1 Tesalonaika 4:13 - DAWAN BÎLA AISKA

¹³ Muihki nani, yang nani want sna man nani kaiki kama pruan uplika nani ra dîa taki ba, baku man nani sari bri banhma apia, sim upla wala nani ai kanra diara bîla kaikanka âpu nani ba baku.

1 Tesalonaika 4:13 ပူးပေါင်းရင်းမြစ်များ

Blasi Sturka 37:35

Ai luhpia waitna, ai luhpia mairin nani sut ai aisika maisa nihkaia trai kaikan, sakuna ai luhpia nani ba witin ai maisa nihki ba brin daukras kan. Witin ai luhpia dukiara kau ini bara naku aisi kan: “Luhpi sarka brih ini ban kamna, yang pruan nani tilara wih, witin wal prawamna ba kat.”

2 Samuil 18:33

King ba pat ai dara walan dîa takan ba, bamna get purara rum kum ba ra ulan, bara mahka inan. Wapi ini aisi kan: “¡Yang luhpi Absalón! ¡Yang luhpi Absalón! ¡Yang luhpi! ¡Yang ni man wamtlika ra pruaia kapri! ¡Luhpi Absalón, yang luhpi!”

1 King Nani 1:21

Baku apia kaka, king tara ba mahka prubia piua ra, yang bara luhpi Salaman wal lika pruaia pâtka ra wan lakan kabia sa.

1 King Nani 2:10

Bamna Debit ba pruan bara ai damika nani raitika ra bikan, Debit Tawanka ra,

Job 1:21

Bamna naku aisata: —Kwala luha tasba ra balri, bara kwala luha naha tasba wina wamna. Diara sut Dawan mita aikan, bara Dawan mita sin kli mihti dakban; ¡Dawan nina ba ban mayunan kabia!

Sins Lâka 14:32

Upla watawikira ba, witin ai saurka pali ba mita sauhki tikisa, upla lukanka wapni ba, ai wapnika lâka mita kan kahbisa.

Isikiel 37:11

Bamna Dawan bui ai win: “Israel luhpia nani ba baha dusa pruan ailal ba baku sa. Aisi taukisa: ‘Wisa yawan wan dusa nani ba lâwan sa; bîla kaikanka kum sin âpu, yawan na tiwan sa.’

Daniel 12:2

Raiti ra yapi banhwi ba ailal pali kli buan kabia: manis raya ban kaia lâka ba bribia, bara wala nani ra lika swira lâka bara pât ban kaia ra takbia.

Libait Lâka 19:28

“Upla kum pruan ba ra luki tamya ra klakpara. Tamya ra lilka sât sât sin daukpara. Yang sika Dawan.

Libait Lâka 21:2

sakuna yaptika ba, papika, luhpia waitna ba, luhpia mairin ba, muihnika,

Matiu 27:52

raiti nani ba kwawan, bara Gâd ra kasak luki uplika ailal pruan kan ba kli bukan kan.

Jan 11:24

Marta bila: —Âu, yang kaikisna witin ba kli bubia, tnata piua ra pruan nani kli bubia ba ra.

Apastil Nani Sturka 13:36

Debit ai yua nani ra Gâd dukia daukan, dîa witin ra win ba kat. Ningkara, witin pruan ba ra, ai aisika nani raitika lamara bri si bikan, bara ai wîna tara ban sukwi luan.

Apastil Nani Sturka 7:60

Baha ningkara, witin ai lula kriki ai bîla baikra karna wini aisin: “¡Dawan, naha saurka na witin nani ra kulkpara!” Bara naha aisin ningkara, pruan.

Apastil Nani Sturka 8:2

Waitna kasakkira nani mita Stiben wîna tara ba raiti ra bri si bikan, kasak sin sari taki banhwan.

Roman 1:13

Bamna muihki nani, brin ai daukisa man nani kaiki kama, nahki aima ailal brin ai daukan bal mai kaikaia, sakuna naha piua kat sin ban sip apia sna. Man nani ra balan ai dauki ba lika upla tila nani Dawan ra laki brih balaia, sim nisan wala nani tilara briri ba baku.

1 Korint 10:1

Muihki nani, yang want sna man nani kaiki kama, wan damika nani Moses nina bliki nani ra dîa takan ba. Witin nani ba baha kasbrikika munhtara banhwi kan, bara sut Kabu Pauni bâk dimi, lui banhwan.

1 Korint 12:1

Muihki nani, yang want sna Spirit prisantka, upla bani ra sins tânka yabi ba baha nani kakaira kama.

1 Korint 15:6

Baha ningkara wan muihni 500 pura witin ba sim piua ra kaikan, bara baha tila wina aihkika ba kau raya sa, bara tila nani lika pat pruan sa.

2 Korint 1:8

Muihki nani, brinki sa man nani kaiki kama, nahki pât nani Asia ra yang wauhri ba. Baha lika trabil tara pali kan, wan karnika âpu praiska wan daukan kan, bara ban sin yang nani lukri, yang nani ba raya kamna apia.

Epesus 2:12

Baha piua man nani ba Kraist luha katma, Israel nisanka wina laihura kapram, bara Gâd bui Israel nisanka wal lâ nani bara pramis daukan ba sin kakaira apia katma. Naha tasba ra diara kumi sin kainamra bîla kaikras, Gâd sin luha iwi nani katma.

Epesus 2:3

Piua luan ra yawan sut lika baha nani wal baku iwi kan, wan daukanka nani nina bliki kan, wan wîna tara bara wan kupia lukra brinka ba kat sin dauki kan. Baha mita klala saura pali Gâd wina ba, wan dukia kan, sim wala nani wal baku.

1 Tesalonaika 4:14

Yawan kasak lukisa Jisas ba prui kli buan; baku bamna, yawan kasak lukisa sim natka ra Gâd mita, witin ra kasak luki pruan nani ba, Jisas wal kli bukbia.

1 Tesalonaika 4:15

Naha mita sika man nani ra Dawan smalkanka ni mai wisni: Dawan balbia yua kat yawan kau raya nani kabia ba, pruan nani kan dakbi lubia apia.

1 Tesalonaika 5:10

Jisas Kraist yawan dukiara pruan, bara baku mika yawan raya kabia, pruan kabia kra, witin wal asla raya iwi banhbia dukiara.

1 Tesalonaika 5:6

Baku bamna, yawan na wala nani ba baku yapaia apia sa; yawan lika raya kaia sa bara wan dara sin pain wali kaia sa.

2 Pita 3:4

bara makabi wali kabia: “¿Kraist kli balaia pramis win ba dîa takan? Wan damika nani pruan, bara tasba paskan piua wina naiwa kat dîa kan ba ban sa.”

2 Pita 3:8

Baha purkara, muihki laitwankira nani, naha na âmya tiwbiara: Dawan mapa ra yu kumi ba mani tausin baku sa, bara mani tausin ba yu kumi baku sa.