1 Tesalonaika 3:6 - DAWAN BÎLA AISKA

⁶ Sakuna nanara Timoti man nani wina tawi balan sa, bara kasak lukankam lâka bara latwankam lâka sturka sin pain baman bal, yang nani ra aisan. Witin wan wisa, man nani ba yang nani dukira piua sut pain baman lukisma, bara yang nani na ai kaikan pali mai daukisa, yang nani bui man nani mai kaikan ai dauki ba baku.

1 Tesalonaika 3:6 ပူးပေါင်းရင်းမြစ်များ

Sins Lâka 25:25

Diran dauki uplika kârma ra lî kauhla pain ba baku sa, sturi yamni laih kuntri wala wina aula ba.

Aiseya 52:7

Kaiks nahki pranakira ba, baha mina nani il nani purak lilia sturka nani brih aula ba, baha kupia kumi sturka maisa paki ba, baha sturi yamni brih aula ba, bara swaki sakan sturka ba maisam paki ba, bara witin nani Saion ra wisa: “¡Man Gâdkam ba king sa!”

Apastil Nani Sturka 16:1

Pal bara Silas wal impaki witin nani Derbe ra wan, baha wina Listra ra balan. Bahara sika lalukra kum wal prawan nina ba sika Timoti; witin ba Ju lalukra mairin kum luhpia, ai aisika lika Grik kata.

Apastil Nani Sturka 18:1

Naha diara ningkara, Pal Atenas wina taki Korint tawanka ra wan.

Apastil Nani Sturka 18:5

Silas bara Timoti wal Macedonia wina balan ba ra, Pal lika ai piua aiska pali yaban, param pali Ju nani ra wiaia sturi yamni ba tânka, Jisas ba Misaya sa.

1 Korint 11:2

Muihki nani, man nani ra mamyunisni, piu bani yang ra kupiam krauki banhwisma ba mita, bara smalkanka nani maikatna ba kat alki banhwisma.

1 Korint 13:13

Diara yumhpa ban kaia ra bâra sa: kasak lukan lâka ba, wan kainara diara bîla kaikaia lâka ba, bara latwan lâka ba sin; sakuna yumhpika wina kau tara ba lika, latwan lâka.

Galesha 5:6

Bara yawan Kraist Jisas wal asla sa kaka, Aisa sainka bribia, apia kaka briras kabia sin, sut ba bahki sa. Kasak lukan lâka briaia ba lika kau pain sa, bara kasak lukanka lâka mita sika upla sut aikuki latwan iwaia tânka wanki ba.

Pilipai 1:8

Gâd pain kaikisa, yang bui Jisas Kraist latwanka lâka swapnikira bri ba ni, man nani ra latwan mai kaikisna ba.

Kolosi 1:4

Man nani Kraist Jisas ra kasak lukisma ba, yang nani walri, bara Gâd uplika sut ra latwan kaikisma ba sin,

Kolosi 4:18

Yang Pal, naha lakula mihti pali ni ulbisna. Silak ra sna ba dukiara, kupiam krauki bas. Gâd mita yamni mai munbia.

1 Tesalonaika 1:3

Gâd wan Aisa mawanra kupi kraukisna, man nani nahki kasak lukan lâka wal wark takram ba, nahki latwan lâka wal wark daukram ba, bara nahki pali sin kainamra diara bîla kaikanka lâka ba Dawan Jisas Kraist kat ban bapi brisma.

1 Tesalonaika 2:17

Muihki nani, man nani wina piu wiria dakwi takri ba ra, mai kaikras kapri sakuna, kupi ra piu sut mai luki banhwi katna, bara wih mai kaikan pali sin ai dauki kata.

1 Tesalonaika 2:9

Muihki nani, man nani pain kupiam kraukisma si, nahki wark taki trabil bri banhwatna ba, yang nani rayaki hilpka bri kaia dukiara. Kakna bara tihmia wark taki banhwi katna, Gâd sturka yamni mai smalki kapri ba ra, man nani puramra wirhika kumi sin maiki banhras katna.

1 Tesalonaika 3:7

Baha mita, muihki nani, yang nani pâtki nani bara sarki nani sut tilara, man nani mita maisi nihkram sa. Kasak lukankam lâka kat ban bapi buisma ba mita, yang nani maisi nihkan sa.

2 Tesalonaika 1:3

Muihni nani, piu bani man nani sut dukiamra yang nani mita Gâd ra tingki wiaia sna; aitani sa baku dauki banhwi kamna, kan man nani kasak lukankam lâka ba tara pâwisa, bara pana pana walkam ra latwan lâka brisma ba sin piua bani kau tara takisa.

1 Timoti 1:5

Baha smalkanka ba sika, pana pana latwan kaikaia wan walka ra, kupia tâski âpu ba wina aula, kupia dara lukra yamni ba wina, bara kasak lukan lâka kunin âpu ba wina sin taki aula.

2 Timoti 1:3

Yang puri sunisna piua nani ra mai lukisna ba ra, tihmia bara kakna ra yang bui Gâd ra tingki wisna, witinka ra kupi lukra klin ni ai warkka daukisna ba, almukki nani ai warkka daukan ba baku.

Pilimon 1:5

kan yang walri man ba Gâd uplika nani sut ra latwan kaikisma, bara Dawan Jisas ra kasak lukan lâka brisma.

Hibru Nani 13:3

Silak ra mangkan uplika nani ba kupiam krauki bas, man nani sin witin nani aikuki silak watla ra kapram kan baku. Rausauhkan uplika nani ba ra luki bas, man nani sin witin nani wal baku pât wahwi kapram kan baku.

Hibru Nani 13:7

Man nani tâm brin uplika nani ba kupiam krauki bas, witinka nani Gâd sturka yamni mai smalkan ba. Witin nani nahki iwi kan bara nahki pruan ba sin man nani luki bas, bara ai kasak lukan lâka natka nani ba kat dauki bas.

1 Jan 3:23

Bara witin ai lâka ba sika, ai Luhpia Jisas Kraist ra yawan kasak lukaia, bara pana pana wan walka ra latwan kaikaia, witin mita yawan ra wan win ba baku.