1 Samuil 5:10 - DAWAN BÎLA AISKA

¹⁰ Bara Gâd lâ auhbaia watla ba filisteo nani Ecrón ra brih wan. Sakuna lâ auhbaia watla ba brih wan ba ra, Ecrón uplika nani sin ini yahwan: “¡Israel Gâdka lâka auhbaia watla ba nâra bri balan sa wan iki tikaia dukiara!”

1 Samuil 5:10 ပူးပေါင်းရင်းမြစ်များ

2 Samuil 7:9

Man wal wari, ani anira man waram ba, waihlam nani mampara buan ba sut yang bui âpu daukri, ninam mayunra tara maikri, naha tasba uplika tara nani ai mayunra bri ba baku.

2 King Nani 1:2

Bara Ocozías ba king watla kum Sameria ra kan ba windarka pura pali ba wina kauhan, bara latwan pali brin. Bara sturi twatwilkra nani bliki win, Ecrón gâdka Baal-zebub ra tânka pliki kaikbia, naha sikniska na wina witin rawbia sapa.

Emus 1:8

Asdod tawanka ra king aimaki ba, yang bui sauhki tikamna, baku sin Ascalón wihtka tawanka ba sauhkamna. Bara Ecrón uplika nani mapara sin karniki aiska wal dimi wamna, tila nani bâra ba sut pruan kabia.” Dawan baku aisisa.

Emus 6:2

Man nani Calné tawanka bâk kaiki lui was, baha wina tawan tara Hamat bâk sin kaiki lui was; baha wina filisteo nani tawanka tara Gat ba sin wih kaiks. ¿Lukisma man nani ba kau pain sma, baha nani tawanka wal? ¿Man nani tawankam ba kau pain sa ki, baha nani tawanka ba wal?

Jasua 13:3

baha sika Sihor awala wina auya ba, Idsip lalma ra, Ecrón piarkika kat baha yahbra tani ra, baha lika Kena uplika nani tasbaya kulkisa, bahara wihta nani matsip bâra sa, baha nani sika Gaza, Asdod, Ascalón, Gat bara Ecrón wihtka nani. Aveo nani tasbaya pîska nani sin takaskan

Jasua 15:11

Baha wina Ecrón ilka witnika nani bâk lui Sicrón ra tawi wan ban Baalá ilka bâk lui Jabneel ra wan, bara baha wina ban Mediterráneo kabuka kat takaskan.

Jasua 15:45

Ecrón tawanka ba bara tawanka sirpi nani ba sut,

Wihta Nani 1:18

Ban sakuna, Gaza, Ascalón bara Ecrón tawanka nani lika sip dakbi briras kan, tasbaya nani ai lamara ba sin apia.

1 Samuil 17:52

Bamna Israel waitnika nani bara Juda waitnika nani sin war winanka wini, nina bliki taki wan Gat dimaika kat, Ecrón dimaika kat sin. Filisteo suldiar nani pruan wîna tara ba Saaraim, Gat bara Ecrón yabalka ra prawi kan kaikan.

1 Samuil 5:11

Tawanka aiska ba purara prura sibrinka pat dingkan kan, Gâd wina klala karna pali blikan ba witin nani kaikan bamna. Bara filisteo wihta tara nani ba sut asla paiwan, bara win: “Israel Gâdka lâka auhbaia watla ba naha wina brih sâks. Kli bri si watla ra swis, kau wan iki âpu wan daukras ba ra.”

1 Samuil 5:9

Bahara brih wan ba ra, Dawan bui upla sut ra sibrin tara dingkan, tuktan sirpi wina tara ba sut yukri sikniska ni wipan.

1 Samuil 6:1

Dawan lâ auhbaia watla ba kati 7 filisteo tasbaya ra bri kan.