1 Tesalonaika 5:13 - DAWAN BÎLA AISKA

¹³ Witin nani ra kasak kulki bas, bara kasak sin latwan kaiks, witin nani wark dauki nani ba dukiara. Pana pana walkam nani aikuki kupiam kumi lâka ba brih iwi bas.

1 Tesalonaika 5:13 ပူးပေါင်းရင်းမြစ်များ

Blasi Sturka 45:24

Witin nani mahka impakan, bara Josep witin nani ra lakula dauki, win: —Man nani yabal ra unsabi lika wapara. Bara witin nani impakan.

Lawana Nani 133:1

¡Kaiks, yamni bara painkira pali sa, muihni nani wal asla lâka ra iwaia ba!

Matiu 10:40

“Ya ya man nani ra pain mai bri ba, yang ra ai brisa; ya yang ra ai bri ba, witinka ai blikan ba ra brisa.

Mark 9:50

Saúl ba pain sa, sakuna ai damnika tikbia kaka, ¿nahki man nani kli yamni daukma? Man nani wînam ra sâl bri bas, bara pana pana uplikam wal kupia kumi lâka ra iwi bas.

Jan 15:17

Bamna naha lâka maikisna: Man nani pana pana walkam ra latwan kaiki kama.

2 Korint 13:11

Bamna nanara, muihki nani, rayakam aihwa takaia lâka pliks, maisa nihkan lâka bri bas, aikuki asla pain bara kupiam kumi bas. Bara kupia kumi lâka bara latwan lâka Gâdka ba man nani wal kabia.

Galesha 4:14

Baha sikniska ba man nani mampara traika kaikanka kumi kan, ban kuna baha tâwan wisi man nani mita bahki bara saura ai kulki ai briras katma. Sakuna, ai briram yang na Gâd insalka kumi baku, bara Jisas Kraist pali kapri kan baku.

Galesha 5:22

Sakuna Spirit ai warkka dauki ba lika: latwan kaikaia, lilia kaia, kupia kaia lâka, kupia alki takaski kaia, latwan lâka bri kaia, kupia yamni kaia, kasakka lâka briaia,

Galesha 6:6

Ani uplika sturi yamni smalkanka lan taki ba, dîa dîa witin bri ba wina ai smasmalkra ra hilp yaia sa.

Epesus 4:3

Trai kaiks, piua bani aikuki kumi kaia Spirit Holikira hilpka ra, kupia kumi lâka mita asla mai praki bamna.

Kolosi 3:15

Kraist kupia kumi lâka ba bui man nani kupiam ra tâ bri kabia, kan naha sim lukanka na dukiara sika Gâd mita mai paiwan, upla sut ba asla praki wîna tara kumi daukaia. Baha dukiara tingki wi bas.

1 Tesalonaika 5:14

Baku sin, muihki nani, yang nani mamkabisni, wark takan daukras nani ba ra lawi daukma, si brabrira nani ba tâ baikma, swapnikira nani ba hilp muni banhma, bara upla sut wal kupiam alki takaski bri bas.

2 Tesalonaika 3:16

Bara kupia kumi lâka Dawanka ba mita, piu bani kupia kumi lâka natka sât sât ra maikbia. Dawan ba man nani sut aikuki kabia.

2 Timoti 2:22

Baku bamna, wahma nani brinka karna ba wina tnaya ra taws, bara kasakka lâka nina blîks, kasak lukan lâka, latwan lâka bara kupia kumi lâka ba sin, baha nani ai kupia klin brih, Dawan ra hilp makabi wini nani ba sut aikuki.

Hibru Nani 12:14

Man nani upla sut wal kupia kumi lâka bri kaia trai kaiki bas, bara rayakam ba sin holikira bri kaia trai muns; kan holi lâka âpu kaka, upla kumi sin Dawan ba kaikbia apia.

Jems 3:18

Bara kupia kumi lâka pliki nani ra, wapni iwbia dukiara kupia kumi lâka ra mangkisa.