1 Tesalonaika 2:19 - DAWAN BÎLA AISKA

¹⁹ ¿Bamna yang nani kainira diara bîla kaikisna ba, liliaki ba bara yang nani maiyunra kraunka ba, dîa kabia ki? Baha ba man nani pali sika, wan Dawan Jisas Kraist balbia ba ra.

1 Tesalonaika 2:19 ပူးပေါင်းရင်းမြစ်များ

Sins Lâka 12:4

Mairin pain ai kulkanka tara bri ba ai maya waitna ra king baku daukisa, sakuna maya mairin saura ba sauhki âpu tikisa.

Sins Lâka 16:13

King nani ba latwan lâka manis brisa, latwan sa bara sin yamni kaikaia lâka ba, baha nani kulkanka lâka bara kasakka lâka ra aisi nani ba ra.

Sins Lâka 17:6

Upla almuk nani kraunka ba sika, mulika nani ba; bara aisika nani ba sika, tuktan nani prana ba.

Sins Lâka 4:9

¡Man ra kraun painkira kum prisant maikbia bara witin wal lamla ra sakahkaia!”

Aiseya 62:3

Bara man ba mayunra kraunka kum kama, Dawan mihta ra bara king tasbaya kraunka kama man Gâdkam mihta bilara.

Matiu 16:27

Kan Upla Luhpia Waitna ba ai Aisika prana ra ai insalka nani kira balbia ba ra, upla bani ra dîa daukan ba mana aibapbia.

Mark 8:38

Ya ya yang dukira, smalkanki yamni ba dukiara sin, naha piua uplika lukras bara saura nani na mawanra ai swira lukbia kaka, Upla Luhpia Waitna sna na sin, witin nani dukiara swiri lukamna, Aisiki prana ra insal holikira nani aikuki balamna piua ra.

Jan 21:22

Jisas pana win: —Witin na yang kli balamna kat raya kabia want sna kaka, ¿baha ba dîa sa man mampara? Sakuna man lika yang nini blîks.

1 Korint 15:23

Sakuna kumi bani ai pliska mangkan ba kat: Kraist ba sut tâura; baha ningkara, Kraist balbia ba ra, witin uplika nani ba.

1 Korint 4:5

Baku bamna, piu kau kan ba ra diara nani ba lâka aisi dauki kapara. Dawan bal, tihmu ra yukukan dukia nani ba ingni ra brih sâkbia ba, bîla kaiki bas. Dawan mita upla nani ai kupia ra dîa daukaia luki ba sut latan sâkbia. Bâra mika, upla bani mayunra briaia ba kat, Gâd wina bribia.

2 Korint 1:14

pat tânka wiria kaikisma ba baku; bamna wan Dawan Jisas balbia yua ra, yang nani dukira âmyapah kama, sim yang nani bui man nani dukiamra âiyapah kamna ba baku.

Pilipai 2:16

raya kaia sturka yamni ba witin nani ra yabi. Baku, Kraist balbia ba ra, man nani dukiamra yang âiyapah pali kamna, kan baku lika kaikamna bahki plapras sna bara bahki sin wark takras sna ba.

Pilipai 4:1

Baku bamna, muihki laitwankira nani, man nani mai kaikan pali ai daukisa; man nani sika lilia ai daukisma ba, bara yang prisantki sin. Laitwankira nani, man nani baku ban Dawan ra rayakam ba bapi bûi bas.

1 Tesalonaika 2:20

Âu, man nani mita sika âiyapah ai daukisma ba, bara lilia kaia ba sin.

1 Tesalonaika 3:13

Dawan mita kupiam nani ba karna daukbia, bara man nani ba wan Aisa Gâd mawanra, holikira bara pât âpu banhwi kama, wan Dawan Jisas ai uplika sut aikuki balbia ba ra. Baku kabia.

1 Tesalonaika 4:15

Naha mita sika man nani ra Dawan smalkanka ni mai wisni: Dawan balbia yua kat yawan kau raya nani kabia ba, pruan nani kan dakbi lubia apia.

1 Tesalonaika 5:23

Gâd pali mita, witinka kupia kumi lâka wanki ba, man nani ba witin ai uplika pali mai daukbia, bara spiritkam, sulkam bara wînam tara ba sin tâski âpu yamni bri kabia, wan Dawan Jisas Kraist balaia ba dukiara.

2 Tesalonaika 1:4

Baha dukiara sika yang nani lika man nani dukiamra wan kupia pah aisisa Gâd sertska nani tilara; rausauhkan nani sut tilara, sari wahwi pât brisma tilara sin ban bapi buisma, kasak sin lukisma ba dukiara.

2 Tesalonaika 1:7

bara man nani pât wahwisma ba ra ris maikbia, yang nani ra sin. Naha ba takan kabia, Dawan Jisas kasbrika pura ba wina, pauta klauhi tilara bara ai insalka karnakira nani aikuki latan bal takbia piua ra.

2 Tesalonaika 2:1

Bara muihki nani, wan Dawan Jisas Kraist bal, witin wal asla wan daukbia tânka ba mapa ra man nani ra mamkabisni,

Taitus 2:13

Baha mita sin wan smalkisa, baha yua holikira pramis wan munan ba, yawan bîla kaiki kabia; bara baha sika wan Gâdka tara bara wan Sasakra, Jisas Kraist prana ba latan takbia ba ra.

Jems 5:7

Bahamna, muihki nani, man nani wihka bîla kaiki bas insla dawanka baku, Dawan balbia ba kat. Ya insla warkka dauki ba, mâ manakira dâkaia wihka bîla kaikaia sa, lî piua aimaki auhbia ba kat.

Jems 5:8

Man nani sin wihka bîla kaiks, kupiam sin dutki bri bas, Dawan balaia yua ba pat baila sa bamna.

1 Pita 5:4

Baku bamna, Sepad Wihta ba balbia ba ra, man nani kraun pranakira kum brima, bara baha ba lika ban kaia ra sip srawi luras ba.

2 Pita 1:16

Bamna wan Dawan Jisas Kraist karnika bara witin kli balaia dukiara man nani ra mai smalkri ba lika, yang nani âiya wina sturi saki paski mai smalkras, kan Dawan ba tara sa tânka yang nani naikra pali ni kaikri.

2 Pita 3:4

bara makabi wali kabia: “¿Kraist kli balaia pramis win ba dîa takan? Wan damika nani pruan, bara tasba paskan piua wina naiwa kat dîa kan ba ban sa.”

1 Jan 2:28

Bamna nanara, luhpi lupia nani, Kraist wal asla ban bas, bara baku mika witin param takbia ba ra wan âuyapah kabia, bara witin balbia ba ra ai mawanra yawan bubia, bara wan swira daukan kabia apia.

Judas 1:24

Gâd kumi baman bara swaki wan Sasakra ba, karnika brisa main mai kaikaia kauhmara sîa, witin ai mawan pranakira ra maikka buma tâski âpu liliakira. Gâd ra mayunan kabia, tara kulkan lâka karnika bri ba lâka, bara lâ wihtka kaia aitani kulkan lâka ba sin, wan Dawan Jisas Kraist bâk patitara piua ba wina, nanara bara ban kaia ra. Baku kabia.

Param Marikanka 1:7

¡Kraist ba kasbrika nani tilara balbia! Upla sut mita witin ba kaikbia, ai wîna tara dus prihni ra saban uplika nani sin. Tasba aiska uplika nani witin kaiki sari bri inbia. Âu, baku kabia.

Param Marikanka 22:12

“Âu, yang aihni aulni. Kumi bani ra mana yabaia sna ba yang brisna, bara dîa daukan ba kat yang mana ba yabamni.