1 Samuil 3:18 - DAWAN BÎLA AISKA

¹⁸ Bara Samuil witin ra sturka ba sut pali win, diara kumi sin yukukras, bara Elí wini aisin: —¡Witin ba Dawan sika! ¡Witin yamni kaiki ba kat daukbia!

1 Samuil 3:18 ပူးပေါင်းရင်းမြစ်များ

Blasi Sturka 18:25

¡Sip apia pali, man sip baku daukma apia, pâtkas nani ba pâtkira nani ba wal aikuki baku ikaia, wâlsut ba baha saurka ba aikuki daukan kan baku prais! ¡Baku daukpara! Man sika tasba aiska wihtka tara sma, ¿wapni lâka ba man daukma apia ki?

2 Samuil 10:12

Kupiam lukra bri bas, wan kupia karna aiklabaia, wan nisanka nani ra luki, wan Gâdka tawanka nani ba ra sin lukaia. ¡Bara Dawan bui kau yamni kaiki ba kat wan daukbia!”

2 Samuil 15:26

Sakuna witin bui yang ra yamni ai kaikras sa wibia kaka, nâra ai brisa, ai kupia lâka ba kat yang ra daukaia, witin yamni luki ba kat.

2 King Nani 20:19

Ezequías luki kan, witin ai rayaka yua nani ra kupia kumi bara sibrin luha pan bâra kabia, bara naku Aiseya ra win. —Dawan bîla man bui yang ra bal aisaram ba kasak pali sa.

1 Kronikas 19:13

Spiritkam purara buks, bara aiklabi banhwi kap wan kupia karnakira wal, wan tawanka bara Gâd tawanka nani sut dukiara. ¡Bamna Dawan dîa kau yamni luki ba daukbia si!”

Job 1:21

Bamna naku aisata: —Kwala luha tasba ra balri, bara kwala luha naha tasba wina wamna. Diara sut Dawan mita aikan, bara Dawan mita sin kli mihti dakban; ¡Dawan nina ba ban mayunan kabia!

Job 2:10

Job pana win: —¡Mairin, man diara tanis aisapara! Gâd wina diara yamni wanki ba yawan wilinkira brisa kaka, ¿dîa muni diara saura wanki ba sin yawan briras kabia? Baku bamna, baha sut tilara Job ai bîla aisinka ni wiria pan saura yaras kan.

Lawana Nani 39:9

“Yang bîlas baku, diara aisaras kapri kan, man sut daukisma bamna.

Impakan Sturka 34:5

Bara kasbrika kum ra Dawan bal iwan, bahara Moses wal takaskan, bara Dawan ai nina ba mâkan.

Aiseya 39:8

Bara Ezequías mita Aiseya ra win: —Dawan bîla man aisaram ba kasak pali sa. Ba ningkara win: “Yang yui nani ra kupia kumi sibrin luha pan lika bâra kabia.”

Jirimaya 34:6

Prapit Jirimaya naha bîla nani na sut Sedequías, Jerusalem kingka ra win.

Jirimaya 38:14

Bara king Sedequías win prapit Jirimaya ba witin ra bri balbia, tempel ra witin dimi ba durka bâk. Bahara king bui witin ra naku win: —Yang sturi kum mamkabi walaisna, brin ai daukisa man bui diara rait ba ai wima.

Jirimaya 42:4

Jirimaya witin nani ra win: —Yamni aisaram. Man nani tâmwan Dawan Gâdki ra puri sunamni, man nani makabram ba baku, bara witin pana yang ra dîa ai wibia ba, yukukamna apia, sut mai wimna.

Inanka Nani 3:39

Upla ba saura dadaukra kum sa, ¿bamna dîa dukiara brukwi aisisa?

Libait Lâka 10:3

Baha ningkara Moses naku win Eran ra: —Naha sika Gâd mai wiaia ai win kan ba, naku win ba ra: ‘Yang laimara aula ba uplika nani ra marikamni holiki lâka ba, bara Israel luhpia nani sut ra yang praina ba marikamni.’ Bara Eran diara aisaras sâp kan.

1 Pita 5:6

Bamna, Gâd mihta karnikira ba munhtara bawikira nani bas, bara baku witin mita piua kat mai bukbia.

Wihta Nani 10:15

Israel luhpia nani pana Dawan ra win: “Yang nani saura daukri. Bamna dîa man kupiam lâka kat yang nani wal daukaia brin mai dauki ba kat dauks; sakuna yang nani puri sunisni, naiwa man bui yang nani swaki ai sâkma.”