1 Tesalonaika 1:9 - DAWAN BÎLA AISKA

⁹ Witin nani pali aisisa yang nani mita wih mai kaikri bara nahki pain pali ai briram ba, bara nahki sin aidul nani ba swi si Gâd nina blikram ba, Gâd rayakira bara kasakkira ba dukia daukaia dukiara.

1 Tesalonaika 1:9 ပူးပေါင်းရင်းမြစ်များ

Lawana Nani 42:2

Dawan rayakira, rayaki na man ra luki diran daukisa. Dawan, ¿ahkia yang kli wih mamwanra bûi kamna?

Lawana Nani 84:2

¡Tempelkam watla kutbanka painkira ba ra kaia, nahki brin ai daukisa! ¡Kupi aiska kira ni lilia aiwanisni rayaki Gâdka ra!

Aiseya 37:17

Dawan, man kiamam pri tniki yang ra wals: Dawan, namkra nani ba ilingki kaiks bara Senaquerib aisanka ba sin wals, witin sika Gâd rayakira sma ba mampara aisisa.

Aiseya 37:4

Ban kra Dawan man Gâdkam walbia naha bîla aisanka nani ba, witin ra sika Asiria kingka ai Dawanka ba mita blikan ba Gâd rayakira ra lahtubaia dukiara, bara sturi saura nani wiaia dukiara sin, naha bîla aisanka nani ba sika man Gâdkam pat walan sa, bahamna kau kiamka nani tila takaskan nani na dukiara puram suns.’ ”

Jirimaya 10:10

Dawan sika Gâd pali ba, Gâd ai rayaka bri ba, king ban ba. Witin ai kupia baiki ba ra tasba nikwisa; ai kupia baiwi ba mapara nisan nani sip bapi buras.

Jirimaya 16:19

Dawan, yang karniki bara kaini kakahbra, yang yukuwaiki trabil brisna piua ra; nisan nani ba man ra balbia, tasba paskanka takaskan ba wina bal, bara mai wibia: “Kunin gâdka nani, diara bahki, karnika âpu nani ba baman, damiki nani ba ai dukia kukanka baku brin.

Daniel 6:26

bara lâ mangki maisa pakisna, yang kingki tasbaya ra upla nani sut Daniel Gâdka ra bawan kabia, bara kulkan kabia sin. “Kan witin lika Gâd rayakira sa, bara witin ba ban kaia ra sa, ai king lâka ba sauhki tikan kabia apia, ai karnika ba sin tnata âpu sa.

Oseas 1:10

Yu kumi, Israel luhpia nani ba, auhya ailalka kabu un ra ba baku kabia, upla kumi sin, witin nani ba sip kulki sâkbia apia. Witin nani ra “Man nani ba upliki nani apia sma” wiaia watlika ra, Dawan bui wibia: “Man nani ba, Dawan raya ban bâra ba luhpia nani sma.”

Sofonías 2:11

Dawan ai lawanka ba witin nani ra marikbia. Ai tasbaya aiska ra gâd bahki nani bri ba sut slingbi tikbia, bara tasba bani ra, kî nani ra iwi uplika nani ba sin sut, Dawan ra baman mayunbia.

Malaquía 1:11

Nisan nani sut tasba aiska ra yang na tara ai kulkisa; ani anira yang na tara ai kulki bamna, diara kîa yamni angki Dawan sna ba bara kulkanki ba aikisa.

Matiu 16:16

Saiman Pita bila: —Man ba Misaya, Gâd rayakira ba Luhpia.

Apastil Nani Sturka 14:15

—Upliki nani, ¿dîa kan man nani naku dauki banhwisma ki? Yang nani na sin man nani wal baku upla sna. Sakuna nâra yang nani balri na, man nani ra sturi yamni ba mai smalkaia, naha diara bahki nani na swi si Gâd rayakira ba nina blîkma, witinka mita kasbrika pura, tasba, kabu nani ra dîa dîa baha nani bilara ba sut paskan bamna.

Roman 9:26

‘Man nani ba yang upliki nani apia sma’ wisata ba, baha sim pliska ra witin wibia: ‘Man nani ba Gâd rayakira luhpia nani sma.’ ”

1 Korint 12:2

Man nani pain kaikisma kau idan katma ba ra, aidul bîlas nani mita raski mai brih wi kata.

Kli Smalkanka 5:26

Bamna, ¿upla kum bâra sa ki, sip kabia Dawan rayakira bîla baikra walaia pauta klauhan lilapas wina aisisa ba ra, yang nani walri ba baku, bara witin pruras raya kaia?

1 Tesalonaika 2:1

Bamna muihki nani, pain kaikisma man nani ra wih mai kaikatna ba lika bahki baman apia kan.

1 Tesalonaika 2:13

Yang nani naha tâwan, piu sut Gâd ra tingki wisna. Gâd sturka yamni ba sal maikri ba ra, man nani walram bara alki briram; upla bîla baku lika briras katma, sakuna Gâd bîla baku mika. Bara kasak pali baha ba Gâd sturka yamni sika, bara man nani kasak lukisma ba tilamra baha ba wark daukisa.

1 Timoti 4:10

Naha dukia tâwan sika yawan wark karna takisa, bara upla mita sin saura wan wisa, kan yawan na wan kainara diara briaia ba, Gâd rayakira kat brisa, bara witin sika upla sut Sasakrika ba, bara kau pali lika kasak luki nani ba.

Hibru Nani 12:22

Sakuna, man nani lika Saion ilka ra bara Gâd rayakira tawanka ba lama kat sin balram sa, tânka ba lika, kasbrika purara Jerusalemka ra, bahara insal nani tausin ailal ba ra sin.

Jasua 3:10

Dawan rayakira ba man nani tilamra bâra ba tânka man nani naku brima, man nani awala lui auma ba tâmra witin wabia, bara Kenan uplika nani ba, hitita nani, heveo nani, ferezeo nani, gergeseo nani, amorreo nani bara Jebús uplika nani ba sut munka plapbia.

1 Jan 5:21

Luhpi lupia nani, gâd kuninkira nani ba aman kaiki bas.

Param Marikanka 17:2

Naha tasba kingka nani, witin wal rug lâka daukan, bara tasba ra iwi uplika nani ba witin rugka lâka wainka ba dih bla takan.”

1 Samuil 17:26

Debit makabi walan, upla nani ai lamara kan ba ra: —¿Ya naha filisteo na iki, swira lâka ba Israel wina diki sâkbia ba mana, dîa pali baha waitnika ra yabia? Kan, ¿witin na ya sa ki, filisteo idan saura na Gâd rayakira suldiarka nani ra bit munaia?

1 Samuil 17:36

Baku layan kum bara wingku tara kum sin, yang warkkam dadaukra mita ikatna. Naha filisteo idan na ra sin baku takbia, witin ba Gâd rayakira suldiarka nani mapara bûi bamna.