1 Samuil 27:9 - DAWAN BÎLA AISKA

⁹ Baha tasbaya ra aiklabi kan bara waitna, mairin kumi sin raya swiras kan. Sîp nani, bîp nani, biriku nani, kiamilka nani sin bara kwalka nani sin sut brih wan. Baha ningkara Aquís ra kli balan,

1 Samuil 27:9 ပူးပေါင်းရင်းမြစ်များ

Blasi Sturka 16:7

Sakuna Dawan insalka witin wal prawan upla iwras tasbaya ra, Sur ra waia yabalka ra lî kârma kum lama kat,

Blasi Sturka 25:18

Ai kiamka nani ba Idsip tasbaya lamara, Asiria kuntrika ra waia yabalka ra Havilá bara Sur wal bilka ra iwan. Ai muihni nani aikuki mangkrira unsabi kan ba tâwan bahara iwan.

Job 1:3

Bara witin sîp 7,000, kiamil 3,000, wark bîpka nani 500, biriku mairin 500 bri kan, alba nani sin ailal pali bri kan. Lalma tasbaya ra witin baman kau upla yuyakira kan.

Impakan Sturka 15:22

Bara baha ningkara, Moses Kabu Pauni wina Israel luhpia nani ba brih mahka impakan. Witin nani Sur upla iwras tasbaya ba kat wan, yu yumhpa witin nani twi saura tasbaya ra wapan, sakuna lî sakras kan.

Jasua 6:21

bara witin nani sord ni waitna, mairin, wahma, tiara, almuk, bîp wainhka, sîp, biriku nani sut ikan. Diara sut ba sauhki âpu tiki banhwan.

1 Samuil 15:3

Bahamna nanara, was bara witin nani ba sut âpu dauks, waitna nani ba, mairin nani ba, tuktan nani bara swap lupia nani ba sin, bîp wainhka nani, sîp nani sut sin, kiamilka bara biriku nani sut iki âpu dauks.’

1 Samuil 15:7

Bâra sika Saúl Amalec uplika nani ra aiklaban Havilá wina Sur tawanka kat, bara Idsip ra dimi waia ba kat baha nani ra pura luan;

1 Samuil 15:8

bamna king Agag ba raya alki priskan, bara ai aiklaklabrika nani sut lika sord ni klaki ikan.