1 Samuil 30:16 - DAWAN BÎLA AISKA

¹⁶ Bara âimplikra nani bâra kan ba kat brih wan, witin nani twi mawan âpu yakabrira plun pi bara di banhwi kan, filisteo bara Juda tasbaya wina diara nani implikan ba ai lilia bri banhwi kan.

1 Samuil 30:16 ပူးပေါင်းရင်းမြစ်များ

2 Samuil 13:28

bara ai albika nani ra adar yan kan: “Amnón ba aman pali kaiki bas, wain ba di lilia pali takbia ba ra yang bui man nani ra mai wimna, bara man nani bui witin ba iks. Man nani baha daukaia si bripara, baha yang adarki nani sa, bahamna man nani kupiam wilinkira bara karna bris.”

1 Kronikas 4:43

bara Amalec uplika nani kau bâra iwi kan nani ba sut sauhki tikan. Baha yua ba wina bahara iwan naiwa ba kat.

Job 20:5

upla watawikira liliaka ba, piu prahni baman sa; ai âuyapah lâka ba minit lupia kumi baman sa.

Lawana Nani 119:162

Yang lika lilia daira walisna pramiskam nani ba wal, upla kum diara kukan tara kum sakan ba baku.

Impakan Sturka 32:6

Yu wala titan witin nani bûi banhwan ba ra, daiwan aiska angki sakripais daukan, bara kli wal ai uplika takaia lâka sakripaiska ba sin daukan. Bara upla nani ba iwi plun pin, diara sin di banhwan. Baha ningkara bûi banhwan, puli lilia briaia.

Aiseya 22:13

Sakuna nanara, kaiks, lilia lâka baman sa, bîp nani ikaia, baku sin sîp nani, wîna piaia, wain diaia. Man nani aisaram: “Yawan nani plun pi kap bara sin di kap, kan yauhka yawan sut prubia bamna.”

Aiseya 9:3

Dawan, man lilia tara kum bri balram; liliaka ba sin tara pali pura prakram. Witin nani sut man mamwanra lilia takbia insla dâki liliaka ba baku, upla ai dukia nani ailal bri ai yuyaka yui yabi liliaka tara dauki ba baku.

1 Tesalonaika 5:3

Upla nani bila “Diara sut ba sâpkira bara trabil kumi sin âpu sa” aisi kabia ba ra, bâra mika ban wina sauhki tikaia lâka ba witin nani purara balbia. Baha ba lika sim mairin kwihra aisubaia piua aimakan latwanka nani bri ba baku kabia; bara witin nani sip swak takbia apia.

Jasua 22:8

Bara witin nani ra win: “Man nani lika kli tasbayam ra tawi was, diara ailal brisma ba wal, bara daiwram ailal, gul, silbar, bras, ayan bara kwala nani ailal wal. Muihkam nani kira yui bris, kan naha lika waihlam nani wina dakbi briram.”

Wihta Nani 8:11

Bara upla iwras tasbaya ra waia yabalka wapi kan ba, yabalka ba lamak Gedeón wapi kan bahak lui wih, Nóbah bara Jogbehá lalma tani bâk lui, uplika nani ba lamara dimi wih, witin nani ai dara walras kan, bara kiampka ra dimi aiklaban.

1 Samuil 30:14

Yang nani quereteo nani waupasa tani tasbaya kir ra wari bara upla dukia nani dakbi briri, baku sin Juda ra bara Caleb ra. Bara Siclag sin pauta ni angki banhri.

1 Samuil 30:15

Debit bui witin ra makabi walan: —¿Man tâi briaia wilin sma ki baha âimplikra nani bâra ba kat ai bri waia? Waitna ba pana win: —Dawan nina ra yang ra swer takma kaka, ai ikaia apia, dawanki mihta ra sin kli ai mangkaia apia kaka, baku lika yang bui witin nani kat mai bri wamna.