1 Samuil 9:26 - DAWAN BÎLA AISKA

²⁶ bara Saúl mahka yapan. Titan ra Samuil bui Saúl ra winan witin kau buras kan bamna: —Bus bara yabalkam ra impaks. Saúl buan bara witin nani wâlsut tawan yabalka ra taki wan,

1 Samuil 9:26 ပူးပေါင်းရင်းမြစ်များ

Blasi Sturka 19:14

Bara Lot wan, ai luhpia mairin nani briaia, makaban waitnika nani ba sut maisa pakan, bara witin nani ra win: —¡Man nani bus, naha tawanka na wina taki was, kan Dawan balan tawanka na sauhki tikaia! Sakuna ai dapna nani ba witin ra sip kasak lukras kan, baha sturka witin nani ra win ba.

Blasi Sturka 44:4

Witin nani tawan ba wina taki kau laihura pali waras kan ba ra, Josep ai watla pura wihtka ra win: —Baha uplika nani ba ninara man nina bliki was. Bliki alkma ba ra witin nani ra naku wis: ‘¿Man nani dîa muni yamni mai munan ba mana saura ni aibapisma? ¿Silbar kapka ba man nani dîa muni implikram,

Jasua 7:13

Bus bara upla nani sut paiws balbia. Witin nani ra wis upla sut ridi takbia yauhka yang maiwanra bal buaia. Yang Dawan, Israel Gâdka, yang naha bîla nani man nani ra aisaia brisna: ‘Man, Israel, diara sut sauhki âpu tikaia kapram ba dukia nani ba wina diara nani briram, bara baha dukia nani ba sut sauhki lulki swiras kama kaka, waihlam nani mapara sip buma apia.’

Wihta Nani 19:28

Witin ai mairka ra win: —Bus, kaisa yawan mahka waia. Sakuna mairin ba pana diara aisaras kan. Bara witin ai maya wîna tara ai birikuka ra suni bara mahka ai yabalka ra impakan ai watla alkaia.

1 Samuil 9:25

Bara pura pliska holi ba wina tawan mâyara bal iwan ba ra, utla bahna ra krikri kum palkan kan Saúl dukiara,

1 Samuil 9:27

bara tawan tara wina mahka yabal langni ra taki wan ba ra, Samuil bui Saúl ra win: —Albikam nani ra wis tâura wabia, bara man wiria takasks, Dawan diara ai win ba mai wiaisna bamna.