1 Samuil 29:6 - DAWAN BÎLA AISKA

⁶ Bara Aquís bui Debit ra tawi win: —¡Dawan raya sa, baha ba kasak sa, man ba waitna wapni kum sma! Kiamp ra man nahki diara dauki kapram ba yang yamni pali kaikri. Man bal ai kaikram ba yua wina yang lika man wina diara watawi kumi sin kaikras. Sakuna filisteo war wihtka nani man ra pain lukras sa,

1 Samuil 29:6 ပူးပေါင်းရင်းမြစ်များ

Blasi Sturka 16:6

Bara Ebram pana Sarai ra win: —Kaiks, albikam ba man mihtam ra sa; dîa daukma taim kau yamni takaia ba kat witin wal dauks. Bara Sarai mita mahka witin ra saura munan, bamna Agar ba mahka plapan.

2 Samuil 3:25

¿King tara ba baha tânka brisa ki, Abner, Ner luhpia ba kunin mai munaia baman balan kan ba, king tara diara nani dauki ba tânka pliki kaikaia baman?

2 King Nani 19:27

Man nahki wataukisma ba sut yang kaikisna, dîa dukia nani sut daukisma ba sin, bara sin nu sna man bui yang maipara kupiam sauhkram ba.

Lawana Nani 121:8

Dawan ba kainam kahbisa, man yabalkam nani ra, nanara ban kaia ra sin.

Aiseya 37:28

Yang sut pali kaikisna dîa dîa daukisma ba, taki wisma bara bal dimisma ba sin, bara sin kaikisna, yang maipara kupiam baiki daukisma ba sut.

Aiseya 65:16

Ya ya kabia naha tasba ra yamni munaia lâka plikbia ba, Gâd kasakkira ba mita yamni munan kabia; bara ya tasba ra swer taki aisin kabia ba, Gâd kasakkira ba nina ra swer takbia. Blasi sarka lâka bâra kata ba sut âuya tiwan kabia, baha nani sut nakra nani wina yukukan kabia.

Jirimaya 12:16

Witin nani mita saki yang upliki nani ba Baal ra swer takaia smalkan ba, sakuna nanara upliki nani tilara iwaia sip kabia, upliki nani nini mâki maiyuni ba witin nani sin aitani lukbia bara nini bri swer taki aisabia: ‘Dawan raya ba mita.’

Kulki Kaikanka 27:17

bara tâ brih wabia ani ani sut ra, baku mika sîp sepadkas baku kabia apia.

Matiu 5:16

Baku sin, man nani yarka ingnikam upla sut mawanra ingbia, bara diara yamni dauki banhwisma ba kaiki, witin nani mita kasbrika purara bâra ba mayunbia.

Kli Smalkanka 10:20

“Dawan Gâdkam bîla wali dauki bas, bara witin ra baman mayuni bas; man nani kasak bas, witin ai nina ra baman swer taki bas.

Jasua 22:30

Bara prîs Finees ba, tawan tâ upla nani bara masraka lalka nani aikuki, bara Ruben, Gad bara Manasés kiamka bakriki ba walan ba ra, baha ba pain kata.

1 Pita 2:12

Gâd ra kakaira apia nani tilara pain watauki bas. Baku, witin nani bui mampara man nani ba lâ sasauhkra nani baku damhra sâkbia ba ra, daukankam pain nani ba kaiki, Gâd ra mayuni kabia, witin bal tânkam dukiara mamkabi walbia yua ra.

1 Pita 3:16

Kupiam dara walra nani ba klir bri bas, bara baku mika ya ya mita man nani Kraist nina blablikra, yamni wataukisma ba mampara saura aisabia ba, ai bîla nani aisuya ba dukiara ai swira lukbia.

1 Samuil 20:3

Sakuna Debit kli kli aisi, win: —Papikam kasak tânka brisa, man bui yang ra yamni lukisma ba, bamna witin brin daukras sa man naha tânka brima bara kupia wirha takaia. Sakuna yang lika Dawan nina ra, man ra swer taki aisisna, kau mini kum bukamna ba prura kat taibaia sna.

1 Samuil 28:10

Sakuna Saúl swer taki win: —Dawan nina ra yang bui man ra swer takisna, naha wina man ra diara saura takbia apia.

1 Samuil 29:3

Bara filisteo war wihka nani Aquís ra makabi walan: —¿Naha Hibruka nani na, nâra dîa daukisa? Aquís pana witin nani ra win: —Naha na Debit, Saúl Israel kingka wihtka tara kata ba. Witin ba yang wal pat piu wihka takaskisa, baha yua wina naiwa kat ai swakwanka kumi sin yang kaikras.

1 Samuil 29:7

baha mita man âmyapah kli tawi was, witin nani yamni kaikras ba dukia ban daukaia apia ba mata.

1 Samuil 5:8

Ba dukiara filisteo wihtka tara nani ba sut paiwan, witin nani wal aikuki asla takaia, bara makabi walan: —¿Yawan dîa daukaia sa, Israel Gâdka lâ auhbaika watla ba wal? Witin nani pana win: —Gat tawanka ra brih was. Bara lâ auhbaia watla ba filisteo nani bui Gat ra brih wan.