1 Tesalonaika 2:11 - DAWAN BÎLA AISKA

¹¹ Pain sin kaikisma, nahki man nani kumi bani ra, yang nani tâm baikri bara maisam nihkri ba, sim aisa kum mita ai luhpia nani ra maisa nihki ba baku.

1 Tesalonaika 2:11 ပူးပေါင်းရင်းမြစ်များ

1 Kronikas 28:20

Bamna Debit bui Salaman ra win: “Kupiam karna bris bara karna bas, wark ba mihtam ra bris. Si bripara, swapni sin takpara. Kan Dawan Gâdki ba man wal kabia, witin yakan mai lulki swibia apia, tempel warkka ba sut dauki tnata alkma ba kat.

1 Kronikas 28:9

Bamna man, luhpi Salaman, aisikam Dawanka ba kakaira taks, bara ai dukia dauks kupia kasak ni, kupiam pihni lâka ra, kan Dawan lika upla sut kupia tânka pliki kaikisa, bara dîa wan lukanka ra ba sut pali tânka brisa. Bara man bui witin ba plikma kaka sâkma, sakuna witin ba man swima kaka, witin bui ban kaia ra mai lulkbia.

Lawana Nani 34:11

Bal, luhpi nani, man nani, yang ra wals; yang Dawan ra kulkaia lâka ba, man nani ra mai smalkamni.

Sins Lâka 1:10

Yang luhpi waitna, upla saurakira nani kunin mai munaisa kaka, ¡yarka kunin mai munbiara!

Sins Lâka 1:15

¡Sakuna man lika witin nani wal wapara, luhpi waitna! Laihura taks ai yabalka saura nani ba wina,

Sins Lâka 2:1

Yang luhpi waitna, yang bîli ba man dukiam dauks, man lukankam ra mangki bris, yang bîli lâka aisi daukri ba.

Sins Lâka 3:1

Luhpi waitna, smalkanki nani ba âmya tiwbiara; bara kupiam ra yarka lâika bîla nani ba alki yamni bribia,

Sins Lâka 6:1

Luhpi waitna, man uplikam dukiara witniska takram sa kaka, apia kaka man upla tringsar hilpka takram kaka;

Sins Lâka 7:1

Luhpi, yang bîli nani ban bri bas, bara lâika bîla nani ba sin ban lukankam ra bri bas.

Sins Lâka 7:24

Bamna nanara, yang luhpi, ai wals; yang bîli aisinka nani sin aman wali bas.

Kulki Kaikanka 27:19

Ningkara prîs Eleazar lamara upla nani kaiki ba ra yas bubia, bara witin nani sut kaiki ba ra dîa ai warkka kabia ba adarka ba yas;

Luk 16:28

bahara yang kau muihki matsip brisna, bara witin baha nani ra wih smalkbia, witin nani sin naha pât wahwan pliska ra balbiara sîa.’

Apastil Nani Sturka 20:2

Baha pliska nani sut ra impaki wan muihni nani ra ai bîla smalki tâ baikan. Baha wina Grik ra wan.

Epesus 4:17

Bamna Dawan nina ra, yang naha na taibi pali mai wisna: man nani kli Dawan ra tawras uplika nani baku raya iwi kapara, kan baha nani lika gâdkas nani ba tânka kat baman taukisa,

Kli Smalkanka 3:28

Jasua ra smalki, tâ baiks ai karnika bribia, kan witin sika upla nani kainara wabia, witin mita sika upla nani ra baha kuntrika ba yabia, man baha pliska kaikisma ba.’

Kli Smalkanka 31:14

Baha ningkara Dawan bui Moses ra win: “Kaiks, man prurikam ba pat baila sa; bara man Jasua ra wis man wal Dawan tintka watla ra balbia, bara yang bui witin purara warkka kahbaisna.” Bamna Moses lika Jasua wal Dawan wal aisaia watla ra wan.

1 Tesalonaika 2:7

sakuna pain mai muni banhri, sim yapti kum ai luhpia nani paki bara main kaiki ba baku.

1 Tesalonaika 4:1

Nanara, muihki nani, Dawan Jisas nina ra man nani ra mamkabisna bara sin kupiam kraukisna: man nani iwankam natka yamni ra yu bani kau pâwi kama, baha sika yang nani wina lan takram ba Gâd kupia lâka daukaia dukiara, bara pat baku dauki banhwisma ba.

1 Tesalonaika 4:6

Upla kumi mita sin naha bisniska dukiara ai muihni ra kunin muni tâski lâka daukbiara. Naha dukia na kaina manis wina latan mai wi banhri: Ani uplika nahmuna swakwanka nani daukbia kaka, Dawan mita witin ra klala yabia.

1 Tesalonaika 5:11

Baha mita, pana pana tâm baiki bas, bara pana pana sin walkam ra hilp muni bas, nanara daukisma ba baku.

1 Tesalonaika 5:14

Baku sin, muihki nani, yang nani mamkabisni, wark takan daukras nani ba ra lawi daukma, si brabrira nani ba tâ baikma, swapnikira nani ba hilp muni banhma, bara upla sut wal kupiam alki takaski bri bas.

2 Tesalonaika 2:5

¿Man nani kupiam kraukras ki, wal aikuki kan ba ra, naha sut mai wi kapri ba?

2 Tesalonaika 3:12

Wan Dawan Jisas Kraist karnika mita, baha uplika nani ra smalki wisna bara adar sin yabisna, witin nani sâpkira wark taki kabia, ai pata saki pi kaia dukiara.

1 Timoti 5:21

Gâd mawanra, Dawan Jisas Kraist bara ai insalka holikira nani mawanra sin, man ra mai taibi mai wisna naha smalkanka nani na bîla wali dauki kama, dîa dîa daukisma ba ra upla kumi ra kau saura luki, apia kaka upla wala ra kau pain luki baku lika daukma apia.

1 Timoti 5:7

Naha lâka nani na sin witin nani ra yas, bara baku mika upla kumi mita sin witin nani ra lawi daukbia apia.

1 Timoti 6:13

Nanara, Gâd mawanra, witinka diara nani sut ra rayaka yabi ba, bara Jisas Kraist mawanra, witinka sin ai lukanka tânka aisi witnis sin takan ba Pontius Pailat mawanra, yang bui mai smalki mai wisni,

1 Timoti 6:17

Naha tasba ra yuya ailal bri nani ba ra smalki wis, witin nani kwalhwi kabiara, yuyaka nani kat kaiki ai kainara diara briaia sin luki banhbiara, baha nani ban lap tiwisa bamna. Sakuna, witin nani Gâd ra luki ai kainara diara briaia luki ban kan, witinka diara ailal wankisa, yawan lilia takbia dukiara.

1 Timoti 6:2

Bara alba nani ba ai dawanka lalukra nani brisa kaka, baha nani ba kasak lukan lâka mapa ra ai muihni nani wisi, witin nani mita bahki kulkaia apia sa. Sakuna, witin nani warkka ba kau pain daukaia sa; kan baha nani ai warkka pain dauki ba wina hilp bri nani ba, lalukra nani sa bara ai muihni latwankira nani sin. Naha dukia nani na, man upla nani ra smalki, baha kat daukbia wiaia sma:

Taitus 2:15

Naha dukia nani na man smalks, bara karnikam aiska ni upla nani tâ baiks bara lawi sin dauki bas. Upla kumi mita sin yarka bahki mai kulkbiara.

Taitus 2:6

Baku sin, wahma nani ra tâ baiki bas ai sinska ba yamni bri kaia ba dukiara.

Taitus 2:9

Dukia dadaukra nani ra smalki wis, ai dawanka nani bîla wali daukbia, bara diara sut mapa ra witin nani dîa want ba kat daukbia. Witin nani mapara ai bîla bukaia apia sa,

Hibru Nani 13:22

Muihki nani, yang bui man nani ra mamkabisna, kupia kraukanka bîla nani na kupiam takaski kira wali kama, wauhkataya mai ulbri na uya yari apia sa bamna.

3 Jan 1:4

Diara wala kumi mita sin lilia ai sakras, luhpi nani kasak ba kat taukisa win waluna ba baman lika lilia tara ai sakisa.