 2:24

Dawan napakanka kum lika unsabaia apia sa. Witin lika upla sut aikuki pain kaia sa. Witin ba upla smalkaia mapa ra pain kaia sa; bîla kaikanka bri kaia sa,

Taitus 3:2

Upla kumi nina ra sin saura aisi kabiara, sakuna kupia kumi lâka bri nani kabia bara upla wal asla uplika nani kabia, bara ai kupia swapnika ba upla sut ra latan mariki nani kabia.

Hibru Nani 12:14

Man nani upla sut wal kupia kumi lâka bri kaia trai kaiki bas, bara rayakam ba sin holikira bri kaia trai muns; kan holi lâka âpu kaka, upla kumi sin Dawan ba kaikbia apia.

1 Pita 1:22

Nanara man nani, kasak tânka sturka ba bîla wali daukram ba mita, sulkam nani sunu daukram sa, wan muihni nani ra kasak pali kunin âpu latwan kaikaia dukiara. Baku bamna, pana pana walkam ra latwan kaikaia sma, kupiam aiska bara karnikam aiska ni sin.

1 Pita 2:17

Upla sut ra kulki bas. Wan muihni nani ra latwan kaiks, Gâd ra sibrin bri banhwi bas, bara king ra sin kulki bas.

1 Pita 3:9

Saura mai muni nani ba, pana saura munpara, bara saura pali mai wibia kaka sin, pana saura pali munpara. Baku daukaia watlika ra, kau yamni muni bas, kan Gâd bui man nani ba yamnika briaia mai paiwan sa.

3 Jan 1:11

Muihki laitwankira, tânka saura nani nina blîkpara, kuna tânka pain ba lika. Ya diara pain dauki ba Gâd wina sa, kuna ya saura dauki ba lika, Gâd kakaira apia sa.

Param Marikanka 19:10

Yang insal ba mina kat kauhri, puri suni mayunaia wîri, sakuna witin mita ai win: “Man baku daukpara; kan yang na Gâd dukia dadaukra kum sna, sim man bara muihkam nani baku, Jisas sturka yamni kat kasak lukisma ba baku. Gâd ra puram suni mayuns.” Kan Gâd prapitka nani ba lika, Jisas sturka yamni witniska nani sika.

Param Marikanka 22:9

Sakuna witin ai win: “Man baha daukpara. Yang lika man baku Gâd dukia dadaukra kum sna, muihkam nani Gâd prapitka nani baku, naha wauhkataya ra diara nani ulban na kat bîla wali dauki nani ba wal baku sin. Gâd ra puram suni mayuns.”

1 Samuil 24:13

Wan damika nani aisinka kum ba naku wisa: ‘Watawika lâka ba, watawikira nani wina sa’; ba mita yang pali lika king tara ra mihti bukamna apia.