1 Samuil 9:2 - DAWAN BÎLA AISKA

² Ai luhpia waitna kum bri kan, wahma mawan painkira, nina Saúl. Witin ai prana bri ba baku Israel ra wala âpu kan, waitna wala nani witin pâwanka ba pahpaya pura kat sin luras kan.

1 Samuil 9:2 ပူးပေါင်းရင်းမြစ်များ

Blasi Sturka 6:2

Gâd luhpia nani ba kaikan, upla luhpia mairin nani ba mawan pranakira pali kan, witin nani ai laikka ba kat ai maya nani brin, ailalka nani ba tila wina pliki saki.

1 Kronikas 8:33

Ner ba Quis aisika kan, Quis ba Saúl aisika, bara Saúl ba Janatan, Malquisúa, Abinadab bara Es-baal nani aisika kata.

Jirimaya 9:23

Dawan aisisa: “Sinskira ba sinskira sa wisi aimayuni kabiara, karnakira ba ai karnika bri ba dukiara sin apia, yuyakira ba sin diara bri ba wisi aimayuni kabiara.

Kulki Kaikanka 13:33

Yang nani sin kaikri upla tara nani, Anac kiamka nani, upla yari, yang nani lika witin nani nakra ra kruhkru luhpia baku katna, witin nani mita baku wan kaiki kan.

1 Samuil 10:21

Bara Samuil kau ban win, Benjamín kiamka nani ai lamara balbia, bara lat ba Matrí masraka purara kauhan, bara baha wina lat ba Saúl ra kauhan, witinka Quis luhpia waitna ba. Sakuna pliki kaikan bara witin baha nani tilara bâra âpu kan,

1 Samuil 16:7

Sakuna Dawan bui witin ra win: “Mawan painka ra kaikpara, ai pâwanka ra sin apia, baha sut ba yang bahki kulkri sa. Yang lika waitna diara kaiki ba baku kaikras; upla lika mawan painka ra bamna kaikisa, sakuna yang lika kupia kat kaikisna.”

1 Samuil 17:4

Tisku kan war aiklaklabra kum filisteo nani ba tila wina aihni bal takan, ai pâwanka ba 9 pît pura baku bri kan, nina ba Goliat, ai tawanka ba lika Gat wina kan.

1 Samuil 9:3

Yu kum, Quis birikuka mairin nani ba tiwan. Bara witin ai luhpia Saúl ra win: —Bus, ridi taks biriku nani tiwan ba pliki waia, albikam kum sin brih was.