Witin ai tnaya ra ai wihtka tara nani ba mangkan, bara ai kaina kir ba lika quereteo nani bara Pélet uplika nani, geteo nani wina mangkan, baku sin waitna nani 600 Gat wina ai nina blikan ba sut sin ai kan kir yakaban.
Bara Saúl win: —¡Luhpi Debit, saurki ba lata kaikisni! ¡Yang sinskas kum baku wataukisna, swakwanki ba tara sa! Sakuna kli tawi bal, yang kli saura mai munaia plikamna apia. kan naha yua pali ra mairikisma man bui yang rayaki ba kulkisma.
Debit ai suliarka aikuki Gat ra iwan, Aquís wal, ai suliarka kumi bani ai taya nani aikuki. Debit ai maya wâlsut brih wan: Ahinóam, Jezreel wina ba, bara Abigail, Nabal piarkika, Carmel wina ba.
Bara Debit bui Aquís ra naku win: —King tara ba ai uplika yamni ai kulkisa kaka, yang lika witin ra puri sunisni, tawan sirpi kum ra iwaia adarka aikbia; aitani apia sa dukiam dadaukra na king tara man wal tawan tara ra iwi kaia ba.