1 Samuil 6:4 - DAWAN BÎLA AISKA

⁴ Filisteo nani makabi walan: —¿Yawan dîa prisantka yaia sa wan saurka mana? Prîska nani ba win: —Yukri lilka puskan matsip gul ni daukaia, matis sin matsip gul ni daukaia, bara filisteo wihtka bani ra kum yabaia, kan wihta tara nani bara man nani sut baha sikniska ba mai alkan bamna.

1 Samuil 6:4 ပူးပေါင်းရင်းမြစ်များ

Impakan Sturka 12:35

Uplika nani ba Moses dîa daukaia win ba kat daukan. Baha purkara, Israel luhpia nani Moses adarka kat, Idsip uplika nani ra gul bara silbar ni daukan dukia nani bara kwala nani sin makaban.

Jasua 13:3

baha sika Sihor awala wina auya ba, Idsip lalma ra, Ecrón piarkika kat baha yahbra tani ra, baha lika Kena uplika nani tasbaya kulkisa, bahara wihta nani matsip bâra sa, baha nani sika Gaza, Asdod, Ascalón, Gat bara Ecrón wihtka nani. Aveo nani tasbaya pîska nani sin takaskan

Wihta Nani 14:19

Baha ningkara Dawan spiritka ba Samson ra iwan, bara witin waitna karna takan; bamna Ascalón ra wan, bahara 30 waitna ikan baha tawanka uplika nani ra. Bara baha nani kwalka nani ba ni 30 waitna nani ra aibapan, witin dahra prakan tânka makabi walan ba param saki win ba waitnika nani ra. Ban sakuna, witin ai kupia sauhki ai aisa watla ra wan,

Wihta Nani 3:3

Filisteo nani wihtka nani matsip ba takaskan, Kena uplika nani ba sut, Sidón uplika nani bara heveo nani Líbano ilka ra iwi kan ba, Baal-hermón ilka wina Hamat ra dimi waia yabalka ba kat.

1 Samuil 5:12

Tawan inanka ba kasbrika purara ba kat uli wan, kan upla nani kau pruras raya kan ba sut yukri alkan wîna aiska ra.

1 Samuil 5:6

Baha takan ba ningkara, Dawan bui Asdod uplika nani sut ba ai tasbaya aiska ra sin klala saura yan, sibrin tara dingkan bara yukri sikniska ni sin wipan.

1 Samuil 5:9

Bahara brih wan ba ra, Dawan bui upla sut ra sibrin tara dingkan, tuktan sirpi wina tara ba sut yukri sikniska ni wipan.

1 Samuil 6:5

Baku bamna, yukri nani bara matis nani lilka ba sin dauks baha nani wan tasbaya sauhki tiki ba wal, bara Israel Gâdka ra mayunra yas; ban kra witin bui gâdkam nani pura wina, tasbayam, bara man nani puram wina sin ai lawanka ba sâkbia.

1 Samuil 6:8

Bara Dawan lâka auhbaia watla ba, karita ba ra mangks, bara gul ni daukan dukia nani ba sin, wan saurka mana prisantka Dawan ra yaia dukia nani ba, watla kum ra mangks bara arp tnaya kat swis. Baha ningkara, bîpka nani ba yakan swis karita ba brih wabia.