1 Tesalonaika 5:14 - DAWAN BÎLA AISKA

¹⁴ Baku sin, muihki nani, yang nani mamkabisni, wark takan daukras nani ba ra lawi daukma, si brabrira nani ba tâ baikma, swapnikira nani ba hilp muni banhma, bara upla sut wal kupiam alki takaski bri bas.

1 Tesalonaika 5:14 ပူးပေါင်းရင်းမြစ်များ

Aiseya 40:11

Witin sepad baku ai daknika ba main kaiki aula; sîp lupia nani ba ai klahkla ra twilkisa, swap lupia nani ba, ai lama bîla kat main kaiki alkisa.

Aiseya 63:9

ai sarka nani sut tila wina. Witin mita bâk saki blikan, uplika mita swaki sakras; Dawan ba ai karnika ni swaki sakan. Witin mita pri sakan, ai latwanka lâka bara umpira kaikan lâka ba ai klahkla ra brih buki banhwan piu bani baku baman daukisa.

Jirimaya 6:12

Watla nani ba, nasla nani ba, maya mairin nani ba upla wala nani bribia. Kan yang mihti bukamna baha kuntri ra iwi nani ba klala yabaia. Yang, Dawan, kasak aisisna.

Isikiel 34:16

Sîp tiwan nani ba plikamna, yabal tnaya ra wan nani ba bri balamna, mina kriwan nani ba kwala blakamna, swapni takan nani ba main kaikamna, batana bara karna nani ba main kaikamna. Yang mita main kaikamna nahki ba baku.

Matiu 12:20

Yauhrus bulwan kum pan witin krikbia apia, lamp wîkka kiasma saki ba sin daskbia apia, wihta kaia lâka karnika alki bribia ba kat.

Luk 22:32

Sakuna yang bui man dukiamra puri sunri, kasak lukankam ba tiwaia apia. Man kli tawi balma ba ra, muihkam nani tâ baiks.

Apastil Nani Sturka 20:27

kan yang bui man nani ra Gâd ai kupia ra luki dukia nani ba tânka yukukras param pali mai wîri.

Apastil Nani Sturka 20:31

Bamna aman kaiks, kupiam sin krauki bas, mani yumhpa, kakna bara tihmia, naikra laya saki man nani kumi bani ra mai smalki kupiam kraukatna ba.

Apastil Nani Sturka 20:35

Piua bani pain mai smalkri, baku wark taki uplika, diara âpu nani ra hilp munaia. Bara Dawan Jisas dîa aisin ba dukiara sin wan kupia krauki kaia, witin naku wisata ba: “Pain pali sa, upla ra diara yaia ba kau yamni sa, briaia ba wal.”

Roman 12:1

Baku bamna, muihki nani, Gâd kupia pihni lâka ba dukiara mamkabisna, man nani wînam aiska ba prisant raya kum baku ai mihta ra mangkma, baha ba holikira prisant yaia sma ba tânka sa.

Roman 14:1

Bamna upla kumi kasak lukan lâka ra swapni sa kaka, ban tilamra bri bas, sakuna dîa ai tânka ba dukiara lika wal aisi blauhpara.

1 Korint 4:14

Man nani swiram dauki baku lika naha na mai ulbras, sakuna kupia kraukanka kum maikaia dukiara, luhpi laitwankira nani ra baku.

1 Korint 8:7

Sakuna upla sut naha tânka na kaikras sa. Upla tila nani aidul nani ra ai pura suni mayunra yabaia lâka ban dauki kan ba, naiwa yua kat ban baha pata nani ba pîsa, aidul nani ra sakripais dauki yan kan baku; witin nani kupia dara walra ba swapni sa, bara aidul ba mita tâski daukuya luki banhwisa.

Galesha 5:22

Sakuna Spirit ai warkka dauki ba lika: latwan kaikaia, lilia kaia, kupia kaia lâka, kupia alki takaski kaia, latwan lâka bri kaia, kupia yamni kaia, kasakka lâka briaia,

Epesus 4:2

Man nani ba praut âpu bara bawikira bas; wihka sin bîla kaiki kama, pana pana walkam ra latwan lâka ba mariki kama.

Epesus 4:32

Sakuna, sut aikuki pain banhwi bas, pana pana kupiam swapni bri bas, bara pana pana walkam pâtka swih tiki bas, Gâd bui Kraist ra mai praki pâtkam swih tikan ba baku.

Kolosi 1:28

Yang nani Kraist dukiara smalkisna, upla nani sut ra kupia krauki smalki banhwisna sins tânka manis ra baku dauki Kraist ra kasak wapni brih waia dukiara.

2 Tesalonaika 3:15

Bara witinka ba, waihlam baku kulkpara, sakuna muihkam baku lâ yabi bas.

1 Timoti 3:3

bla tatakra kaia apia sa, unsasabra wal ai uplika kaia apia, sakuna kupia yamnikira bara kupia kumi lâka bri uplika kabia; witin ba lalah wantkira kaia sin apia sa.

1 Timoti 6:11

Sakuna man, Gâd uplika sma ba, naha dukia nani sut wina sîa bri plaps. Kasakka lâka ba nina blîks, Gâd ra luki kaia lâka ba, kasak lukan lâka, latwan lâka, ban bapi buaia lâka, bara wan kupia swapni bri kaia lâka ba sin.

2 Timoti 4:2

sturi yamni ba smalki kama, bara ban uya smalki bas, piua yamni brisma, bara âpu kama sin. Upla nani kupia alki bas, lawi dauki bas, bara tâ baiki bas, bara wihka bîla kaikaia lâka aiska ni upla nani ra smalks.

Taitus 1:10

Kan sip ai kupia alki takaskras uplika ailal bâra sa, bara kau pali Ju nani, kristian takan nani ba tilara, bara witin nani diara bahki nani baman aisi, upla nani ra kunin muni taukisa.

Taitus 1:6

Serts almukka kum ba, pât kumi sin âpu kaia sa; witin ai maya mairin kumi baman bri kaia sa, bara ai luhpia nani ba lalukra nani kaia sa; baha nani nina ra, saura yan sturka bara upla bîla sip wali daukras sturka sin âpu kaia sa.

Hibru Nani 12:12

Baku bamna, mihtam nani swapan ba bara lulam nani swapan ba sin karnika raya yabia,

Hibru Nani 13:3

Silak ra mangkan uplika nani ba kupiam krauki bas, man nani sin witin nani aikuki silak watla ra kapram kan baku. Rausauhkan uplika nani ba ra luki bas, man nani sin witin nani wal baku pât wahwi kapram kan baku.