1 Samuil 6:6 - DAWAN BÎLA AISKA

⁶ ¿Dîa kan man nani kupiam ban karna brisma, Idsip uplika nani bara king fero sin daukan ba baku, Gâd bui witin nani ra klala karna yan ba kat, uplika nani ba swin wan ba?

1 Samuil 6:6 ပူးပေါင်းရင်းမြစ်များ

Job 9:4

Gâd ba tara pali sa karna kaia lâka mapa ra, bara sins lâka mapa ra sin, ¿bamna ya sip sa witin mapara aiklabi pura lui si pri kaia?

Lawana Nani 95:8

“Man nani kupiam karna daukpara, Meribá ra baku; baha yua Masá twi ra takan ba baku,

Impakan Sturka 10:3

Moses bara Eran wal king fero kaikaia wan, bara witin ra win: —Dawan Hibru nani Gâdka ba naku wisa: ‘¿Man ahkia kat yang ra ban ai wi kaisma, yang bui man ra bawaia apia? Upliki nani ba swis taki wabia bara yang ra nini mayunbia.

Impakan Sturka 14:17

Yang bui Idsip uplika nani ba kupia karna daukamna, bara witin nani sin Israel luhpia nani nina bliki kabu lilapas bâk lui waia wisi wabia. Bara bahara yang bui king fero ra, war aiklaklabra nani ra bara aras âiulra nani ba sut ra sin, karniki ba marikamni.

Impakan Sturka 14:23

Bara king fero araska âiulra nani ba sut, ai waginka nani ba aikuki, witin nani nina bliki ban kabu lila kat wan.

Impakan Sturka 4:21

Baha ningkara, Dawan bui Moses ra win: —Man Idsip ra wama ba ra, kasak damra wals, king fero mawanra wark aihkakira nani daukaia karnika maikri ba sut pali daukaia. Yang tani lika, yang munamna king fero kupia ba kau karna taki kaia, bara Israel luhpia nani ba swika taki wabia apia.

Impakan Sturka 7:13

Baha sut kaikan sakuna, king fero lika kau ai lal karna daukan. Witin Moses bara Eran wal bîla walras, Dawan bui Moses ra wisata ba baku.

Impakan Sturka 7:14

Baha ningkara, Dawan bui Moses ra win: —King fero ba ban ai kupia karna daukisa, witin bui Israel luhpia nani ba swika taki want apia lukisa.

Impakan Sturka 8:15

Bara king fero kaikan pikpik nani ba sut prui tiwan, witin trabil wina pri takan kan, bara kli ai kupia karna daukan, Dawan mita Moses ra win ba baku, king ba Moses bara Eran wal bîla walras kan.

Impakan Sturka 8:32

Ban sakuna, king fero kli ai kupia karna daukan, bara Israel luhpia nani ba swin taki waras kan.

Impakan Sturka 9:16

Ban sakuna, yang mita mai swiri raya kaia, yang karniki ba kaikaia bara tasba aiska ba sin yang tâinka bribia ba dukiara.

Impakan Sturka 9:34

Ban sakuna, ais mâ nani kauhi kan ba, alwani, imyula wal puli kan ba sut takaskan, bara king fero baha kaiki, kli saura daukan. Witin baman apia, sakuna ai uplika tara nani ba sin, kli ai kupia nani karna daukan.

Roman 2:5

Sakuna man lika kupiam karna pali sa, ba mita kupiam lakaia sin want apia sma. Bamna man mita puramra pât tara mangkisma, Gâd kasakka lâka kat lâ dauki marikbia ba yua ra;

Hibru Nani 3:13

Sakuna, man nani wina kumi sin saurka mita kunin munka bara ai kupia ba sin karna takbia apia, yu bani walkam nani aikuki pana pana tâm baiki bas, “naiwa yua” na kau dimi waras ba ra.