1 Samuil 4:8 - DAWAN BÎLA AISKA

⁸ ¡Yawan ra saura pali kabia! ¿Ya yawan ra swaki wan sâkbia naha Gâdka karnakira na mihta ra kauhbia ba ra? ¡Witin sika Idsip uplika nani sut sauhki tikan upla iwras tasbaya ra siknis sât sât klalka ba wal!”

1 Samuil 4:8 ပူးပေါင်းရင်းမြစ်များ

Impakan Sturka 15:14

Nisan nani naha tânka na ai dara walbia ba ra witin nani tatatwi kabia, filisteo nani ai nana dusa warbi lakbia, sarka lâka latwanka taibuya ba luki ba mita.

Impakan Sturka 7:5

Yang bui Idsip tasbaya purara karniki ba marikamna ba ra, Israel luhpia nani ba baha wina sakamna bara witin nani ai dara walbia, yang sika Dawan sna ba.

Impakan Sturka 9:14

Naha piua ra klala blikaisna man mampara, uplikam tara nani, bara uplikam nani sut mapara sin; bara man kaikma tasba aiska ra yang baku wala âpu ba.

Param Marikanka 11:6

Baha witniska nani mita kasbrika pura ba prakaia karnika brisa, bara Gâd dahra aisabia yua nani ra sin, yaka lî auhaia apia. Witin nani lî ba tala ra lakaia karnika brisa, bara pât saura sât sât ni tasba ra rausauhkaia sin, aima an witin nani want kabia ba kat.

1 Samuil 4:7

Witin nani sibrin takan bara aisin: “¡Gâd kiamp ra balan! ¡Nanara yawan ra lika saura pali takbia, naha praiska kat lika kau yawan ra takras kan!

1 Samuil 4:9

Bamna filisteo nani ba naku aisin: “¡Aiklabaia dukia nani ba alki bris, kupiam karna waitna baku aiklas, Israel luhpia nani albika takmara sîa, witin nani ba man nani albikam takan ba baku!”

1 Samuil 5:7

Asdod uplika nani kaikan naha trabilka nani sut takan ba ra, witin nani win: “Gâd lâka auhbaika watla Israel dukia ba yawan tilara ban bri kaia sip apia sa, kan Gâdka ba klala karna pali wankisa yawan ra bara wan gâdka Dagón ra sin.”