1 Tesalonaika 3:3 - DAWAN BÎLA AISKA

³ upla kumi sin naha trabilka nani mita yarka ai ninara tawbiara sîa. Man nani sin pain kaikisma, yawan naha pâtka nani na wahwaia sa.

1 Tesalonaika 3:3 ပူးပေါင်းရင်းမြစ်များ

Job 23:14

Dîa witin bui yang wal daukaia brin daukbia ba baha kat daukbia, baha tnaya ra dîa wala kra bâra kaka sin.

Lawana Nani 112:6

baha mita witin tanis kauhbia apia. ¡Upla kasakkira ba ban ai kupia krauki kabia!

Luk 21:12

“Sakuna naha diara nani sut kainara, man nani ra mai alkbia, bara ninam bliki rau mai sauhkbia. Lâmka daukaia prias watla nani ra mai brih wabia, yang nini ba tâwan silak watla ra mai mangkbia; king nani mawanra, wihta tara nani mawanra sin mai brih wabia.

Jan 16:2

Ju nani priaska watla nani wina mai kangbi mai sâkbia, bara ban sin piua kum balbia ani uplika mita mai ikbia ba, witin lukbia baha ni Gâd warkka daukisa.

Jan 16:33

Naha dukia sut na mai wisni, yang wal asla kama ba mita kupia kumi lâka ba bri kama. Naha tasba ra man nani ban pât wahwaia kama; kuna kupiam karna bri bas, kan yang mita tasba na pura luri sa.

Apastil Nani Sturka 14:22

Baha pliska nani ra kristian nani sut ra tâ baikan, ban sin smalki kupia kraukan kasak lukan lâka ra bapi bûi kabia, bara sin win Gâd king aimaki tasbaya ra dimaia kaka, pât nani wahwaia sa.

Apastil Nani Sturka 2:25

King Debit mita Jisas dukiara naku aisin: ‘Yang piua bani maiwanra Dawan ba kaiki katna. Witin sin yang laimara sa, bamna diara kumi sin trabil ai munbia apia.

Apastil Nani Sturka 21:11

Witin ba yang nani ai kaikaia balan. Bara Pal maisa wila ba brih, ai mina nani bara ai mihta nani sin priski, naku aisin: —Spirit Holikira bila, Jerusalem ra Ju nani naha maisa wila dawanka ra naku priski, Ju apia nani mihta ra mangkan kabia.

Apastil Nani Sturka 21:13

Sakuna Pal win: —¿Dîa kan man nani ini, kupi ra sari ai dingkisma ki? Kan yang ridi sni ai priskan kaia baman apia, sakuna Jerusalem ra sin pruaia Dawan Jisas tâwan.

Apastil Nani Sturka 9:16

Yang mita witin ra marikamna nahki pât nani uya yang dukira wahwaia ba.”

Roman 5:3

Bara naha baman apia, sakuna pât wahwan tilara sin yawan ban lilia sa, kan yawan kaikisa pât wahwan ba mita bapi buaia wihka bîla kaikaia lâka wankisa.

1 Korint 15:58

Baku bamna, muihki laitwankira nani, ban bapi bara pirwras kira banhwi bas, piua bani Dawan warkka ba kau ban dauki bas; kan man nani kaikisma Dawan wal asla wark daukisma ba lika, bahki apia sa.

1 Korint 4:9

Bamna yang lukisni, yang nani apastil nani sna na, Gâd mita ningka pali ra ai swin baku sa. Yang nani na prura pâtka ra tawan uplika nani baku sna; tasba aiska ba, insal nani wihki upla nani wal sin, wan kaikbia wisi wan mangkan sa.

Epesus 3:13

Baha mita, mamkabisna man nani swapni nani kama apia, yang na man nani dukiamra pât wahwisna ba tâwan, kan naha na man nani mampa ra prana kum sa.

Pilipai 1:28

Waihlam nani sîa yapara. Naha na witin nani tanis tiwaia sainka latan pali sa, sakuna ban sin man nani swaki mai sakan ba marikisa; bara naha na Gâd wina aula.

Kolosi 1:23

Sakuna naha dukiara, man nani kasak lukan lâka ra ban bapi bûi kaia sma, playkam ba tihu bapi bri bara kainamra diara briaia dukiara, swaki sakan lâka smalkanka wina walram ba wina tnaya ra takaia apia. Kan naha smalkanka na lika tasba aiska ra smalkan sa, bara yang Pal pali mita sin smalkaia hilp munisni.

1 Tesalonaika 5:9

Kan Gâd lika yawan pât bribia wisi bâk wan sakras sa, sakuna wan Dawan Jisas Kraist bal swaki sakan lâka bribia dukiara mika.

2 Tesalonaika 1:4

Baha dukiara sika yang nani lika man nani dukiamra wan kupia pah aisisa Gâd sertska nani tilara; rausauhkan nani sut tilara, sari wahwi pât brisma tilara sin ban bapi buisma, kasak sin lukisma ba dukiara.

2 Timoti 1:8

Bamna, wan Dawan witniska takaia man swiram yapara; witin tâwan yang silak ra sna na dukira sin, swiram lukpara. Ban sakuna, sturi yamni ba tâwan pât nani wahwaia ba, man sin dukiam bris, Gâd mita karnika maiki ba kat.

1 Pita 2:21

Bamna Gâd bui man nani naha dukiara mai paiwan sa; kan Kraist lika man nani dukiamra pât wahwan, bara witin daukan baku daukma wisi ai lâka ba sin maikan, ai mina wapanka nani nina blîkma dukiara.

Param Marikanka 2:10

Pât wahwaia sma ba si bripara; kan man nani tilam wina kum kum ba dibil mita silak ra mangkbia, sut traikam kaikaia dukiara; bara yu matawalsip man nani pât wahwaia kama. Bamna pruma ba kat kasak bas, bara yang raya kaia kraunka ba maikamna.

Param Marikanka 2:13

Yang kaikisna, man ba Sitan king aimaki pliska ra iwisma, sakuna man lika yang tâiwan kasak pali ban sma. Antipas mita, yang witniski kasakkira ba, man nani tilamra Sitan iwi pliska ra ikan piua ra, man lika yang ra ban kasak luki kapram.