1 Tesalonaika 3:9 - DAWAN BÎLA AISKA

⁹ Bara nanara yang nani sip sna man nani mamta Gâd ra tingki wiaia. Gâd ra tingki wisna, witin mawanra uya lilia aiki banhram bamna.

1 Tesalonaika 3:9 ပူးပေါင်းရင်းမြစ်များ

2 Samuil 6:21

Debit pana win: —Âu, baha kasak sa; yang dans srutwi puli kapri ba, sakuna Dawan lamara yang pulri. Witin bui yang ra bâk ai sakan man papikam bara man tamya nani ba watlika ra, Israel ai tawanka ra wihtka aimakaia. Baha mita yang lika witin ai lamara dans pulisna.

2 Kronikas 31:8

Ezequías bara wihta nani aikuki wan diara nani kwahkan ba kaikaia, witin nani Dawan ra yamni win, Israel luhpia nani ra sin.

Nihimaya 9:5

baha ningkara Libait nani Jasua, Cadmiel, Binuy, Hasabnías, Serebías, Hodías, Sebanías bara Petahías sin buan bara win: “Bûi banhs, bara Dawan Gâdkam ra yamni wis ban kaia ra ban kabia. ¡Yamni wis ai nina pranakira mayunra sut pali wal kau purkara ba!”

Lawana Nani 116:12

¿Nahki yang Dawan ra aibapi takamna, witin bui yang ra yamni ai munan bamna?

Lawana Nani 68:3

Sakuna upla pain nani ba lilia takisa; ¡Dawan mawanra âuyapah, lilia srutwi pulisa!

2 Korint 2:14

¡Sakuna Gâd ra tingki kabia! Kan witin mita Kraist Jisas ra wan praki yawan na pura lalura nani wan daukisa, bara yawan bâk sin ai smalkanka ba latan marikisa, bara baha ba kîa damni pain kum baku tasba aiska ra kiawalisa.

2 Korint 9:15

¡Gâd ra tingki wip, kan witin diara uya tara pali wankan sa, sip aisi tnata alkaia apia praiska kat!

Kli Smalkanka 12:18

Dawan Gâdkam ani pliska witin aihka saki maikbia ba ra baman daukaia sip kama; bahara, man nani Dawan Gâdkam mawanra bara luhpiam nani wihki albikam nani aikuki asla, bara Libait nani man nani tilamra iwbia ba aikuki, man nani mihtam warkka nani daukisma mâ nani ba wal lilia kama.

Kli Smalkanka 12:2

“Man nani baha uplika nani pura luaia auma ba, witin nani ai gâdka nani ra ai pura sunaia pliska nani bri sut sauhki âpu dauks: il nani ra, kiuhsi nani ra bara dus tara nani distika ra.

Kli Smalkanka 16:11

Bara Dawan Gâdkam mita witin ai nina bâra kaia pliska kum aihka sakan ba ra luhpiam nani, albikam nani, Libait nani, tringsar nani, rau nani bara piarka nani man nani tilamra iwi ba aikuki lilia dauks.

1 Tesalonaika 2:19

¿Bamna yang nani kainira diara bîla kaikisna ba, liliaki ba bara yang nani maiyunra kraunka ba, dîa kabia ki? Baha ba man nani pali sika, wan Dawan Jisas Kraist balbia ba ra.