1 Samuil 6:5 - DAWAN BÎLA AISKA

⁵ Baku bamna, yukri nani bara matis nani lilka ba sin dauks baha nani wan tasbaya sauhki tiki ba wal, bara Israel Gâdka ra mayunra yas; ban kra witin bui gâdkam nani pura wina, tasbayam, bara man nani puram wina sin ai lawanka ba sâkbia.

1 Samuil 6:5 ပူးပေါင်းရင်းမြစ်များ

1 Kronikas 16:28

“Upla nani sut bui Dawan ra yas, karnika bara liliaka lâka ba sin.

1 Kronikas 16:29

Dawan ra mayunra lâka yaia ba yas, man nani diara prisantka yaia dukia nani ba wal, witin mawanra bus. Dawan ra mayuni banhs witin ai pliska holikira ba ra.

Lawana Nani 18:44

Witin nani naha walbia ba ra, yang bîli wali daukbia; tringsar nani ba maiwanra mâyara bawbia,

Lawana Nani 32:4

Kakna ra bara tihmia ra sin, man mihtam purira wirha ai taibi kan bamna, mani lapta mita, tangni srawi ba baku, yang swapni ai saki kan.

Lawana Nani 39:10

Man klalka ai wipisma ba, yang wina sâks, yang na âpu ai daukuma sa, man mihtam ai prukanka ba mita.

Lawana Nani 66:3

Man nani bui Gâd ra wis: “¡Man warkkam nani ba aihkakira sa! Man karnikam tara ba mita man waihlam nani ba sirang iwi mamwanra kauhi banhwisa.

Impakan Sturka 12:12

Baha tihmika yang lika Idsip tasbaya aiska ra lui wamna, bara Idsip uplika nani watla bîla bani ra, luhpia tawahkia bani ba ikamni; daiwra luhpia tawahkia nani ba sin, bara Idsip gâdka nani ba lâka sin daukamni. Yang Dawan, baku aisisna.

Impakan Sturka 8:17

Bamna Eran ai kînka ba ni tasba ra prukan, bara tasba puknika nani ba wina tairi nani baman bal takan Idsip tasbaya aiska ra, bamna upla ra bara daiwan nani sut ra sami kan.

Impakan Sturka 8:24

Bara Dawan aisin ba baku daukan, walmu nani ba mita diara sut ba sauhki swin.

Impakan Sturka 8:5

Bamna Dawan bui Moses ra win: —Eran ra wis ai dusa ba awala nani purara sakbi bribia, tingni bara lakun nani sut purara sin. Bara baha wina, pikpik nani bal taki, Idsip tasbaya aiska ba banhkaia.

Aiseya 19:1

Idsip mapara dahra aisin ba: Man nani kaiks Dawan ba kasbrika karna plapi ba kum ra uli: Witin Idsip ra aula. Idsip aidulka nani sut witin ai mawanra tatatwisa, Idsip uplika nani ba, kupia dring sirang sa, ai tila kat.

Aiseya 42:12

Man nani bui Dawan ra mayunra yas, ai mayunra nani ba sturka man upla ra maisa paks kabu un nani ra.

Jirimaya 13:16

Man nani bui Dawan Gâdkam ba pain kulki bas, witin bui man nani ra tihmia tara ba kau bri balras bara kiasma ilka nani ra kau minam prukras sma ba ra; baha ingnika bîla kaikisma witin mita kau tihmia tara ba bri balras dista tara ba kau daukras ba ra.

Jirimaya 3:13

Man watawi daukram ba daukri, wis, Dawan Gâdkam mapara babura takram ba; tringsar nani latwan kaiki plapi pliki waram ba, dus tara nani sut distiki ra waram, yang bîli walras adarki nani wîri ba daukras. Yang, Dawan, kasak aisisni.’ ”

Joel 2:25

“Yang bui man nani mampara kruhkru nani blikri rau mai sauhki banhwaia dukiara, kruhkru daknika tara, klala maikaia blikri ba tâka, man nani namsla bîla wina mâ nani sakras kapram ba, baha mana aiska sut yang kli mai aibapamna.

Jona 3:9

yawan baku daukbia kaka, ban kra Gâd wan lawbia apia, bara yawan raya kabia.”

Malaquía 2:2

Man nani sika yang bîli wali dauki, pulan lâka luha tara ai kulki kaia kapram. Sakuna baku daukras sma kaka, lahtubamna. Baku daukras sma bamna prîs warkka wina yamnika nani briaia katma ba, lamhtubanka ra lakamna.” Karnika sut alki bri Dawanka ba, naha aisisa.

Kulki Kaikanka 33:4

Idsip uplika nani ai luhpia tawahkia pruan nani ba biki banhwi kan ba ra, baku Dawan ai karnika ba witin nani ra mariki kan, Idsip gâdka nani lâka sin daukan.

Jan 9:24

Bara Ju nani mita kan piua ra blain kan waitnika ba kli paiwi, win: —Diara kasak ba wan wis Gâd mawanra; kan yang nani kaikisna baha waitnika ba lika saura dadaukra sa.

Jasua 7:19

Bara Jasua bui Acán ra makabi walan: —Luhpi, pain kulkan mayunan lâka ba Dawan Israel Gâdka ra yas, man dîa daukram ba damra ba yukukpara, ai wis.

Param Marikanka 11:13

Baha sim piua tasba nikban tara kum takan, bara tawan ba mânka matawalsip daukan wina kumi ba kauhan, bara tasbaya nikbanka ba mita upla 7,000 pruan. Uplika nani pruras swakwan ba sibrin tara alkan, bara kasbrika purara Gâdka ra mayunra yabi kan.

Param Marikanka 14:7

Bara witin ai bîla baikra tara ni aisi kan: “Man nani bui Gâd ra sibrin luks bara mayunra sin yas, witin ba lâ daukaia awarka ba pat aimakan sa bamna. Gâd ra puram suni mayuni bas, witinka ba kasbrika purara, tasba, kabu, bara lî kârma nani sin paskan ba.”

Param Marikanka 16:9

Sut ba saura pali angkan kan, bara witin nani ba Gâd nina ra diara saura nani aisan, witinka naha pâtka tara nani purara karnika bri ba; sakuna witin nani ai kupia lakras, witin ra sin mayunras.

1 Samuil 5:11

Tawanka aiska ba purara prura sibrinka pat dingkan kan, Gâd wina klala karna pali blikan ba witin nani kaikan bamna. Bara filisteo wihta tara nani ba sut asla paiwan, bara win: “Israel Gâdka lâka auhbaia watla ba naha wina brih sâks. Kli bri si watla ra swis, kau wan iki âpu wan daukras ba ra.”

1 Samuil 5:9

Bahara brih wan ba ra, Dawan bui upla sut ra sibrin tara dingkan, tuktan sirpi wina tara ba sut yukri sikniska ni wipan.

1 Samuil 6:8

Bara Dawan lâka auhbaia watla ba, karita ba ra mangks, bara gul ni daukan dukia nani ba sin, wan saurka mana prisantka Dawan ra yaia dukia nani ba, watla kum ra mangks bara arp tnaya kat swis. Baha ningkara, bîpka nani ba yakan swis karita ba brih wabia.